ଅସଦାଚରଣ ମାମଲାରେ ଜେଲ ଗଲେ ଯୁବକ

ଧଉଳି:ଧଉଳି ଥାନା ପୁଲିସ ଜଣେ ମହିଳାଙ୍କୁ ଅସଦାଚରଣ କରିବା ମାମଲାରେ ଆଜି ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ହେଲା ରମାକାନ୍ତ ସ୍ବାଇଁ ଓରଫ ମାଧବ (୩୨) । ତେବେ ଜାମିନ ନାମଂଜୁର ହେବାରୁ ମାଧବକୁ ଝାରପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ପୁଲିସ କହିଛି ।

ମାଧବ ନାମରେ ସଂପୃକ୍ତ ମହିଳା ଧଉଳି ଥାନାରେ ଲିଖିତ ଅଭିଯୋଗ କରିଥିଲେ । ମହିଳାଙ୍କ ଅଭିଯୋଗ ଆଧାରରେ ଥାନାରେ ନଂ ୨୦୬/୨୦ ରେ ଏକ ମାମଲା ରୁଜୁ ହୋଇଛି ।

ମାଧବ ବିବାହିତ ହୋଇଥିବାବେଳେ ଗତକାଲି ପୂର୍ବାହ୍ନରେ ମହିଳା ଜଣକ ଦୟାନଦୀ ଘାଟରେ ଗାଧୋଇ ସାରି ଲୁଗା ବଦଳୁଥିଲେ । ତାଙ୍କ ଏକୁଟିଆର ସୁଯୋଗ ନେଇ ସେତିକି ବେଳେ ମାଧବ ମହିଳାଙ୍କୁ ଜାବୁଡ଼ି ଅସଦାଚରଣ କରିଥିବା ଅଭିଯୋଗ ହୋଇଛି । ମାଧବଙ୍କ ବିରୋଧରେ ବିଭିନ୍ନ ଦଫାରେ ମାମଲା ରୁଜୁ ହୋଇଛି ।