ଲକ ଡାଉନ ପାଇଁ ପୁଣି ଥରେ ରାମାୟଣ ଓ ମହାଭାରତ ପ୍ରସାରିତ କରିବ ଦୂରଦର୍ଶନ

ମୁମ୍ବାଇ: କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ସାରା ଦେଶରେ ଲକଡାଉନ୍ କରାଯାଇଛି। ଏଭଳି ପରିସ୍ଥିତିରେ ଲୋକମାନେ ଘରେ ରହି ବିଭିନ୍ନ ଉପାୟରେ ସମୟ ବିତାଉଛନ୍ତି। ମନୋରଞ୍ଜନ ଶିଳ୍ପ କରୋନା ଭୂତାଣୁ ଦ୍ୱାରା ପ୍ରଭାବିତ ହେବା ସହ ବର୍ତ୍ତମାନ କୌଣସି ନୂଆ ଚଳଚ୍ଚିତ୍ର ରିଲିଜ୍ ହେଉନାହିଁ କି କୌଣସି ଟିଭି ସୋ’ର ସୁଟିଂ ମଧ୍ୟ କରାଯାଉନାହିଁ। ଏଭଳି ପରିସ୍ଥିତିରେ ପ୍ରାୟ ସମସ୍ତ ଟିଭି ଚ୍ୟାନେଲ ନିଜ ନିଜ ସୋ’ର ପୁନର୍ବାର ପ୍ରସାରଣ କରିବାକୁ ବାଧ୍ୟ ହେଉଛନ୍ତି | ଏବେ ପରିସ୍ଥିତିକୁ ଦେଖି ବହୁ ଲୋକପ୍ରିୟ ଟିଭି ସୋ’ ରାମାୟଣ ଏବଂ ମହାଭାରତର ପୁନର୍ବାର ପ୍ରସାରଣ କରିବାକୁ ଦୂରଦର୍ଶନ ପକ୍ଷରୁ ନିଷ୍ପତ୍ତି ନିଆଯାଇଛି।

The Wire

ରାମାୟଣ ଏବଂ ମହାଭାରତ ଏବେ ମଧ୍ୟ ଦୂରଦର୍ଶନର ସବୁଠାରୁ ଲୋକପ୍ରିୟ ଟେଲିଭିଜନ ସୋ’ ମଧ୍ୟରେ ରହିଛି | ଏ ହେଉଛି ସେହି ସୋ’ ଯାହା ଇତିହାସ ସୃଷ୍ଟି କରିଥିଲା ​​ଏବଂ ଏଥିରେ କାମ କରିଥିବା ସମସ୍ତ ତାରକା ଗୋଟେ ଗୋଟେ କିମ୍ବଦନ୍ତୀ ପାଲଟି ଯାଇଥିଲେ ଖବର ଅନୁଯାୟୀ, ପ୍ରସାର ଭାରତୀର ଶଶି ଶେଖର ଟ୍ୱିଟରରେ ଜଣେ ବ୍ୟବହାରକାରୀଙ୍କ ପ୍ରଶ୍ନର ଉତ୍ତର ଦେଇଥିବା ବେଳେ ଏହି ଖବର ପ୍ରକାଶ କରିଛନ୍ତି ଏବଂ ଏହି ସୋ’ର ଟାଇମ୍ ସ୍ଲଟ୍ ମଧ୍ୟ ଖୁବ୍ ଶୀଘ୍ର ପ୍ରକାଶ ପାଇବ ବୋଲି କହିଛନ୍ତି ।