ଅଭିନେତ୍ରୀ ଏଲି ଆଭ୍ରାମଙ୍କୁ ଡେଟ୍ କରୁଛନ୍ତି କି ଆଶିଷ ଚାଞ୍ଚଲାନି? ରୋମାଣ୍ଟିକ ପୋଷ୍ଟ ପରେ ବଢ଼ିଲା ଡେଟିଂ ଗୁଜବ

ମୁମ୍ବାଇ: ୟୁଟ୍ୟୁବର ଆଶିଷ ଚଞ୍ଚଲାନି ସୋସିଆଲ ମିଡିଆରେ ଏକ ଫଟୋ ପୋଷ୍ଟ କରିଛନ୍ତି ଯେଉଁଥିରେ ସେ ବଲିଉଡ ଅଭିନେତ୍ରୀ ଏଲି ଆଭ୍ରାମଙ୍କୁ ତାଙ୍କ କୋଳରେ ଧରିଛନ୍ତି। ଏଲି ଆଭ୍ରାମ ତାଙ୍କ ହାତରେ ଏକ ଫୁଲ ଧରିଛନ୍ତି ଏବଂ ଦୁହେଁ ହସୁଛନ୍ତି। ଫଟୋ ସେୟାର କରି ଆଶିଷ ଚଞ୍ଚଲାନି କ୍ୟାପସନରେ 'ଶେଷରେ' ଲେଖିଛନ୍ତି। ଫଟୋ ଦେଖିବା ପରେ ଲୋକମାନେ ଅନୁମାନ କରିବା ଆରମ୍ଭ କରିଛନ୍ତି ଯେ ଉଭୟ ପରସ୍ପରକୁ ଡେଟ୍ କରୁଛନ୍ତି।

ଆଶିଷ ଚଞ୍ଚଲାନିଙ୍କ ପୋଷ୍ଟରୁ ଜଣାପଡୁଛି ଯେ ଦୁହେଁ ଶେଷରେ ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ ହୃଦୟସ୍ପର୍ଶୀ ଉପାୟରେ ସେମାନଙ୍କର ସମ୍ପର୍କକୁ ଅଫିସିଆଲ କରିଛନ୍ତି। ତଥାପି, ଆଶିଷ ଏଲିଙ୍କ ସହ ତାଙ୍କ ସମ୍ପର୍କକୁ ନିଶ୍ଚିତ କରୁଥିବାର ଉଲ୍ଲେଖ କରିନାହାଁନ୍ତି। ହୁଏତ ସେମାନେ ଏକ ଫିଲ୍ମରେ ଏକାଠି କାମ କରିବାକୁ ଯାଉଛନ୍ତି। ହେଲେ ତାଙ୍କ ଫଟୋରେ ସମସ୍ତେ ତାଙ୍କୁ ଅଭିନନ୍ଦନ ଜଣାଇବା ଆରମ୍ଭ କରିଛନ୍ତି।

ଆଶିଷ ଚଞ୍ଚଲାନିଙ୍କ ପୋଷ୍ଟରେ ଅନେକ ସେଲିବ୍ରିଟି ପ୍ରତିକ୍ରିୟା ଦେଇଛନ୍ତି। ଅଭିନେତା ନୀଲ ନୀତିନ୍ ମୁକେଶ ପୋଷ୍ଟରେ ଏକ ହୃଦୟ ଇମୋଜି କମେଣ୍ଟ କରିଛନ୍ତି। କରିଶ୍ମା ଶର୍ମା ଲେଖିଛନ୍ତି 'ହେ ଭଗବାନ, ଶୁଭକାମନା।' ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି 'ଏବେ ବିଦ୍ୟୁତ୍ ବିଲ୍ ଦୁଇ ଜଣଙ୍କ ମଧ୍ୟରେ ବାଣ୍ଟି ଦିଆଯିବ।' ଆଶିଷ କିମ୍ବା ଏଲି ଏହି ଫଟୋର ସତ କିମ୍ବା ସେମାନଙ୍କ ସମ୍ପର୍କ ବିଷୟରେ ସ୍ପଷ୍ଟ କରିନାହାଁନ୍ତି, ଯାହା ଫଳରେ ପ୍ରଶଂସକମାନେ ଏହା ସତ କି ମିଛ ଅନୁମାନ କରିବାକୁ ବାଧ୍ୟ ହୋଇଛନ୍ତି।

ଏହି ବର୍ଷ ଆରମ୍ଭରେ ଆଶିଷ ଚାଞ୍ଚଲାନି ଏବଂ ଏଲି ଆଭ୍ରାମଙ୍କ ଡେଟିଂ ବିଷୟରେ ଗୁଜବ ବ୍ୟାପିଥିଲା। ଫେବୃଆରୀରେ ଅନୁଷ୍ଠିତ ଏଲେ ଲିଷ୍ଟ ୨୦୨୫ କାର୍ଯ୍ୟକ୍ରମରେ ଆଶିଷ ଓ ଏଲି ଆଭ୍ରାମଙ୍କୁ ଏକାଠି ଦେଖିବାକୁ ମିଳିଥିଲା। 

ଏଲି ଆଭ୍ରାମ 'ବି ହାପି' ଫିଲ୍ମରେ ନଜର ଆସିଥିଲେ। ଏହା ପୂର୍ବରୁ ସେ ୨୦୨୩ରେ 'ଗଣପଥ' ଏବଂ ୨୦୨୨ ରେ 'ଗୁଡବାଏ'ରେ ନଜର ଆସିଥିଲେ। ଆଶିଷ ଚଞ୍ଚଲାନି ଜଣେ ୟୁଟ୍ୟୁବର, ଅଭିନେତା ଓ ସୋସିଆଲ ମିଡିଆ ଇନଫ୍ଲୁଏନସର ।