କେନାଲରୁ ବରିଷ୍ଠ ମହିଳାଙ୍କ ମୃତଦେହ ଉଦ୍ଧାର

ଢେଙ୍କାନାଳ: ସଦର ଥାନା ଅଧୀନ ଗୁଣ୍ଡିଚାପଡ଼ା କେନାଲରୁ ଆଜି ସକାଳୁ ଜଣେ ବରିଷ୍ଠ ମହିଳାଙ୍କର ମୃତଦେହ ଉଦ୍ଧାର ହୋଇଛି। ମୃତ ମହିଳା ହେଲେ ପଦ୍ମାବତୀ ସାହୁ (୬୩)।

ସୂଚନା ଅନୁସାରେ ସଦର ଥାନା ଅଧିନ ଗୁଣ୍ଡିଚାପଡ଼ା କେନାଲରେ ଜଣେ ମହିଳାଙ୍କର ମୃତଦେହ ଭାସୁଥିବା ନେଇ ସ୍ଥାନୀୟ ଲେକେ ପୁଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କର ମୃ‌ତଦେହ ଉଦ୍ଧାର କରିଥିଲା। ପରେ ମୃତଦେହଟି ସଦରଥାନା ଅଧୀନରେ ବସବାସ କରୁଥିବା ଦୁଶାସନ ସାହୁଙ୍କ ସ୍ତ୍ରୀ ପଦ୍ମାବତୀଙ୍କର ବୋଲି ଜଣାପଡ଼ିଥିଲ‌ା। ତେବେ ପଦ୍ମାବତୀଙ୍କର ମୃତ୍ୟୁ ନେଇ ପୁଲିସ ତଦନ୍ତ କରୁଛି।