ଆଜି ମଧ୍ୟ କରିସ୍ମାଙ୍କର ଅଭିଷେକଙ୍କ ସହ ସମ୍ପର୍କ ଅଛି !

ମୁମ୍ବାଇ: ଏକଦା ବଲିଉଡ ଅଭିନେତ୍ରୀ କରିସ୍ମା କପୁର ଅଭିନେତା ଅଭିଷେକ ବଚ୍ଚନଙ୍କୁ ବିବାହ କରିବାକୁ ଯାଉଥିଲେ। ଦୁହେଁ ପରସ୍ପରକୁ ବହୁତ ଭଲ ପାଉଥିଲେ। ଦୁହିଁଙ୍କର ନିର୍ବନ୍ଧ ହୋଇ ସାରିଥିଲା। କିନ୍ତୁ ୪ ମାସର ନିର୍ବନ୍ଧ ପରେ ଉଭୟେ ସେମାନଙ୍କର ସମ୍ପର୍କ ସମାପ୍ତ କଲେ ଏବଂ ନିର୍ବନ୍ଧ ଭାଙ୍ଗିଗଲା।

କୁହାଯାଏ ଯେ ଅନେକ ବ୍ୟକ୍ତିଗତ କାରଣରୁ କରିସ୍ମା କପୁର ଅଭିଷେକ ବଚ୍ଚନଙ୍କଠାରୁ ନିଜକୁ ଅଲଗା କରିଦେଇଥିଲେ। ତେବେ ଅନେକ ରିପୋର୍ଟରେ ଦାବି କରାଯାଇଛି ଯେ କରିସ୍ମା କପୁରଙ୍କ ମା’ ବବିତା ବଚ୍ଚନ ପରିବାର ସହ ଥିବା ସମ୍ପର୍କକୁ ନେଇ ଖୁସି ନ ଥିଲେ। କିନ୍ତୁ କରିସ୍ମା ଏବଂ ଅଭିଷେକଙ୍କ ନିର୍ବନ୍ଧ ଭାଙ୍ଗିଯିବା ପରେ ମଧ୍ୟ ସେମାନଙ୍କ ମଧ୍ୟରେ ସମ୍ପର୍କ ଏବେ ମଧ୍ୟ ରହିଛି।

ଅଭିଷେକ ବଚ୍ଚନଙ୍କ ଭଣଜା ଅଗସ୍ତ୍ୟ ନନ୍ଦଙ୍କର କପୁର ପରିବାର ସହିତ ଏକ ବିଶେଷ ସମ୍ପର୍କ ରହିଛି। ବାସ୍ତବରେ କରିସ୍ମା କପୁର ଅଗସ୍ତ୍ୟଙ୍କର ପିଉସୀ। ବଲିଉଡର ସୁପରଷ୍ଟାର ଅମିତାଭ ବଚ୍ଚନଙ୍କ ଝିଅ ତଥା ଅଭିଷେକ ବଚ୍ଚନଙ୍କ ଭଉଣୀ ଶ୍ୱେତା ବଚ୍ଚନ କରିସ୍ମା କପୁରଙ୍କ ମାଉସୀ ରିତୁ କପୁର ନନ୍ଦାଙ୍କ ପୁଅ ନିଖିଲ ନନ୍ଦାଙ୍କୁ ବିବାହ କରିଛନ୍ତି।

ତେଣୁ ସମ୍ପର୍କ ଦୃଷ୍ଟରୁ କରିସ୍ମା କପୁର ଅଗସ୍ତ୍ୟ ନନ୍ଦା ଏବଂ ନବ୍ୟା ନଭେଲି ନନ୍ଦାଙ୍କ ପିଉସୀ ।  ଶ୍ୱେତା ବଚ୍ଚନ ଏବଂ ନିଖିଲ ନନ୍ଦାଙ୍କ ବିବାହରେ କରିସ୍ମା କପୁର ଏବଂ ଅଭିଷେକ ବଚ୍ଚନ ପ୍ରଥମ ଥର ପାଇଁ ସାକ୍ଷାତ ହୋଇଥିଲେ। ଏହି ସାକ୍ଷାତର  ୫ବର୍ଷ ପରେ କରିସ୍ମା ଏବଂ ଅଭିଷେକଙ୍କ ସମ୍ପର୍କର ଖବର ସାମ୍ନାକୁ ଆସିଥିଲା। ଏକ ସମୟ ଥିଲା ଯେତେବେଳେ କରିସ୍ମା କପୁର ଅଗସ୍ତ୍ୟ ନନ୍ଦାଙ୍କର ମାଇଁ  ହେବାକୁ ଯାଉଥିଲେ କିନ୍ତୁ ତାହା ହୋଇପାରିଲା ନାହିଁ।

