# ମି ଠୁ: ନଗ୍ନ ଫଟୋ ଉଠାଇଥିବା ଅଭିଯୋଗରେ ଫିଲ୍ମଶିଳ୍ପରେ ଝଡ଼

ଥିରୁଭାନନ୍ତପୁରମ୍: ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରି ବର୍ତ୍ତମାନ ଖବର ଶିରୋନାମାରେ ରହିଛି। ସୋସିଆଲ ମିଡ଼ିଆରେ ବହୁ ଚର୍ଚ୍ଚା ହେବାରେ ଲାଗିଛି। ଯୌନ ଶୋଷଣ ମାମଲାରେ ପ୍ରତିଦିନ କିଛି ବଡ଼ ବଡ଼ ଚେହେରାର ନାମ ସାମ୍ନାକୁ ଆସିବାରେ ଲାଗିଛି। ଚଳଚ୍ଚିତ୍ର ନିର୍ମାତା ରଣଜିତ୍ ଏହି ପ୍ରସଙ୍ଗରେ ଜଡିତ ସବୁଠାରୁ ହଟ୍ ପ୍ରସଙ୍ଗ ପାଲଟିଛନ୍ତି। କେବଳ ଅଭିନେତ୍ରୀ ନୁହଁନ୍ତି ଜଣେ ବ୍ୟକ୍ତି ଫିଲ୍ମ ନିର୍ମାତା ବିନା ପୋଷାକରେ ଫଟୋ ଉଠାଉଥିବା ଅଭିଯୋଗ କରିଛନ୍ତି। 

ଏହାକୁ ନେଇ ଶନିବାର ଅଭିନେତା ମୋହନଲାଲ ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରିରେ ଯୌନ ଶୋଷଣ ସମ୍ପର୍କରେ ଜଷ୍ଟିସ୍ ହେମା କମିଟି ରିପୋର୍ଟ ଉପରେ ନୀରବତା ଭାଙ୍ଗିଥିଲେ। ଦୋଷୀଙ୍କୁ ଦଣ୍ଡ ଦିଆଯିବା ଉଚିତ୍ ବୋଲି ମୋହନଲାଲ କହିଛନ୍ତି। 

ଶନିବାର ଦିନ କେରଳ ପୋଲିସ ଚଳଚ୍ଚିତ୍ର ନିର୍ଦ୍ଦେଶକ ରଣଜିତ୍‌ଙ୍କ ବିରୋଧରେ ଯୌନ ଶୋଷଣର ଦ୍ୱିତୀୟ ମାମଲା ରୁଜୁ କରିଛି।  ନିକଟରେ ବଙ୍ଗୀୟ ଅଭିନେତ୍ରୀ ଶ୍ରୀଲେଖା ମିତ୍ର ରଣଜିତଙ୍କ ବିରୋଧରେ ଯୌନ ଉତ୍ପୀଡ଼ନ ଅଭିଯୋଗ ଆଣିଥିଲେ। ମିତ୍ରଙ୍କ ପରେ ଜଣେ ବ୍ୟକ୍ତି ରଣଜିତଙ୍କ ବିରୋଧରେ ଯୌନ ଉତ୍ପୀଡ଼ନର ଦ୍ୱିତୀୟ ମାମଲା ଦାଏର କରିଥିଲେ।

ବ୍ୟକ୍ତି ଜଣକ ଅଭିଯୋଗରେ କହିଥିଲେ ଯେ ୨୦୧୨ ମସିହାରେ ଚଳଚ୍ଚିତ୍ର ନିର୍ମାତା ରଣଜିତ୍ ତାଙ୍କୁ ହୋଟେଲକୁ ଡାକିଥିଲେ। ହୋଟେଲ ରୁମରେ ରଣଜିତ୍ ତାଙ୍କୁ ତାଙ୍କ ପୋଷାକ କାଢ଼ିବାକୁ କହିଥିଲେ ଏବଂ ଫିଲ୍ମ ନିର୍ମାତା ତାଙ୍କ ନଗ୍ନ ଫଟୋ ଉଠାଇଥିବା କହିଥିଲେ। କେବଳ ଏତିକି ନୁହେଁ ରଣଜିତ୍ ଜଣେ ମାଲାୟାଲମ୍ ଅଭିନେତ୍ରୀଙ୍କ ନିକଟକୁ ଚିତ୍ର ପଠାଇଥିବା ଅଭିଯୋଗ ହୋଇଛି।

ଗତ ଶୁକ୍ରବାର ଦିନ, ଆଇପିସିର ଧାରା ୩୭୭ (ଅସ୍ୱାଭାବିକ ଅପରାଧ) ଏବଂ ସୂଚନା ପ୍ରଯୁକ୍ତିବିଦ୍ୟା (ଆଇଟି) ଅଧିନିୟମର ୬୬-ଇ(ଗୋପନୀୟତା ଉଲ୍ଲଂଘନ ପାଇଁ ଦଣ୍ଡ) ଅନୁଯାୟୀ ତାଙ୍କ ବିରୋଧରେ ଏକ ଏଫଆଇଆର ପଞ୍ଜିକୃତ ହୋଇଥିଲା।

