ଦୁର୍ବଳ ଓ ଶୁଷ୍କ ନଖର ଫଟୋ ସେୟାର କରି ଟ୍ରୋଲର୍ସଙ୍କୁ କଡ଼ା ଜବାବ ଦେଲେ ହିନା

ମୁମ୍ବାଇ:  ଟେଲିଭିଜନ ଅଭିନେତ୍ରୀ ହିନା ଖାନ ସମ୍ପ୍ରତି କେମୋଥେରାପି ଯୋଗୁଁ ଶୁଖିଲା ଏବଂ ଦୁର୍ବଳ ହୋଇଯାଇଥିବା ତାଙ୍କ ନଖର ଏକ ଫଟୋ ସେୟାର କରିଛନ୍ତି। 

ହିନା ଖାନ ଇନଷ୍ଟାଗ୍ରାମରେ ତାଙ୍କ ନଖର ଏକ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, 'ଆଚ୍ଛା, ଆପଣମାନେ ଅନେକ ମୋ ନଖ ବିଷୟରେ ପଚାରୁଛନ୍ତି। ଏହି ତାଲିକାରେ ମୋ କୋଠାର କିଛି ଲୋକ ବି ସାମିଲ ଅଛନ୍ତି... ମୁଁ କୌଣସି ନେଲପଲିସ୍ ଲଗାଇ ନାହିଁ ହାହାହାହା...

ମୁଁ ନେଲପଲିସ୍ ଲଗାଇ କିପରି ପ୍ରାର୍ଥନା କରିପାରିବି। ଏହା ରମଜାନ ମାସ ହୋଇଥିବାରୁ ଇସଲାମରେ ନଖରେ ରଙ୍ଗ ଲଗାଇ ନମାଜ ପଢ଼ାଯାଏ ନାହିଁ।ପ୍ରିୟ ବନ୍ଧୁଗଣ, ଆପଣମାନେ ନିଜର ବୁଦ୍ଧିକୁ ଟିକେ ବ୍ୟବହାର କରନ୍ତୁ।

କେମୋଥେରାପିର ସବୁଠାରୁ ସାଧାରଣ ପାର୍ଶ୍ୱ ପ୍ରତିକ୍ରିୟା ହେଉଛି ନଖର ରଙ୍ଗ ବଦଳାଇ ଦେବ... ମୋର ନଖ ଦୁର୍ବଳ ଓ ଶୁଷ୍କ ହୋଇଗଲାଣି । କେତେକ ଆଙ୍ଗୁଳିରୁ ନଖ ଉପୁଡ଼ି ଗଲାଣି... କିନ୍ତୁ କିନ୍ତୁ... ଭଲ କଥା କ'ଣ ଜାଣନ୍ତି... ଏହା ସବୁ ଅସ୍ଥାୟୀ.. ଏବଂ ମନେରଖନ୍ତୁ ମୁଁ ଧୀରେଧୀରେ ସୁସ୍ଥ ହେଉଛୁ... ।'

ଗତ ବର୍ଷ ହିନା ଖାନଙ୍କ ତୃତୀୟ ପର୍ଯ୍ୟାୟ ସ୍ତନ କର୍କଟ ରୋଗ ଚିହ୍ନଟ ହୋଇଥିଲା। ସେବେଠାରୁ ସେ ତାଙ୍କ ଫ୍ୟାନ୍ସମାନଙ୍କ ସହିତ ସୋସିଆଲ ମିଡିଆରେ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା ସେୟାର କରି ଚାଲିଛନ୍ତି।