ବଲିଉଡରେ ୨୫ ବର୍ଷ ପୂରା ହେବା ଅବସରରେ ପୋଷ୍ଟ ସେୟାର କଲେ କରିନା

ନୂଆଦିଲ୍ଲୀ: ଅଭିନେତ୍ରୀ କରିନା କପୁର ୨୦୨୫ ଜୁନ ୩୦ରେ ବଲିଉଡ ଶିଳ୍ପରେ ତାଙ୍କର ୨୫ ବର୍ଷ ପୂରଣ କରିଛନ୍ତି। 
୨୦୦୦ମସିହାରେ ମୁକ୍ତିଲାଭ କରିଥିବା ଫିଲ୍ମ 'ରିଫ୍ୟୁଜି' ସହିତ କରିନା ବଲିଉଡରେ ଡେବ୍ୟୁ କରିଥିଲେ। କରିନା ତାଙ୍କ ସମୟରେ ଇଣ୍ଡଷ୍ଟ୍ରିର ସବୁଠାରୁ ଅଧିକ ପାରିଶ୍ରମିକ ନେଉଥିବା ଅଭିନେତ୍ରୀମାନଙ୍କ ମଧ୍ୟରୁ ଜଣେ ଥିଲେ। ଆଜି ବଲିଉଡରେ ୨୫ ବର୍ଷ ପୂରା ହେବା ଅବସରରେ କରିନା ସୋସିଆଲ ମିଡିଆରେ ଏକ ପୋଷ୍ଟ ସେୟ‌ାର କରିଛନ୍ତି।

କରିନା ତାଙ୍କ ଇନଷ୍ଟାଗ୍ରାମରେ ଏକ ସ୍ୱତନ୍ତ୍ର ପୋଷ୍ଟ କରିଛନ୍ତି। ଏହି ପୋଷ୍ଟରେ କରିନା ତାଙ୍କର ଡେବ୍ୟୁ ଫିଲ୍ମ 'ରିଫ୍ୟୁଜି' ସହିତ ଜଡିତ କିଛି ଫଟୋ ସେୟାର କରିଛନ୍ତି। ଏହି ଫଟୋଗୁଡ଼ିକରେ, କରିନା ତାଙ୍କ ଡେବ୍ୟୁ ସହ-ଅଭିନେତା ଅଭିଷେକ ବଚ୍ଚନଙ୍କ ସହିତ ନଜର ଆସୁଛି।।  ଆଉ କିଛି ଫଟୋରେ ସେ ଏକା ଥିବା ଦେଖିବାକୁ ମିଳୁଛି।
ଏହି ଫଟୋଗୁଡ଼ିକୁ ସେୟାର କରି କରିନା କ୍ୟାପସନରେ ଅଧିକ କିଛି ଲେଖି ନାହାଁନ୍ତି। କରିନା କେବଳ କ୍ୟାପସନରେ ଲେଖିଛନ୍ତି, '୨୫ ବର୍ଷ ଏବଂ ସର୍ବଦା ...।'

କରିନାଙ୍କ କାର୍ଯ୍ୟକ୍ଷେତ୍ର ବିଷୟରେ କହିବାକୁ ଗଲେ ୨୫ବର୍ଷ ପରେ ମଧ୍ୟ କରିନା ସିନେମା ଶିଳ୍ପରେ ସକ୍ରିୟ ଅଛନ୍ତି ଏବଂ ନିରନ୍ତର ଫିଲ୍ମ କରୁଛନ୍ତି। କରିନା ଶେଷ ଥର ପାଇଁ ଗତ ବର୍ଷ 'ସିଙ୍ଘମ ଏଗେନ୍' ଫିଲ୍ମରେ ନଜର ଆସିଥିଲେ। ସମ୍ପ୍ରତି ସେ ତାଙ୍କର ଆଗାମୀ ଚଳଚ୍ଚିତ୍ର 'ଦୟରା' ପାଇଁ ଚର୍ଚ୍ଚାରେ ଅଛନ୍ତି।