ପ୍ରେମିକାଙ୍କ ସହ ବିମାନବନ୍ଦରରେ ନଜର ଆସିଲେ ଆମିର ଖାନ

ବଲିଉଡ଼ ଅଭିନେତା ଆମିର ଖାନ ତିନି ବର୍ଷ ପରେ ପୁଣି ଥରେ ରୂପେଲି ପରଦାକୁ ଫେରୁଛନ୍ତି। ତାଙ୍କୁ ଶେଷଥର ପାଇଁ ୨୦୨୨ ମସିହାରେ 'ଲାଲ ସିଂ ଚଡ୍ଡା'ରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ର ଫ୍ଲପ୍ ହୋଇଥିବା ବେଳେ ଆମିର କିଛି ସମୟ ପାଇଁ ଅଭିନୟରୁ ବିରତି ନେଇଥିଲେ।

aamir khan 2

ମୁମ୍ବାଇ: ବଲିଉଡ଼ ଅଭିନେତା ଆମିର ଖାନ ତିନି ବର୍ଷ ପରେ ପୁଣି ଥରେ ରୂପେଲି ପରଦାକୁ ଫେରୁଛନ୍ତି। ତାଙ୍କୁ ଶେଷଥର ପାଇଁ ୨୦୨୨ ମସିହାରେ 'ଲାଲ ସିଂ ଚଡ୍ଡା'ରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ର ଫ୍ଲପ୍ ହୋଇଥିବା ବେଳେ ଆମିର କିଛି ସମୟ ପାଇଁ ଅଭିନୟରୁ ବିରତି ନେଇଥିଲେ। ଏବେ ତାଙ୍କର ଫିଲ୍ମ 'ସିତାରେ ଜମିନ୍ ପର' ଆସନ୍ତା ଜୁନ୍ ମାସରେ ମୁକ୍ତିଲାଭ କରିବାକୁ ଯାଉଛି। ଏହା ବ୍ୟତୀତ ଆମିର ଖାନ ତାଙ୍କର ନୂଆ ପ୍ରେମିକା ଗୌରୀ ସ୍ପ୍ରେଟଙ୍କୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି। ତାଙ୍କ ଗତ ଜନ୍ମଦିନରେ ଆମିର ଗୌରୀଙ୍କୁ ଦୁନିଆ ସହିତ ପରିଚିତ କରାଇଥିଲେ ଏବଂ କହିଥିଲେ ଯେ ସେ ତାଙ୍କ ସହିତ ସମ୍ପର୍କରେ ଅଛନ୍ତି। ଆଉ ଏବେ ଗୌରୀ ଓ ଆମିରଙ୍କୁ ବିମାନବନ୍ଦରରେ ଏକାଠି ଦେଖିବାକୁ ମିଳିଛି। 

ଆମିରଙ୍କୁ ଗୌରୀ ନେବାକୁ ବିମାନବନ୍ଦରକୁ ଆସିଥିବା ଦେଖିବାକୁ ମିଳିଥିଲା। ପାପରାଜିମାନେ ଦୁହିଁଙ୍କ ଫଟୋ ନେବାକୁ ଚାହିଁଥିଲେ ବି ଗୌରୀ ପଛକୁ ଚାହିଁନଥିଲେ। ତାପରେ ଦୁହେଁ ସେଠାରୁ ଚାଲିଯାଇଥିଲେ। ଗୌରୀ ଗତ ୨୫ ବର୍ଷ ଧରି ଆମିର ଖାନଙ୍କ ପ୍ରଯୋଜନା ଟିମରେ କାମ କରୁଛନ୍ତି। ଦ୍ୱିତୀୟ ପତ୍ନୀ କିରଣ ରାଓଙ୍କଠାରୁ ଛାଡପତ୍ର ନେବା ପରେ ଆମିର ଗୌରୀଙ୍କ ସହିତ ପ୍ରେମ ସମ୍ପର୍କରେ ଅଛନ୍ତି। 

ଆମିର ପ୍ରଥମେ ୧୯୮୬ ମସିହାରେ ରୀନା ଦତ୍ତଙ୍କୁ ବିବାହ କରିଥିଲେ ଏବଂ ୨୦୦୨ ମସିହାରେ ତାଙ୍କୁ ଛାଡପତ୍ର ଦେଇଥିଲେ। ପରେ ସେ ୨୦୦୫ ମସିହାରେ କିରଣ ରାଓଙ୍କୁ ବିବାହ କରିଥିଲେ। ଆମିର ଏବଂ କିରଣଙ୍କ ବୈବାହିକ ସମ୍ପର୍କ ୨୦୨୧ ମସିହା ପର୍ଯ୍ୟନ୍ତ ତିଷ୍ଠି ପାରିଥିଲା। ପରେ ଦୁହିଁଙ୍କ ଛାଡପତ୍ର ହୋଇଯାଇଥିଲା। କିନ୍ତୁ ଆଜି ମଧ୍ୟ ଉଭୟ ଏକାଠି କାମ କରନ୍ତି। ଆମିର ଖାନଙ୍କର ଦୁଇଟି ବିବାହରୁ ମୋଟ ତିନୋଟି ସନ୍ତାନ ଅଛି, ଯେଉଁଥିରୁ ତାଙ୍କ ବଡ଼ ପୁଅ ଜୁନୈଦ ଖାନ ଫିଲ୍ମରେ ଦୁନିଆରେ ପ୍ରବେଶ କରିସାରିଛନ୍ତି । ଅଭିନେତା ତାଙ୍କର ଏକମାତ୍ର ଝିଅ ଇରା ଖାନଙ୍କୁ ବିବାହ କରାଇ ସାରିଛନ୍ତି। କିରଣ ରାଓଙ୍କ ପୁଅ ଆଜାଦ ଏବେ ପାଠ ପଢ଼ୁଛନ୍ତି। bollywood | Aamir Khan 

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe