ବୁଗୁଡ଼ା ଅତିରିକ୍ତ ତହସିଲଦାରଙ୍କ ଘରେ ଭିଜିଲାନ୍ସ ଚଢ଼ାଉ

ବୁଗୁଡ଼ା: ବୁଗୁଡ଼ା ତହସିଲିର ଅତିରିକ୍ତ ତହସିଲିଦାର ଦିବାକର ପାତ୍ରଙ୍କ ଘରେ ଆଜି ସକାଳୁ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ପୂର୍ବରୁ ତହସିଲର ଜଣେ କର୍ମଚାରୀ ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ। ସେତେବେଳେ ଶ୍ରୀ ପାତ୍ରଙ୍କ ନାମରେ ମଧ୍ୟ ଅଭିଯୋଗ ହୋଇଥିଲା। ଏ ପରିପ୍ରେକ୍ଷୀରେ ଆଜି ବ୍ରହ୍ମପୁରରୁ ଭିଜିଲାନ୍ସର ଏକ ସ୍ୱତନ୍ତ୍ର ଟିମ୍‌ ଆସି ବୁଗୁଡ଼ାସ୍ଥିତ ଶ୍ରୀ ପାତ୍ରଙ୍କ ବାସଭବନରେ ଚଢ଼ାଉ ଆରମ୍ଭ କରିଛି।