ବଲିଉଡ ଅଭିନେତ୍ରୀ ରୀମା ଲାଗୁଙ୍କ ପୂର୍ବତନ ସ୍ବାମୀଙ୍କ ଦେହାନ୍ତ

ନୂଆଦିଲ୍ଲୀ: ବଲିଉଡ ଅଭିନେତ୍ରୀ ରୀମା ଲାଗୁଙ୍କ ପୂର୍ବତନ ସ୍ବାମୀଙ୍କ ଦେହାନ୍ତ। ପ୍ରବୀଣ ଥିଏଟର ଅଭିନେତା ବିବେକ ଲାଗୁଙ୍କର ଗୁରୁବାର ୭୪ ବର୍ଷ ବୟସରେ ଦେହାନ୍ତ ହୋଇଥିଲା। ସେ ସ୍ୱର୍ଗତ ଅଭିନେତ୍ରୀ ରୀମା ଲାଗୁଙ୍କ ପୂର୍ବତନ ସ୍ୱାମୀ ଥିଲେ। ତାଙ୍କର ଶେଷକୃତ୍ୟ ଜୁନ୍ ୨୦ ତାରିଖରେ ଅର୍ଥାତ୍ ଆଜି ମୁମ୍ବାଇରେ ସଂପନ୍ନ ହୋଇଛି।

ଦିବଂଗତ ଅଭିନେତ୍ରୀ ରୀମା ଲାଗୁ ତାଙ୍କ କ୍ୟାରିଅରରେ ସମସ୍ତ ପ୍ରକାରର ଭୂମିକାରେ ଅଭିନୟ କରିଥିଲେ। କିନ୍ତୁ ତାଙ୍କୁ ଜଣେ ମା’ ଭୂମିକା ପାଇଁ ସ୍ୱୀକୃତି ମିଳିଥିଲା। ବିବେକ ଏବଂ ରୀମା ପ୍ରଥମ ଥର ପାଇଁ ୧୯୭୬ ମସିହାରେ ଏକ ବ୍ୟାଙ୍କରେ କାମ କରୁଥିବା ସମୟରେ ଦେଖା ହୋଇଥିଲେ। ଥିଏଟର ପ୍ରତି ସେମାନଙ୍କର ଭଲପାଇବା ସେମାନଙ୍କୁ ଏକାଠି କରିବାରେ ସାହାଯ୍ୟ କରିଥିଲା। ସେମାନେ ୧୯୭୮ ମସିହାରେ ବିବାହ କରିଥିଲେ। ହେଲେ କିଛି ବର୍ଷ ପରେ ତାଙ୍କର ଛାଡ଼ପତ୍ର ହୋଇଥିଲା। ବିଚ୍ଛେଦ ପରେ ମଧ୍ୟ, ଦୁହେଁ ପରସ୍ପରକୁ ବହୁତ ସମ୍ମାନ କରୁଥିଲେ।

ବିବେକ ଏବଂ ରୀମାଙ୍କର ଏକ ଝିଅ ମଧ୍ୟ ଅଛି, ଯାହାଙ୍କ ନମେ ମୃଣ୍ମୟୀ ଲାଗୁ । ମୃଣ୍ମୟୀ ପରିବାରର କଳା ଐତିହ୍ୟକୁ ଆଗକୁ ବଢ଼ାଇଛନ୍ତି। ଜଣେ ଲେଖିକା ଏବଂ ନିର୍ଦ୍ଦେଶିକା ଭାବରେ, ସେ ଥପଡ଼ ଏବଂ ସ୍କୁପ୍ ଭଳି ସମୀକ୍ଷକଙ୍କ ଦ୍ବାରା ପ୍ରଶଂସିତ ଫିଲ୍ମରେ କାମ କରିଛନ୍ତି।