ହ୍ରିତିକ ଓ ତାଙ୍କ ପ୍ରେମିକାଙ୍କ ପୋଷ୍ଟ ଦେଖି ଦ୍ବନ୍ଦ୍ବରେ ଲୋକେ

ନୂଆଦିଲ୍ଲୀ: ହ୍ରିତିକ ରୋଶନ ଦୀର୍ଘ ଦିନ ଧରି ସବା ଆଜାଦଙ୍କୁ ଡେଟ କରୁଛନ୍ତି। ସର୍ବସାଧାରଣ କାର୍ଯ୍ୟକ୍ରମରେ ଉଭୟଙ୍କୁ ପ୍ରାୟତଃ ଏକାଠି ଦେଖିବାକୁ ମିଳୁଛି। ଦୁହେଁ ଏକାଠି ଛୁଟିବି କାଟୁଥିବାର ନଜରକୁ ଆସିଛି। 

ଉଭୟ ନିଜ ସମ୍ପର୍କକୁ ଗ୍ରହଣ କରିବାକୁ କେବେ ବି ପଛଘୁଞ୍ଚା ଦେଇ ନାହାଁନ୍ତି। ସୋସିଆଲ ମିଡିଆରେ ହ୍ରିତିକ ଓ ସବା ସେମାନଙ୍କ ପ୍ରେମସମ୍ପର୍କୁ ଖୋଲାଖୋଲି ଭାବେ ସ୍ବୀକାର କରିଥାଆନ୍ତି।  ଯଦିଓ ସବା ଆଜାଦ ହ୍ରିତିକ ରୋଶନଙ୍କ ଠାରୁ ୧୨ବର୍ଷ ସାନ ତଥାପି ଉଭୟଙ୍କ ମଧ୍ୟରେ ଚମତ୍କାର ସମନ୍ୱୟ ରହିଛି। ଦୁହିଁଙ୍କ ସମ୍ପର୍କୁ ତିନିବର୍ଷ ବିତିଗଲାଣି। ଏହି ଅବସରରେ ହ୍ରିତିକ ଓ ସବା ଏକ ସ୍ବତନ୍ତ୍ର ପୋଷ୍ଟ ସେୟାର କରିଛନ୍ତି। 

ହ୍ରିତିକ ପୋଷ୍ଟ ସେୟାର କରି କ୍ୟାପସନରେ ଲେଖିଛନ୍ତି, 'ଶୁଭ ବାର୍ଷିକୀ ପାର୍ଟନର (ହାର୍ଟ ଇମୋଜି) ୧.୧୦.୨୦୨୪' । ଏହି ପୋଷ୍ଟରେ ଅଭିନେତାଙ୍କ ପୂର୍ବତନ ପତ୍ନୀ ସୁଜୈନ ଖାନ ନିଜର ପ୍ରତିକ୍ରିୟା ସେୟାର କରିଛନ୍ତି। ସେ ଲେଖିଛନ୍ତି, 'ସୁପର ଫଟୋ।' ସବା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ସମାନ ଫଟୋ ସେୟାର କରି ଲେଖିଛନ୍ତି, 'ହାପି ୩ବର୍ଷର ସାଥୀ (ହୃଦୟ ଇମୋଜି) ୧.୧୦.୨୦୨୪।'  କିଛି ଲୋକ ଏହି ପୋଷ୍ଟଗୁଡିକ ଦେଖିବା ପରେ ଦ୍ୱନ୍ଦ୍ୱରେ ପଡ଼ିଯାଇଛନ୍ତି। ଲୋକେ ଏହି ପୋଷ୍ଟକୁ ଦେଖି ପ୍ରଶ୍ନ କରିଛନ୍ତି ହ୍ରିତିକ ଓ ସବାଙ୍କ ବିବାହ କେବେ ହେଲା?

ନିକଟରେ ଏସୀୟାନ ଏକାଡେମି କ୍ରିଏଟିଭ୍ ଆୱାର୍ଡ ୨୦୨୪ରେ ହ୍ରିତିକ ରୋଶନଙ୍କ ପ୍ରେମିକା ସବା ଆଜାଦଙ୍କୁ କମେଡ଼ି ଭୂମିକା ପାଇଁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଛି ।ଏହି ପୁରସ୍କାର ସବାଙ୍କୁ ସୋ’ 'ହୁଜ ୟୋର ଗାଇନେକ'ରେ ତାଙ୍କର ଭୂମିକା ପାଇଁ ମିଳିଛି। ଏହି ବିଶେଷ ଉତ୍ସବରେ ହ୍ରିତିକ ମଧ୍ୟ ଏକ ପୋଷ୍ଟ ସେୟାର କରି ପ୍ରେମିକା ସବାଙ୍କୁ ଅଭିନନ୍ଦନ ଜଣାଇ କହିଥିଲେ, ‘ 'ମୁଁ ତୁମ ପାଇଁ ବହୁତ ଗର୍ବିତ, ତୁମର ପ୍ରଦର୍ଶନ ମଧ୍ୟ ପ୍ରକୃତରେ ପ୍ରଶଂସନୀୟ।’