ମୋ ପାଖରେ ଟଙ୍କା ନାହିଁ, ମୁଁ ଜୟାଙ୍କୁ ମାଗେ: କେବିସିରେ ବିଗ୍ ବି କହିଲେ

ମୁମ୍ବାଇ: କୌନ ବନେଗା କରୋଡପତି(କେବିସି) ହେଉଛି ଏକ ପ୍ଲାଟଫର୍ମ ଯେଉଁଠାରେ ଅମିତାଭ ବଚ୍ଚନ ତାଙ୍କ ସାମ୍ନାରେ ହଟ୍ ସିଟ୍‌ରେ ବସିଥିବା ପ୍ରତିଯୋଗୀମାନଙ୍କ ସହ ଖୋଲାଖୋଲି ଭାବରେ କଥାବାର୍ତ୍ତା କରିଥାନ୍ତି। ସୋନି ଟିଭିର କୁଇଜ୍ ରିୟଲିଟି ସୋ  କୌନ ବନେଗା କରୋଡପତିର ସିଜନ ୧୬ର ଏକ ଏପିସୋଡରେ ଅମିତାଭ ବଚ୍ଚନ ନିଜ ସହ ଜଡିତ ଏକ ମଜାଦାର କଥା କହିଥିଲେ । ହିନ୍ଦୀ ଚଳଚ୍ଚିତ୍ରର ଏହି ସୁପରଷ୍ଟାର, ତାଙ୍କର ଗୋଟିଏ ଚଳଚ୍ଚିତ୍ର ପାଇଁ କୋଟି କୋଟି ଟଙ୍କା ଆଦାୟ କରୁଥିବା କହିଛନ୍ତି।  

ତେବେ ତାଙ୍କ ପାଖରେ ଟଙ୍କା ନାହିଁ ଏବଂ ଆବଶ୍ୟକ ଅନେକ ସମୟରେ ସେ ତାଙ୍କ ପତ୍ନୀ ଜୟା ବଚ୍ଚନଙ୍କଠାରୁ ଟଙ୍କା ମାଗନ୍ତି ବୋଲି କହିଛନ୍ତି। ' କୌନ ବନେଗା କରୋଡପତିର ସର୍ବଶେଷ ଏପିସୋଡରେ ଅମିତାଭ ବଚ୍ଚନ ତାଙ୍କ ସାମ୍ନାରେ ହଟ୍ ସିଟ୍‌ରେ ବସିଥିବା ପ୍ରତିଯୋଗୀ ପ୍ରିୟଙ୍କା ଏବଂ' କୌନ ବନେଗା କରୋଡପତିର ସିଜିନ ୧୬ ର ଷ୍ଟୁଡିଓରେ ଉପସ୍ଥିତ ଦର୍ଶକଙ୍କୁ ଏହି ମଜାଦାର କଥା କହିଥିଲେ।

ଅମିତାଭ ବଚ୍ଚନଙ୍କ ସାମ୍ନାରେ ହଟ୍ ସିଟ୍‌ରେ ବସି ପ୍ରିୟଙ୍କା କେବଳ ' କୌନ ବନେଗା କରୋଡପତିରେ ପଚରାଯାଇଥିବା ପ୍ରଶ୍ନର ଉତ୍ତର ଦେଇନାହାଁନ୍ତି ବରଂ ଅମିତାଭ ବଚ୍ଚନଙ୍କୁ ତାଙ୍କ ପାର୍ଶ୍ୱରୁ କିଛି ମଜାଦାର ପ୍ରଶ୍ନ ମଧ୍ୟ ପଚାରିଥିଲେ। ପ୍ରିୟଙ୍କାଙ୍କ ପ୍ରଶ୍ନଗୁଡ଼ିକ ସମ୍ପୂର୍ଣ୍ଣ ଭିନ୍ନ ଥିଲା। ଅମିତାଭ ବଚ୍ଚନଙ୍କୁ ସୁପରଷ୍ଟାର ଭାବରେ ଦେଖିବା ପରେ ମଧ୍ୟବିତ୍ତ ଲୋକଙ୍କ ମନକୁ ଆସୁଥିବା ପ୍ରଶ୍ନଗୁଡିକ ସେ ପଚାରିଥିଲେ।

ସର୍ବପ୍ରଥମେ ସେ ଅମିତାଭ ବଚ୍ଚନଙ୍କୁ ପଚାରିଲେ ଯେ, ଆପଣଙ୍କ ଘର ଏତେ ବଡ, ତେଣୁ ଯେତେବେଳେ ଆପଣଙ୍କର ଟିଭି ରିମୋଟ ହଜିଯାଏ, ଆପଣ ଏହାକୁ କିପରି ପାଇଥାନ୍ତି? ତାଙ୍କ ପ୍ରଶ୍ନର ଉତ୍ତର ଦେଇ ଅମିତାଭ ବଚ୍ଚନ କହିଥିଲେ ଯେ, ଯେତେବେଳେ ବି ଏହା ଘଟେ, ମୁଁ ସିଧା ସେଟ୍ ଟପ୍ ବକ୍ସକୁ ଯାଇ ଟିଭି ନିୟନ୍ତ୍ରଣ କରିଥାଏ।

