ଭଦ୍ରକରେ ଚାଞ୍ଚଲ୍ୟ: ଆରଏମ୍‌ସି ମାର୍କେଟ କମ୍ପ୍ଲେକ୍ସ ପାଖରୁ ମିଳିଲା ମଣିଷ କଙ୍କାଳ

ଭଦ୍ରକ: ଆରଏମ୍‌ସି ମାର୍କେଟ କମ୍ପ୍ଲେକ୍ସ ପାଖରୁ ଏକ ମଣିଷ କଙ୍କାଳ ଠାବ ହୋଇଥିବା ଜଣାଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ଏକ ଜଙ୍ଗଲିଆ ସ୍ଥାନ ସଫା କରିବା ବେଳେ ମଣିଷ କଙ୍କାଳ ମିଳିଥିଲା। ସେହି କଙ୍କାଳ , ପାଖରେ ଏକ ବ୍ୟାଗ, ଚପଲ ଓ ଦଉଡ଼ି ପଡ଼ି ରହିଥିବାର ଦେଖିବାକୁ ମିଳିଥିଲା।

ଏହି କଙ୍କାଳଟି ବହୁଦିନର ବୋଲି କୁହାଯାଉଛି। ଖବର ପାଇ ଘଟଣାସ୍ଥଳରେ ପହଞ୍ଚି ପୁରୁଣା ବଜାର ପୁଲିସ ତଦନ୍ତ ଆରମ୍ଭ କରିଛି।