ବଚ୍ଚନ ପରିବାରର ପ୍ରକୃତ ମୁଖ୍ୟ ଜୟା, ଐଶ୍ୱର୍ଯ୍ୟା ଶାଶୁଙ୍କ ନିୟମ ଭାଙ୍ଗିଲେ ରକ୍ଷା ନାହିଁ

ମୁମ୍ବାଇ: ବଚ୍ଚନ ପରିବାରର ଡୋର ଜୟା ବଚ୍ଚନଙ୍କ ହାତରେ। ସେ ହେଉଛନ୍ତି ପରିବାରର ପ୍ରକୃତ ମୁଖ୍ୟ। ତାଙ୍କ କଥା ଏବଂ ତାଙ୍କ ଦ୍ବାରା ଘରେ ଲାଗୁ ହୋଇଥିବା ନିୟମ ମାନିବାକୁ ସମସ୍ତେ ବାଧ୍ୟ। ତାଙ୍କ ଆଗରେ ପୁଅ ଅଭିଷେକ ବଚ୍ଚନ ଏବଂ ଅମିତାଭ ବଚ୍ଚନଙ୍କର ମଧ୍ୟ କୌଣସି ଶକ୍ତି ନାହିଁ। ଐଶ୍ୱର୍ଯ୍ୟା ରାୟ ବଚ୍ଚନ ତାଙ୍କ ଆଗରେ କିଛି ମଧ୍ୟ ନୁହନ୍ତି।

ଯଦିଓ ପରିବାରର ମୁଖ୍ୟ ଅମିତାଭ ବଚ୍ଚନ, ତଥାପି ଜୟା ବଚ୍ଚନ ପରିବାର ପାଇଁ କିଛି ନିୟମ କରିଛନ୍ତି ଯାହାକୁ ସମସ୍ତଙ୍କୁ ଅନୁସରଣ କରିବାକୁ ପଡିଥାଏ। ଏପରି ଏକ ନିୟମ ଅଛି ଯାହା ବର୍ଷ ବର୍ଷ ଧରି ଚାଲିଆସୁଛି। ଐଶ୍ୱର୍ଯ୍ୟାଙ୍କୁ ଛାଡ,ଏପରିକି ଅମିତାଭ ଏବଂ ଅଭିଷେକ  ମଧ୍ୟ ଏହି ନିୟମ ଭାଙ୍ଗିବାକୁ କେବେ ସାହସ କରନ୍ତି ନାହିଁ।

ଅଭିଷେକ ବଚ୍ଚନ ଏକ ସାକ୍ଷାତକାରରେ କହିଥିଲେ ଯେ ତାଙ୍କ ପାଇଁ ପରିବାର ଏବଂ ପିତାମାତାଙ୍କ ମହତ୍ତ୍ବ କ’ଣ? ଅଭିଷେକ କହିଥିଲେ, ତାଙ୍କ ପିତାମାତାଙ୍କ ସହ ରହିବା ତାଙ୍କର ଘରର ପରମ୍ପରା।

ଅଭିଷେକଙ୍କ ଅନୁଯାୟୀ ଘରେ ଜୟା ବଚ୍ଚନଙ୍କ ନିୟମ ଭାଙ୍ଗିବାକୁ କେହି ସାହସ କରନ୍ତି ନାହିଁ। ଖାଦ୍ୟ ବିଷୟରେ ସେ ଏକ ନିୟମ ମଧ୍ୟ କରିଛନ୍ତି ଯାହା ସମସ୍ତେ ଅନୁସରଣ କରନ୍ତି ।

ଅଧିକ ପଢ଼ନ୍ତୁ: କ୍ଲର୍କଙ୍କୁ ଜୋତାରେ ପିଟିଲେ ପ୍ରିନ୍ସିପଲ, ଭିଡିଓ ଭାଇରାଲ

ଜୟା ବଚ୍ଚନଙ୍କ ପରିବାର ସଦସ୍ୟଙ୍କୁ କଡା ନିର୍ଦ୍ଦେଶ ରହିଛି ଯେ ଯଦି ସେମାନେ ଗୋଟିଏ ସହରରେ ଥାଆନ୍ତି ତେବେ ସେମାନଙ୍କୁ ଦିନକୁ ଏକାଠି ଥରେ ନିଶ୍ଚିତ ଭୋଜନ କରିବାକୁ ପଡିବ।

ଜୟା ବଚ୍ଚନଙ୍କ ଦ୍ୱାରା ଲାଗୁ ଏହି ନିୟମକୁ ପରିବାରରେ କେହି ଭାଙ୍ଗନ୍ତି ନାହିଁ। ଜୟା ବଚ୍ଚନ ନିଜେ ଅନ୍ୟମାନଙ୍କ ଭଳି ସମାନ କଠୋରତା ସହିତ ତାଙ୍କ ଦ୍ୱାରା ଜାରି ନିୟମକୁ ମଧ୍ୟ ମାନିଥାନ୍ତି। ଏହି ନିୟମକୁ ଐଶ୍ୱର୍ଯ୍ୟା କ‌େବେ ମଧ୍ୟ ଭାଙ୍ଗିବାକୁ ସାହସ କରନ୍ତି ନାହିଁ। ଐଶ୍ୱର୍ଯ୍ୟା ଏବଂ ଅଭିଷେକଙ୍କ ଛାଡପତ୍ର ଗୁଜବ ମଧ୍ୟରେ ବଚ୍ଚନ ପରିବାରର ଏହି ଖବର ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଅଧିକ ପଢ଼ନ୍ତୁ: ପାକିସ୍ତାନରେ ଲକଡାଉନ୍: ଏକ୍ୟୁଆଇ ସ୍ତର ଅଧିକ ଯୋଗୁ ସବୁ ଠପ୍