ଦାନା ବାତ୍ୟାର ପ୍ରଭାବରେ ଏକର ଏକର ଜମିର ଧାନ ଫସଲ ଉପୁଡିଲା

ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡର ରାଇରଙ୍ଗପୁର,ବହଳଦା, ତିରିଂ, ଜାମଦା, କୁସୁମୀ, ବିଜାତଳା, ବିଶୋଇ ପ୍ରଭୃତି ୭ଟି ବ୍ଲକର ଅଧିକାଂଶ ଅଂଚଳରେ ବାତ୍ୟା ଦାନାର ପ୍ରଭାବରେ ଏକର ଏକର ଧାନ ଫସଲ ନଷ୍ଟ ହୋଇଛି । ଯାହାଫଳରେ ଚାଷୀକୂଳ ଚିନ୍ତାରେ ଅଛନ୍ତି । ଲକ୍ଷଲକ୍ଷ ଟଙ୍କାର ଋଣ ଓ ଧାର କରଜ କରି ଚାଷ କାର୍ଯ୍ୟ କରିଥିଲେ ଚାଷୀ, ଚଳିତ ବର୍ଷ ଧାନ ଫସଲ ମଧ୍ୟ ଭଲ ହୋଇଥିଲା ।

 ଚାଷୀମାନେ ଆଶା କରିଥିଲେ ଫସଲ ହୋଇଥିବା ଯୋଗୁଁ ଧାନ ଫସଲ ଅମଳ ଭଲ ହେବ କିନ୍ତୁ ଦାନା ବାତ୍ୟା ଓ ଲଗାଣ ବର୍ଷା ଯୋଗୁଁ ପାଚି ଥିବା ଧାନ ଜମିରେ ଓଲଟି ପଡି ପାଣିରେ ଧାନ କେଣ୍ଡା ଭାସୁଛି । ତେବେ ଆଉ ତିନି ଚାରି ଦିନ ସେମିତି ପାଣିରେ ବୁଡି ରହିଲେ ଧାନରୁ ଗଜା ବାହାରିଯିବ ଯାହାକୁ ନେଇ ଚାଷୀ ଚିନ୍ତାରେ ଅଛନ୍ତି । ତେବେ ଉପଖଣ୍ଡର ସମସ୍ତ ତହସିଲର ତହସିଲଦାରମାନେ ଆରଆଇଙ୍କ ଜରିଆରେ କ୍ଷୟକ୍ଷତି ହୋଇଥିବା ଜମିର ସମୀକ୍ଷା କରୁଛନ୍ତି ।