ଦୁର୍ଘଟଣା ଘଟାଇଥିବା ଚାଳକ ଗିରଫ

ବ୍ରଜରାଜନଗର: ଗାନ୍ଧୀ ଛକ ବଲାଙ୍ଗୀବାହାଲ ରାସ୍ତାର ଭୋଇମୁଣ୍ଡା ଆମ୍ବତୋଟା ନିକଟରେ ଗତ ୨୪ ତାରିଖ ଅପରାହ୍‌ଣରେ ଦୁର୍ଘଟଣା ଘଟାଇଥିବା ଗାଡ଼ି ଚାଳକ ଗିରଫ ହୋଇଛି। ଟାଟା ମେଜିକ (ଓଆର ୨୩ସି ୯୧୯୮) ଧକ୍କାରେ ବାଇକ ଆରୋହୀ ୪ ଜଣଙ୍କ ମଧ୍ୟରୁ ମା’ ଓ ପୁଅଙ୍କ ମୃତ୍ୟୁ ହୋଇଥିଲା। ବାପ ଝିଅ ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି। ଟାଟା ମେଜିକ ଡ୍ରାଇଭର ଗଣେଶ ଭୋଡ଼େକ (୨୪)କୁ ପୁଲିସ ସୋମବାର ଗିରଫ କରିଛି। ତା’ ଘର ସୁନ୍ଦରଗଡ଼ ଜିଲ୍ଲା ସର୍ଗିପାଲି ବୋଲି ଜଣାପଡ଼ିଛି।