ବରଗଡ଼ ଜିଲ୍ଲାରେ ୨ ନୂତନ ରାଜସ୍ୱ ନିରୀକ୍ଷକ ସର୍କଲକୁ ଅନୁମୋଦନ କଲେ ମୁଖ୍ୟମନ୍ତ୍ରୀ ନବୀନ

ଭୁବନେଶ୍ୱର/ବରଗଡ଼: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବରଗଡ଼ ଜିଲ୍ଲାରେ ପ୍ରତିଷ୍ଠା କରିବା ପାଇଁ ୨ଟି ନୂତନ ରାଜସ୍ୱ ନିରୀକ୍ଷକ ସର୍କଲକୁ ଅନୁମୋଦନ କରିଛନ୍ତି। ସାଧାରଣ ନିର୍ବାଚନ ପ୍ରତିଶ୍ରୁତିକୁ ପାଳନ କରି ନବୀନ ଏହି ୨ଟି ରାଜସ୍ୱ ନିରୀକ୍ଷକ ସର୍କଲକୁ ଅନୁମୋଦନ କରିଥିବା ଜଣାପଡ଼ିଛି। ଅନୁମୋଦିତ ରାଜସ୍ୱ ନିରୀକ୍ଷକ ସର୍କଲ ଦୁର୍ଗମ ଅଂଚଳରେ ଥିବା ଝାରବନ୍ଧ ତହସିଲ ଅନ୍ତର୍ଗତ ଡଭା ଓ ଲଉଡିଧରରେ ପ୍ରତିଷ୍ଠା ହେବ।

ସୂଚନାଯୋଗ୍ୟ ଝରବନ୍ଧ ତହିସିଲ ବରଗଡ଼ ଜିଲ୍ଲାର ସୀମାନ୍ତ ଅଂଚଳରେ ଅବସ୍ଥିତ। ନିର୍ବାଚନ ସମୟରେ ନୂତନ ତହସିଲ ସ୍ଥାପନ ପାଇଁ ଲୋକେ ଦାବି କରିଥିଲେ। ଏଠାରୁ ପୁଣି ଡଭା ଓ ଲଉଡିଧର ଆହୁରି ଅନେକ ଦୂର ପଡୁଛି। ଫଳରେ ଜମିଜମା କାମ ପାଇଁ ସାଧାରଣ ଲୋକଙ୍କୁ ବହୁ ରାସ୍ତା ଅତିକ୍ରମ କରିବାକୁ ପଡୁଥିଲା। ଉଭୟ ଆର.ଆଇ ସର୍କଲ ଠାରୁ ଅଳ୍ପ ଦୂରରେ ରହିଛି ଛତିଶଗଡ଼। ନୂତନ ଆର.ଆଇ ସର୍କଲରୁ ସ୍ଥାନୀୟ ଜନତା ବହୁ ଉପକୃତ ହେବେ।