କଳିଙ୍ଗା ଉଚ୍ଚବିଦ୍ୟାଳୟରେ ଭାଷା ସାହିତ୍ୟ ଓ ସୃଜନଶୀଳତାର ଉତ୍ସବ ପାଳିତ

ରଟିଙ୍ଗିଆସ୍ଥିତ ପଞ୍ଚାୟତ ଉଚ୍ଚବିଦ୍ୟାଳୟରେ ରାଜ୍ୟ ସରକାରଙ୍କ ଗଣଶିକ୍ଷା ବିଭାଗ ଦ୍ଵାରା ନିର୍ଦ୍ଧାରିତ ଓଡ଼ିଆ ଭାଷା ସାହିତ୍ୟ ଓ ସୃଜନଶୀଳତା ଉତ୍ସବ ଅନୁଷ୍ଠିତ ହୋଇଯାଇଛି। ମୋ କଥା ମୋ କାହାଣୀ ଶୀର୍ଷକରେ ଛାତ୍ରଛାତ୍ରୀମାନେ ନିଜର ପ୍ରତିଭା ପ୍ରଦର୍ଶନୀ କରିଥିଲେ। ଏହି ଉତ୍ସବରେ ମୁଖ୍ୟ ଅତିଥି ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ବଳରାମ ସାହୁ, ସମ୍ମାନିତ ଅତିଥି ବରିଷ୍ଠ ଶିକ୍ଷକ ଭାସ୍କର ସାମଲ, ଅନ୍ୟତମ ଅତିଥି ବିଦ୍ୟାଳୟ ପରିଚାଳନା କମିଟିର ପ୍ରାକ୍ତନ ସଭାପତି କରାଳ ମଲ୍ଲିକ, ମୋ ସ୍କୁଲ ଅଭିଯାନ ସଭାପତି ହୃଷିକେଶ ପ୍ରଧାନ ଓ ମହାବୀର ମୋଟର୍ସର ଅଧ୍ୟକ୍ଷା ସସ୍ମିତା ସାହୁ ଯୋଗ ଦେଇ ଉତ୍ସବକୁ ଉଦଘାଟନ କରିଥିଲେ। ଛାତ୍ରଛାତ୍ରୀଙ୍କ ଦ୍ବାରା ସାହିତ୍ୟ ସୃଜନୀ, ଜିଜ୍ଞାସା , କୁଶଳୀ ଓ କ୍ରିଡ଼ାଙ୍ଗନ ନାମକ ଚାରୋଟି କ୍ଲବ ଗଠନ ହୋଇଥିବା ବେଳେ ନିଜର ପ୍ରକଳ୍ପ ମାଧ୍ୟମରେ ବିଭିନ୍ନ ପ୍ରତିଭା ପ୍ରଦର୍ଶନ କରିଥିଲେ। ଏହି ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷକ ଚତୁର୍ଭୁଜ ସାହୁ କାର୍ଯ୍ୟକ୍ରମକୁ ପରିଚାଳନା କରିଥିବାବେଳେ ଶିକ୍ଷକ ମନୋଜ କୁମାର ତ୍ରିପାଠୀ ଅତିଥି ସ୍ବାଗତ ସମ୍ବର୍ଦ୍ଧନା କରିଥିବା ବେଳେ ଅଭିଲିପସା ପ୍ରଧାନ, ରିତାଞ୍ଜଳି ପଣ୍ଡା, ସନ୍ତୋଷ କୁମାର ପୃଷ୍ଟି ନଙ୍ଗୁଳି ଚରଣ ପ୍ରଧାନ, ଜିତେନ୍ଦ୍ର ନାୟକଙ୍କ ସମେତ ଅନ୍ୟମାନେ ସହଯୋଗ କରିଥିଲେ।