କମାଲ କରିପାରିଲେନି ଆଲିଆ, ପ୍ରଥମ ଦିନରେ 'ଜିଗରା' ଆୟ କଲା ମାତ୍ର ଏତିକି କୋଟି

ମୁମ୍ବାଇ: ପ୍ରେକ୍ଷାଳୟରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବଂ ଅଭିନେତା ବେଦାଙ୍ଗ ରାଇନାଙ୍କ ଫିଲ୍ମ 'ଜିଗରା' ମୁକ୍ତିଲାଭ କରିଛି। ଏହି ଆକ୍ସନ୍-ଡ୍ରାମା ଫିଲ୍ମରେ ଆଲିଆଙ୍କ ଆକ୍ସନ୍ ଅବତାର ଦେଖିବାକୁ ପ୍ରଶଂସକମାନେ ଉତ୍ସାହର ସହ ଅନାଇ ବସିଥିଲେ | କିନ୍ତୁ ରିଲିଜ୍ ପରେ ଫିଲ୍ମଟି ସେତେ ଭଲ ବ୍ୟବସାୟ କରିପାରିନଥିବା ଜଣାଯାଇଛି | ଫିଲ୍ମର ଆୟକୁ ଦେଖି 'ଜିଗରା' ପ୍ରେକ୍ଷାଳୟରେ ଦର୍ଶକଙ୍କୁ ପ୍ରଭାବିତ କରିବାରେ ବିଫଳ ହୋଇଥିବା ନେଇ ଚର୍ଚ୍ଚା ଆରମ୍ଭ ହୋଇଛି |

ଜାତୀୟ ଗଣମାଧ୍ୟମ ଅନୁଯାୟୀ, 'ଜିଗରା' ଅଗ୍ରୀମ ବୁକିଂରୁ ମାତ୍ର ୫୬.୧ ଲକ୍ଷ ଟଙ୍କା ରୋଜଗାର କରିଥିଲା । ଏଥିରୁ ଜଣା ପଡିଥିଲା ​​ଯେ ଫିଲ୍ମର ଆରମ୍ଭ ଧୀର ହେବ । ବର୍ତ୍ତମାନ ପ୍ରଥମ ଦିନର ଆୟକୁ ଦେଖିଲେ ଏହା ମୋଟ ୧.୪୪ କୋଟି ଟଙ୍କା ଆୟ କରିଛି ।

'ଜିଗରା' ସହିତ ରିଲିଜ ହୋଇଛି ଆଉ ଏକ ବଲିଉଡ ଫିଲ୍ମ 'ବିକି ବିଦ୍ୟା କା ୱ ବାଲା ଭିଡିଓ'  | ଅଭିନେତା ରାଜକୁମାର ରାଓ ଏବଂ ଅଭିନେତ୍ରୀ ତୃପ୍ତି ଡିମ୍ରିଙ୍କ ଅଭିନୀତ ଏହି ଚଳଚ୍ଚିତ୍ର ପ୍ରଥମ ଦିନରେ ୧.୭୬ କୋଟି ଟଙ୍କା ଆୟ କରିଛି । ଏହାର ଅର୍ଥ 'ଜିଗରା'କୁ କଡା ଟକ୍କର ଦେବ 'ବିକି ବିଦ୍ୟା କା ୱ ବାଲା ଭିଡିଓ' | ପ୍ରଥମ ଦିନର ଆୟରେ 'ଜିଗରା' ପଛରେ ଥିବା ବେଳେ ଆଗାମୀ ଦିନରେ କିଏ ଆଗକୁ ଯିବ ତାହା ଦେଖିବାକୁ ବାକି ରହିଲା  |