ତେବେ ଏହି ଦୃଷ୍ଟିକୋଣରୁ ଅଭିଷେକ ବଚ୍ଚନ ଏବଂ କରିସ୍ମା କପୁର ହୁଏତ ସ୍ୱାମୀ-ସ୍ତ୍ରୀ ହୋଇ ପାରିଲେନି, କିନ୍ତୁ ପରୋକ୍ଷରେ ଉଭୟଙ୍କ ମଧ୍ୟରେ ଏକ ସମ୍ପର୍କ ଅଛି। 
ଅଭିଷେକ ବଚ୍ଚନ ତାଙ୍କ ଭଣଜା ଅଗସ୍ତ୍ୟ ଏବଂ ଭଣଜା ନବ୍ୟା ନଭେଲିଙ୍କୁ ବହୁତ ଭଲ ପାଆନ୍ତି। ସେ ପ୍ରାୟତଃ ଉଭୟଙ୍କ ସହିତ ମଜା କରୁଥିବା ଦେଖାଯାଇଥାଏ। ଅଗସ୍ତ୍ୟ ଏବଂ ନବ୍ୟାଙ୍କ ସହ ତାଙ୍କର ବନ୍ଧନ ବହୁତ ଭଲ। ଅଗସ୍ତ୍ୟ ମଧ୍ୟ ତାଙ୍କ  ମାମୁଁ ଅଭିଷେକ ବଚ୍ଚନଙ୍କ ସହିତ ଅଧିକାଂଶ ସମୟରେ ବୁଲୁଥିବାର ଦେଖାଯାଇଥାଏ।

ମିଡିଆ ରିପୋର୍ଟ ଅନୁଯାୟୀ କରିସ୍ମା କପୁର ଏବଂ ଅଭିଷେକ ବଚ୍ଚନ ବିବାହ କରିବାକୁ ଯାଉଥିଲେ। ଅଭିଷେକ ଏବଂ କରିସ୍ମାଙ୍କ ନିର୍ବନ୍ଧ ପରେ ଜୟା ବଚ୍ଚନ ତାଙ୍କୁ ବୋହୂ ଡାକି ଗଣମାଧ୍ୟମରେ ପରିଚିତ କରାଇଥିଲେ, ଯାହା ପରେ ସମସ୍ତେ  ବିବାହକୁ ଅପେକ୍ଷା କରିଥିଲେ। କିନ୍ତୁ ୪ ମାସ ନିର୍ବନ୍ଧ ପରେ ଏହି ସମ୍ପର୍କ ଭାଙ୍ଗିଯାଇଥିଲା ।

ଅନେକ ରିପୋର୍ଟରେ ଦର୍ଶାଯାଇଛି ଯେ ଅଭିଷେକଙ୍କୁ ବିବାହ କରିବା ପରେ କରିସ୍ମା କପୁର ଫିଲ୍ମରୁ ଦୂରରେ ରୁହନ୍ତୁ ବୋଲି ବଚ୍ଚନ ପରିବାର ଚାହୁଁଥିଲେ। ଜୟା ବଚ୍ଚନ ଚାହୁଁଥିଲେ ଯେ କରିସ୍ମା ଚଳଚ୍ଚିତ୍ରରେ କାମ ନ କରନ୍ତୁ।  କିନ୍ତୁ କରିସ୍ମା ସେହି ସମୟରେ ତାଙ୍କ କ୍ୟାରିୟରର ଶିଖରରେ ଥିଲେ ଏବଂ ଏହା ଆଦୌ ଗ୍ରହଣୀୟ ନ ଥିଲା। ଏହା ପରେ ହିଁ  ଏହି ସମ୍ପର୍କ ଭାଙ୍ଗି ଯାଇଥିଲା।

ଅଧିକ ପଢ଼ନ୍ତୁ:https://sambad.in/entertainment/why-dont-you-slap-karisma-ex-husband-sanjay-kapoor-tells-his-mother-1182459/

ଅଭିଷେକ ବଚ୍ଚନଙ୍କ ସହ ସମ୍ପର୍କ ଭାଙ୍ଗିବା ପରେ କରିସ୍ମା କପୁର ୨୦୦୩ ମସିହାରେ ଦିଲ୍ଲୀର ବଡ ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିଲେ। ତେବେ ଏହି ବିବାହ ମଧ୍ୟ ବେଶୀ ଦିନ ରହିଲା ନାହିଁ ଏବଂ ଦୁହେଁ ଅଲଗା ହୋଇଗଲେ। ଛାଡପତ୍ର ପରେ କରିସ୍ମା କପୁର ତାଙ୍କର ଦୁଇ ସନ୍ତାନଙ୍କୁ ଏକାକୀ ପାଳୁଛନ୍ତି। ଯେଉଁଠାରେ ଅଭିଷେକ ବଚ୍ଚନ ୨୦୦୭ ମସିହାରେ ଐଶ୍ୱର୍ଯ୍ୟା ରାୟଙ୍କୁ ବିବାହ କରିଥିଲେ।

ଅଧିକ ପଢ଼ନ୍ତୁ:https://sambad.in/entertainment/this-actress-asked-the-actor-to-wash-his-hands-5-times-before-the-intimate-scene-1182296/