ଇସ୍ତଫା ଦେବା ପରେ ପୁଣି ମହାମଣ୍ଡଳେଶ୍ବର ହେଲେ ମମତା

ପ୍ରୟାଗରାଜ୍: ବଲିଉଡ ଅଭିନେତ୍ରୀ ମମତା କୁଲକର୍ଣ୍ଣୀ ପୁଣି ଥରେ ଚର୍ଚ୍ଚାରେ। ସେ ନିକଟରେ ମହାକୁମ୍ଭରେ ତାଙ୍କ ପିଣ୍ଡ ଦାନ କରିଥିଲେ। ଏହା ପରେ, ତାଙ୍କୁ କିନ୍ନର ଅଖଡ଼ାର ମହାମଣ୍ଡଳେଶ୍ୱର କରାଯାଇଥିଲା। କିନ୍ତୁ ଏହାକୁ ନେଇ ବହୁତ ବିବାଦ ହୋଇଥିଲା। ବିବାଦ ଦେଖି ସେ ଏହି ପଦବୀରୁ ଇସ୍ତଫା ଦେଉଥିବା ଘୋଷଣା କରିଥିଲେ। ଏବେ ଇସ୍ତଫାର ୩ଦିନ ପରେ ମମତା ପୁଣି ଥରେ ମହାମଣ୍ଡଳେଶ୍ବର ଭାବେ ଯୋଗ ଦେଇଥିବା ଜଣାପଡ଼ିଛି।

ମମତା କୁଲକର୍ଣ୍ଣି ତାଙ୍କ ଇସ୍ତଫା ପ୍ରତ୍ୟାହାର କରି ନେଇଛନ୍ତି ଏବଂ କିନ୍ନର ଅଖଡ଼ାର ଆଚାର୍ଯ୍ୟ ଲକ୍ଷ୍ମୀ ନାରାୟଣଙ୍କ ବିରୋଧରେ ଲାଗିଥିବା ଦାଦାବଟି ଆଦାୟ ଅଭିଯୋଗ ଉପରେ ସ୍ପଷ୍ଟୀକରଣ ମଧ୍ୟ ଦେଇଛନ୍ତି। ମମତା କୁଲକର୍ଣ୍ଣି ଏକ ୧ମିନିଟ୍ ୧୪ସେକେଣ୍ଡର ଭିଡିଓ ରେକର୍ଡ କରି କହିଛନ୍ତି ଯେ, "କିଛି ଲୋକ ମୋ ଗୁରୁ ସ୍ୱାମୀ ଡକ୍ଟର ଲକ୍ଷ୍ମୀ ନାରାୟଣ ତ୍ରିପାଠୀଙ୍କ ବିରୋଧରେ ମିଥ୍ୟା ଅଭିଯୋଗ ଆଣିଛନ୍ତି। ଏଥିରେ ଦୁଃଖିତ ହୋଇ ମୁଁ କିନ୍ନର ଅଖାଡ଼ାର ମହାମଣ୍ଡଳେଶ୍ୱର ପଦବୀରୁ ଇସ୍ତଫା ଦେଇଥିଲି।"

ସେ ସ୍ପଷ୍ଟ କରିଛନ୍ତି ଯେ, "ମହାମଣ୍ଡଳେଶ୍ୱର ହେବା ପରେ ସେ ତାଙ୍କ ଗୁରୁଙ୍କୁ ଯେଉଁ ଉପହାର ଦେଇଥିଲେ ତାହା ଛତା, ବାଡ଼ି ଏବଂ ପଙ୍ଖା ପାଇଁ ଥିଲା। ବାକି ଟଙ୍କା ମୁଁ ଭଣ୍ଡାରା ପାଇଁ ଦେଇଛି। ମୁଁ ମୋ ଗୁରୁଙ୍କ ପ୍ରତି କୃତଜ୍ଞ ଯେ ସେ ମୋତେ ଏହି ପଦବୀରେ ପୁନଃସ୍ଥାପିତ କରିଛନ୍ତି। ଆଗକୁ ମୁଁ କିନ୍ନର ଅଖାଡ଼ା ଏବଂ ସନାତନ ଧର୍ମ ପାଇଁ ମୋ ଜୀବନକୁ ଉତ୍ସର୍ଗ କରିବି।"

ଜାନୁଆରୀ ୨୪ ତାରିଖରେ, କିନ୍ନର ଆଖଡ଼ା ମମତା କୁଲକର୍ଣ୍ଣୀଙ୍କୁ ମହାମଣ୍ଡଳେଶ୍ୱର ପଦବୀରେ ବସାଇଥିଲା। ଫେବ୍ରୁଆରି ୧୦ ତାରିଖରେ ସେ ଏକ ଭିଡିଓ ବାର୍ତ୍ତା ଜାରି କରି ମହାମଣ୍ଡଳେଶ୍ୱର ପଦବୀରୁ ଇସ୍ତଫା ଦେବା ଏବଂ କିନ୍ନର ଅଖାଡା ସହିତ ସମ୍ପର୍କ ଭାଙ୍ଗିଥିବା ଘୋଷଣା କରିଥିଲେ।