ଶାହରୁଖଙ୍କ 'ବାଜିଗର'କୁ ନେଇ ନୂଆ ରଙ୍ଗ ଦେଲା ଆସାମ ପୁଲିସ

ଗୌହାଟୀ: ବଲିଉଡର କିଙ୍ଗ ଖାନଙ୍କର ସାରା ଦେଶରେ କୋଟି କୋଟି ପ୍ରଶଂସକ ରହିଛନ୍ତି | ବିଶେଷ କରି ଶାହରୁଖଙ୍କର ବିଭିନ୍ନ ପୋଜକୁ ନେଇ ତାଙ୍କ ପ୍ରଶଂସକଙ୍କ ମଧ୍ୟରେ ସ୍ୱତନ୍ତ୍ର କ୍ରେଜ ରହିଆସିଛି | ଆଉ ବର୍ତ୍ତମାନ କରୋନା ସଙ୍କଟ ସମୟରେ ଆସାମ ପୁଲିସ କିଙ୍ଗ ଖାନଙ୍କ ପୋଜକୁ ଏକ ନୂଆ ରଙ୍ଗ ଦେଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାର ପ୍ରୟାସ କରିଛି | କରୋନା ଭୂତାଣୁ ସମୟରେ, ସମସ୍ତଙ୍କୁ ମାସ୍କ ବ୍ୟବହାର କରିବାକୁ ଏବଂ ସାମାଜିକ ଦୂରତା ଅନୁସରଣ କରିବାକୁ କୁହାଯାଉଛି |

ଏଭଳି ପରିସ୍ଥିତିରେ ଆସାମ ପୁଲିସ ବର୍ତ୍ତମାନ ଜନସାଧାରଣଙ୍କୁ ଶାହରୁଖ ଖାନଙ୍କ ଆଇକନିକ ପୋଜରେ ବାର୍ତ୍ତା ଦେଇ ପରସ୍ପରଠାରୁ ଦୂରରେ ରହିବାକୁ ପରାମର୍ଶ ଦେଇଛି ।

ଶାହାରୁଖଙ୍କ ଫଟୋ ସେୟାର କରି ଆସାମ ପୁଲିସ ପକ୍ଷରୁ ଟ୍ୱିଟ କରି କୁହାଯାଇଛି ଯେ ସାମାଜିକ ଦୂରତା ଅବଲମ୍ବନ କରି ଆପଣ ଜୀବନ ବଞ୍ଚାଇପାରିବେ, ଯେହେତୁ ଶାହରୁଖ ଖାନ କୁହନ୍ତି ଯେ, 'ବେଳେବେଳେ ପାଖକୁ ଆସିବାକୁ ଦୂରକୁ ଯିବାକୁ ପଡେ ଏବଂ ଯେଉଁମାନେ ଦୂରକୁ ଯାଆନ୍ତି ସେମାନଙ୍କୁ ବାଜିଗର କୁହାଯାଏ |' ପରସ୍ପରଠାରୁ ଛଅ ଫୁଟ ଦୂରତା ରଖନ୍ତୁ ଏବଂ ବାଜିଗର ହୁଅନ୍ତୁ |