ବ୍ୟାଟେରି ଚୋରି ଅଭିଯୋଗରେ ୩ ଗିରଫ

ଧର୍ମଶାଳା: ଜିଇଓ ମୋବାଇଲ ଟାୱାରରୁ ବ୍ୟାଟେରି ଚୋରି ଅଭିଯୋଗରେ ଜାରକା ବିଟ୍ ପୋଷ୍ଟ୍ ପୁଲିସ୍‌ ୩ଜଣ ଯୁବକଙ୍କୁ ଗିରଫ କରିଛି। ସେମାନଙ୍କ ନିକଟରୁ ୫ଟି ବ୍ୟାଟେରି ଓ ୩ଟି ମୋବାଇଲ ଜବତ କରାଯାଇଛି। ଗିରଫ ଅଭିଯୁକ୍ତ ଧାମନଗର ଅଞ୍ଚଳର ଚାନ୍ଦ ଅଲ୍ଲି ଖାଁ, ମୀର ସୋହେଲ୍ ଓ ମୀର ସେହେବାଜକୁ ପୁଲିସ୍‌ ଆଜି ଚଣ୍ତିଖୋଲ କୋର୍ଟଚାଲାଣ କରିଛି। ପ୍ରକାଶ ଯେ, ଧର୍ମଶାଳା ଥାନା ଅନ୍ତର୍ଗତ ଗଙ୍ଗାଧରପୁର ଓ ଅଚ୍ୟୁତପୁର ଗାଁ ନିକଟରେ ଥିବା ଜିଇଓ ମୋବାଇଲ ଟାୱାରରୁ କିଛିଦିନ ପୂର୍ବେ ବ୍ୟାଟେରି ଚୋରି ହୋଇଥିଲା।

ଏନେଇ କମ୍ପାନି କର୍ତ୍ତୃପକ୍ଷ ଥାନାରେ ଏତଲା ଦେଇଥିଲେ। ପୁଲିସ୍‌ ୨୦୧/୨୩ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିଲା। ତେବେ ଧାମନଗର ଅଞ୍ଚଳର ସୋହେଲ୍ ଓ ସେହେବାଜ୍ ଟାୱାରରୁ ବ୍ୟାଟେରି ଚୋରି କରି କବାଡ଼ିଆ ଦୋକାନୀ ଚାନ୍ଦ୍ ଅଲ୍ଲି ଖାଁଙ୍କୁ ବିକ୍ରି କରିଥାନ୍ତି। ଏ ସଂପର୍କରେ ସୁରାକ୍ ପାଇ ଜାରକା ବିଟ୍ ପୋଷ୍ଟ୍ ଅଧିକାରୀ ପ୍ରଶାନ୍ତ କୁମାର ତ୍ରିପାଠୀ ସଦଳବଳ ଧାମନଗର ଅଞ୍ଚଳରେ ଚଢ଼ଉ କରି ୩ ଅଭିଯୁକ୍ତଙ୍କୁ ଗିରଫ କରିଥିଲେ। ସେମାନଙ୍କ ନାଁରେ ଭଦ୍ରକ ସଦର, ଧାମନଗର, ଧର୍ମଶାଳା ଆଦି ବିଭିନ୍ନ ଥାନାରେ ବହୁ ଚୋରି ମାମଲା ରହିଥିବା ଜଣାପଡ଼ିଛି। ଜାମିନ୍ ନାମଞ୍ଜୁର ହେବାରୁ ସେମାନଙ୍କୁ ରଗଡ଼ି ବିଚାର ବିଭାଗୀୟ ଜେଲ୍‌କୁ ପଠାଇ ଦିଆଯାଇଛି।