ଘର ଭିତରୁ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର

ରାଇରଙ୍ଗପୁର: ମୟୂରଭଂଜ ଜିଲ୍ଲା ରାଇରଙ୍ଗପୁର ଆଦର୍ଶ ଟାଉନ ଥାନା ଅନ୍ତର୍ଗତ ତିନି ନଂ ୱାର୍ଡ ସାକିଲାଡିହି ଗ୍ରାମର ଘର ଭିତରୁ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସୂଚନା ଅନୁଯାୟୀ ସାକିଲାଡିହି ଗ୍ରାମର ସୁରେନ୍ଦ୍ର ସିଂଙ୍କ ଝିଅ ସାଲୋନୀ ସିଂ (୨୦) ଚାକିରି ପାଇଁ ପରୀକ୍ଷା ଦେଇଥିଲେ । ତେବେ ପରୀକ୍ଷା ଫଳ ନେଇ ମାନସିକ ସ୍ତରରେ ଚିନ୍ତିତ ଥିଲେ ଏବଂ ଆଜି ଘର ଭିତରେ ରଶି ସାହାଯ୍ୟରେ ଆତ୍ମହତ୍ୟା କରିବା ପାଇଁ ଝୁଲି ପଡିଥିଲେ । ପରିବାର ଲୋକେ ଜାଣିବା ପରେ ସଂଗେ ସଙ୍ଗେ ତାଙ୍କୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିସ୍ୟାଳୟରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ ଘଷଣା କରିଥିଲେ । ଏନେଇ ରାଇରଙ୍ଗପୁର ଟାଉନ ଥାନାରେ ୧୬/୨୨ ରେ ଏକ ଅପମୃତ ମାମଲା ରୁଜୁ କରି ପୁଲିସ ଘଟଣାର ଅଧିକ ତଦନ୍ତ କରୁଛନ୍ତି ।