ଏହି କାରଣ ପାଇଁ ମଞ୍ଚ ଉପରେ ତେଲୁଗୁ ଅଭିନେତାଙ୍କୁ ମାଡ଼ ମାରିଲେ ମହିଳା

ହାଇଦ୍ରାବାଦ: ଫିଲ୍ମର ପ୍ରଚାର ବେଳେ ମାଡ଼ ଖାଇଲେ ଅଭିନେତା | ମଞ୍ଚ ଉପରକୁ ଆସି ଚାପୁଡ଼ା ଉପରେ ଚାପୁଡ଼ା ମାରିଲେ ମହିଳା | ତେଲୁଗୁ ଅଭିନେତା ଏନ.ଟି ରାମାସ୍ୱାମୀଙ୍କ ସହ ଘଟିଛି ଏଭଳି ଘଟଣା | ସେ ତାଙ୍କ ଆଗାମୀ ଫିଲ୍ମ 'ଲଭ୍ ରେଡ୍ଡି'ର ସ୍କ୍ରିନିଂ ପାଇଁ ଯାଇଥିବା ସମୟରେ ଜଣେ ମହିଳା ତାଙ୍କୁ ଚାପୁଡ଼ା ମାରିଥିଲେ। କୁହାଯାଉଛି ଯେ, ମହିଳାଜଣକ  'ଲଭ୍ ରେଡ୍ଡି'ରେ ଥିବା ତାଙ୍କ ଚରିତ୍ର ଦେଖି ରାଗିଯାଇଥିଲେ | ଏବେ ଏହି ଘଟଣାର ଭିଡିଓ ଖୁବ ଭାଇରାଲ ହେବାରେ ଲାଗିଛି |

ହାଇଦ୍ରାବାଦରେ ଘଟିଛି ଏଭଳି ଘଟଣା | ଭାଇରାଲ ଭିଡିଓରେ ଦେଖାଯାଇଛି ଯେ, ଫିଲ୍ମରେ ଖଳନାୟକ ହୋଇଥିବା ଏନ.ଟି ରାମାସ୍ୱାମୀ ଅଭିନେତ୍ରୀଙ୍କ ଉପରକୁ ଏକ ଇଟା ଫିଙ୍ଗୁଛନ୍ତି | ଏହା ଦ୍ୱାରା ଅଭିନେତ୍ରୀଙ୍କ ମୁଣ୍ଡ ଫାଟିଯାଉଛି | ଫିଲ୍ମରେ ଥିବା ଏହି ଦୃଶ୍ୟ ସ୍କ୍ରିନିଂ ସମୟରେ ଦେଖିବା ପରେ କଳାକାରମାନେ ମଞ୍ଚ ଉପରକୁ ଯାଇ ଫିଲ୍ମ ବିଷୟରେ କହିବା ଆରମ୍ଭ କରୁଛନ୍ତି | ଏହି ସମୟରେ ଜଣେ ମହିଳା ମଞ୍ଚ ଉପରକୁ ଆସି ଏନ.ଟି ରାମାସ୍ୱାମୀଙ୍କୁ ଚାପୁଡ଼ା ମାରିବା ଆରମ୍ଭ କରୁଛନ୍ତି | ଏହା ଦେଖି ଉପସ୍ଥିତ କଳାକାର ତାଙ୍କୁ ରୋକୁଛନ୍ତି |

ଏହି ଘଟଣା ପରେ ଏନ.ଟି ରାମାସ୍ୱାମୀଙ୍କୁ ଶକ୍ତ ଧକ୍କା ଲାଗିଥିବା କୁହାଯାଉଛି |