'ଏମରଜେନ୍ସି'କୁ ସେନ୍ସର ବୋର୍ଡର ସବୁଜ ସଙ୍କେତ, ଶୀଘ୍ର ମୁକ୍ତିଲାଭ!

ହାଇଦ୍ରାବାଦ: ବିବାଦ ଘେରରେ ଛନ୍ଦି ହୋଇ ରହିଥିବା କଙ୍ଗନା ରାଣାୱତଙ୍କ ଚଳଚିତ୍ର 'ଏମରଜେନ୍ସି'କୁ ସେଣ୍ଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (ସିବିଏଫସି)  'ୟୁଏ' ମାନ୍ୟତା ପ୍ରଦାନ କରିଛି । ବର୍ତ୍ତମାନ ସିବିଏଫସି ନିର୍ଦ୍ଦେଶ ଅନୁସାରେ ନିର୍ମାତାଙ୍କୁ ପ୍ରଥମେ ଚଳଚିତ୍ରରେ କିଛି ପରବର୍ତ୍ତନ କରିବା ପାଇଁ ପଡ଼ିବ । ତା'ପରେ ଖୁବ୍ ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିପାରିବ 'ଏମରଜେନ୍ସି' ।  

ଦି ସଣ୍ତେ ଏକ୍ସପ୍ରେସ ଅନୁସାରେ, 'ଏମରଜେନ୍ସି'କୁ ସେନ୍ସର ବୋର୍ଡ ତିନୋଟି କଟ୍ ଦେବା ପାଇଁ କହିଛି । ନିର୍ମାତା ଜୁଲାଇ ୮ ତାରିଖରେ ସାର୍ଟିଫିକେଟ୍ ପାଇଁ ଫିଲ୍ମଟି ସେନ୍ସର ବୋର୍ଡରେ ଦାଖଲ କରିଥିଲେ । ଏକମାସ ପରେ, ଶିରୋମଣି ଅକାଳୀ ଦଳ ଏବଂ ଅନେକ ଶିଖ ସଂଗଠନ ଏହି ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ । ଏଭଳି ପରିସ୍ଥିତିରେ ସିବିଏଫସି ଏକ ଚିଠି ମାଧ୍ୟମରେ ଫିଲ୍ମର ପ୍ରଡକ୍ସନ୍ ହାଉସରେ ୧୦ଟି କଟ୍ ଏବଂ ପରିବର୍ତ୍ତନ କରିବାକୁ ପରାମର୍ଶ ଦେଇଥିଲେ । 

'ଏମରଜେନ୍ସି' ପ୍ରଡକ୍ସନ ହାଉସ୍ ସିବିଏଫସି ଦ୍ୱାରା ପ୍ରସ୍ତାବିତ ୧୦ଟି ପ୍ରସ୍ତାବ ମଧ୍ୟରୁ ୯ଟିରେ ରାଜି ହୋଇଥିଲା। ଫିଲ୍ମର ଏକ ଦୃଶ୍ୟରେ କିଛି ଭିଜୁଆଲ୍ ଅପସାରଣ କିମ୍ବା ପରିବର୍ତ୍ତନ କରିବାକୁ ସେନ୍ସର ବୋର୍ଡ ମଧ୍ୟ ପରାମର୍ଶ ଦେଇଛନ୍ତି । ଏହି ଦୃଶ୍ୟରେ ପାକିସ୍ତାନୀ ଯବାନମାନେ ବାଂଲାଦେଶୀ ଶରଣାର୍ଥୀଙ୍କୁ ଆକ୍ରମଣ କରୁଥିବା ଦେଖିବାକୁ ମିଳିଥିଲା ।

ଏହି ଚଳଚ୍ଚିତ୍ରରେ ଜଣେ ନେତାଙ୍କ ମୃତ୍ୟୁକୁ ଦୃଷ୍ଟିରେ ରଖି ଭିଡ଼ରେ କେହି ବ୍ୟବହାର କରୁଥିବା ଅପମାନଜନକ ଭାଷା ବଦଳାଇବାକୁ ସିବିଏଫସି ନିର୍ମାତାଙ୍କୁ କହିଛି। ଫିଲ୍ମରେ ଏକ ସଂଳାପରେ ବ୍ୟବହୃତ ଉପନାମକୁ ପରିବର୍ତ୍ତନ କରିବାକୁ ବୋର୍ଡ ନିର୍ଦ୍ଦେଶ ଦେଇଥିଲା। ଏହା ବ୍ୟତୀତ, ସିବିଏଫସି ଫିଲ୍ମରେ ଦେଖାଯାଇଥିବା ତଥ୍ୟ ପାଇଁ ଅନୁସନ୍ଧାନ ସନ୍ଦର୍ଭ ଏବଂ ପ୍ରକୃତ ଉତ୍ସ ବିଷୟରେ ଉଲ୍ଲେଖ କରିବାକୁ ମଧ୍ୟ ପରାମର୍ଶ ଦେଇଛି। 

ଅଧିକ ପଢ଼ନ୍ତୁ:ଦୁର୍ବୃତ୍ତଙ୍କ ଆତଙ୍କରାଜ: ବନ୍ଧୁକ ମୁନରେ ଲୁଟ ଉଦ୍ୟମ, ଭିଡ଼ିଓ ଭାଇରାଲ

ସୂଚନାଯୋଗ୍ୟ, କଙ୍ଗନା ରାଣାୱତଙ୍କ ଚଳଚିତ୍ର 'ଏମରଜେନ୍ସି' ପୂର୍ବରୁ ସେପ୍ଟେମ୍ବର ୬ରେ ରିଲିଜ୍ ହେବାର ଥିଲା। କିନ୍ତୁ ଫିଲ୍ମ ଉପରେ ଉତ୍ତେଜନା ପ୍ରକାଶ ପାଇବା ପରେ ସେନ୍ସର ବୋର୍ଡରୁ ସାର୍ଟିଫିକେଟ ପାଇ ନ ଥିଲା ଏବଂ ଏହାର ରିଲିଜକୁ ସ୍ଥଗିତ ରଖାଯାଇଥିଲା। ବର୍ତ୍ତମାନ ସେନ୍ସର ବୋର୍ଡରୁ କ୍ଲିୟରାନ୍ସ ପାଇବା ପରେ ନିର୍ମାତାମାନେ ଖୁବଶୀଘ୍ର 'ଏମରଜେନ୍ସି'ର ନୂତନ ରିଲିଜ୍ ତାରିଖ ଘୋଷଣା କରାଯିବ ବୋଲି କୁହାଯାଉଛି। 

ଅଧିକ ପଢ଼ନ୍ତୁ:ରାଗରେ ୨ଟି ଫିଲ୍ମ ପରେ ଏହି ଅଭିନେତ୍ରୀଙ୍କୁ କାମ ଦେଲେନି କରଣ !