ଅମିତାଭ ବଚ୍ଚନଙ୍କ ଉତ୍ତର ଶୁଣିବା ପରେ ପ୍ରିୟଙ୍କା ତାଙ୍କୁ ମଧ୍ୟ ପଚାରିଥିଲେ ଯେ, ଯେତେବେଳେ ରିମୋଟ ହଜିଯାଏ, ପରିବାରରେ ଝଗଡା ଆରମ୍ଭ ହୋଇଥାଏ କି? କାହା ପାଇଁ ଏହା ହଜିଛି ସେଥିପାଇଁ ଝଗଡା ହୁଏ କି? ଏହି ପ୍ରସଙ୍ଗରେ ଅମିତାଭ ବଚ୍ଚନ ପ୍ରିୟଙ୍କାଙ୍କୁ ନିଜ ଶୈଳୀରେ ଉତ୍ତର ଦେଇ କହିଥିଲେ ଯେ, ନା  ଦେବୀ ଜୀ, ଆମ ଘରେ ଟିଭି ରିମୋଟ ପ୍ରାୟତଃ ସୋଫାରେ ରଖାଯାଇଥିବା ତକିଆ ତଳେ ଲୁଚାଇ ରଖାଯାଇଥାଏ।  ଏହାକୁ କେବଳ ଖୋଜିବାର ଆବଶ୍ୟକ ହୋଇଥାଏ। ଏହି କାରଣରୁ, ରିମୋଟ୍ ସମ୍ବନ୍ଧରେ ଘରେ କୌଣସି ଝଗଡା ହୁଏ ନାହିଁ।

ପ୍ରିୟଙ୍କାଙ୍କ ପ୍ରଶ୍ନ ଶେଷ ହୋଇ ନ ଥିଲା। ସେ ଅମିତାଭ ବଚ୍ଚନଙ୍କୁ ଏହା ମଧ୍ୟ ପଚାରିଥିଲେ ଯେ, ତାଙ୍କ ଘରୁ ଅଫିସରୁ ସେ ଘରକୁ ଫେରୁଥିବାବେଳେ ତାଙ୍କୁ ପନିପରିବା କିମ୍ବା କିଛି ସାମଗ୍ରୀ ଆଣିବାକୁ କୁହାଯାଇଥାଏ କି? ଅମିତାଭ ବଚ୍ଚନ ସୁଟିଂରୁ ଘରକୁ ଫେରିବା ସମୟରେ ଜୟା ବଚ୍ଚନ କିଛି ଜିନିଷ ଆଣିବାକୁ କହିଥାନ୍ତି କି? ଏହାର ଜବାବରେ ଅମିତାଭ ବଚ୍ଚନ କହିଥିଲେ, ଅବଶ୍ୟ ଜୟା କହିଥାନ୍ତି ଯେ, ମୋତେ ନିଜକୁ ନିରାପଦରେ ଘରେ ପହଞ୍ଚାଇବାକୁ ପଡିବ।

ଅଧିକ ପଢ଼ନ୍ତୂୁ: କୋହଲିଙ୍କୁ ଆଇସିସିର ବଡ଼ ଝଟକା: କଟିଲା ୨୦ ପ୍ରତିଶତ ମ୍ୟାଚ୍ ଫି’

ଏହା ସହିତ ଯେତେବେଳେ ପ୍ରିୟଙ୍କା ଅମିତାଭ ବଚ୍ଚନଙ୍କୁ ପଚାରିଥିଲେ ଯେ, ଆପଣ ଏଟିଏମରୁ ଟଙ୍କା ଉଠାଇଛନ୍ତି କି? କିମ୍ବା ଆପଣ ଆପଣଙ୍କର ବାଲାନ୍ସ ଯାଞ୍ଚ କରନ୍ତି କି? ଏହି ପ୍ରଶ୍ନର ଉତ୍ତରରେ ଅମିତାଭ ବଚ୍ଚନ କହିଥିଲେ ଯେ, ସେ କେବେ ଏଟିଏମକୁ ଯାଇ ନାହାନ୍ତି। ତାଙ୍କ ପାଖରେ ନଗଦ ଟଙ୍କା ମଧ୍ୟ ନାହିଁ। ସେ କହିଥିଲେ, ମୁଁ ଏସବୁ ବୁଝିପାରେ ନାହିଁ। ଜୟା ଜୀ ପାଖରେ ଟଙ୍କା ରହିଥାଏ। ଆବଶ୍ୟକ ପଡିଲେ ମୁଁ ତାଙ୍କଠାରୁ ଏହା ମାଗିନିଏ। 

ଅଧିକ ପଢ଼ନ୍ତୂୁ: ୨୦୨୫ରେ ଏଲପିଜି ଦର କମିବ!: ରୁଷିଆରେ ଦର କମି ଅଧା ହେଲା