ଢେଙ୍କାନାଳ ବାଇପାସରେ ଅଘଟଣ: ବସରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ

ଢେଙ୍କାନାଳ: ଆଜି ଦିନ ୧୨ଟା ୧୦ ମିନିଟ ସମୟରେ ଢେଙ୍କାନାଳ ବାଇପାସରେ ଏକ ବସରେ ନିଆଁ ଲାଗିଯାଇଥିଲା। ଏହାଫଳରେ ବସ୍ ଟି ସଂପୂର୍ଣ୍ଣ ଜଳିଯାଇଥିଲା। ତେବେ ଏହି ଅଘଟଣରୁ ଅଳ୍ପରେ ବର୍ତ୍ତିଯାଇଛନ୍ତି ଯାତ୍ରୀ।

ଜାତୀୟ ରାଜପଥ-୫୫ର ଆନନ୍ଦନଗର ନିକଟରେ ଜଳିଯାଇଥିବା  ବସ୍‌ଟି ତାଳଚେରରୁ ଭୁବନେଶ୍ୱର ଆଡ଼କୁ ଆସୁଥିବା ବେଳେ ଅଘଟଣ ଘଟିଥିବା ଜଣାଯାଇଛି। ଖବର ପାଇ ତତକ୍ଷଣାତ୍ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।