ଏହି ସମୟରେ ଶାସକ ଦଳ ମୁକେଶଙ୍କ ବିଷୟରେ କହିଛନ୍ତି ଯେ ମୁକେଶଙ୍କ ବିରୋଧରେ ବଳାତ୍କାର ଅଭିଯୋଗ ହୋଇଥିବାରୁ ତାଙ୍କୁ ଇସ୍ତଫା କିମ୍ବା ହଟାଯିବା ଉଚିତ୍ ନୁହେଁ। ସିପିଆଇ (ଏମ୍) ରାଜ୍ୟ ସଚିବ ଏମ ଭି ଗୋବିନ୍ଦନ ପ୍ରଶ୍ନ କରିଛନ୍ତି ଯେ ଯଦି ବିଧାୟକମାନେ ନୈତିକ କାରଣରୁ ଇସ୍ତଫା ଦିଅନ୍ତି, ତେବେ ନିର୍ଦ୍ଦୋଷ ପ୍ରମାଣିତ ହେଲେ ସେସବୁକୁ ଫେରାଇ ନିଆଯିବ କି? ସେ କହିଛନ୍ତି ଯେ ଦଳ ନିଷ୍ପତ୍ତି ନେଇଛି ମୁକେଶ ଫିଲ୍ମ ପ୍ରଡକ୍ସନ୍ ପଲିସି କମିଟିର ଅଂଶ ହେବା ଉଚିତ୍ ନୁହେଁ।

କିଛି ସଦସ୍ୟଙ୍କ ଉପରେ ଯୌନ ଉତ୍ପୀଡ଼ନ ଅଭିଯୋଗ ଆସିବା ପରେ ଏମଏମଏ (ମାଲାୟାଲମ ଚଳଚ୍ଚିତ୍ର କଳାକାର ସଂଘ)ର ସଭାପତି ପଦରୁ ଇସ୍ତଫା ଦେଇଥିବା ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନ୍ୟତମ ତାରକା ମୋହନଲାଲ ବର୍ତ୍ତମାନ କହିଛନ୍ତି ଯେ ଏସବୁ ପାଇଁ ସମଗ୍ର ଫିଲ୍ମ ଇଣ୍ଡଷ୍ଟ୍ରି ଦାୟୀ। ସେ କହିଛନ୍ତି ଯେ ମାଲାୟାଲମ୍ ସିନେମା ଏକ ବହୁତ ବଡ ଶିଳ୍ପ, ଯେଉଁଠାରେ ହଜାର ହଜାର ଲୋକ କାମ କରନ୍ତି। ଏହି ସମସ୍ତ ପ୍ରସଙ୍ଗ ପାଇଁ ଗୋଟିଏ ସଂସ୍ଥାକୁ ଅଲଗା କରିବା ଠିକ୍ ନୁହେଁ |

ମୋହନଲାଲ ଆହୁରି କହିଛନ୍ତି ଯେ ସେ ନିଜ ଦାୟିତ୍ୱରୁ କେବେ ବି ପଳାୟନ କରିନାହାଁନ୍ତି, କିନ୍ତୁ ଗତ କିଛି ଦିନ ହେବ ସେ ବ୍ୟକ୍ତିଗତ ଏବଂ ବୃତ୍ତିଗତ ବିଷୟ ଯୋଗୁଁ ରାଜ୍ୟଠାରୁ ଦୂରରେ ଥିବାରୁ ସେ ଗଣମାଧ୍ୟମ ସାମ୍ନାକୁ ଆସିପାରିଲେ ନାହିଁ।

ମୋହନଲାଲ କହିଛନ୍ତି ଯେ ସେ ଇଣ୍ଡଷ୍ଟ୍ରିର କୌଣସି ଶକ୍ତିଶାଳୀ ଗୋଷ୍ଠୀର ଅଂଶ ନୁହଁନ୍ତି। ଅଭିନେତା କହିଛନ୍ତି ଯେ ମୁଁ ମାଲାୟାଲମ୍ ସିନେମାର କୌଣସି ପାୱାର୍ ଗ୍ରୁପ୍ ର ଅଂଶ ନୁହେଁ ଏବଂ ଏଭଳି କୌଣସି ଗୋଷ୍ଠୀ ବିଷୟରେ ମଧ୍ୟ ଅବଗତ ନୁହେଁ। ମୁଁ ଏହା ବିଷୟରେ ପ୍ରଥମ ଥର ଶୁଣୁଛି।

ଏହି ସମୟରେ, ଫିଲ୍ମ କର୍ମଚାରୀ ଫେଡେରେସନ୍ ଅଫ୍ କେରଳ (ଏଫିଏଫକେଏ) ଏହାର ଅଭିଯୁକ୍ତ ସଦସ୍ୟଙ୍କୁ ସୁରକ୍ଷା ଦେବ ନାହିଁ ବୋଲି ସ୍ପଷ୍ଟ କରିଛି। ଏଫିଏଫକେଏ କହିଛି ଯେ ଯଦି ସଂଗଠନ ଏଭଳି କୌଣସି ଅଭିଯୋଗ ବିଷୟରେ ଜାଣେ, ତେବେ ଏହା ନିଜେ ପୋଲିସକୁ ହସ୍ତାନ୍ତର କରିବ। 

ସେମାନେ କହିଛନ୍ତି ଯେ ଯଦି ଆମର କୌଣସି ସଦସ୍ୟଙ୍କ ବିରୋଧରେ କେବଳ ଏଫ୍ଆଇଆର୍ ପଞ୍ଜୀକୃତ ହୁଏ ତେବେ ଆମେ ତୁରନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବୁ ନାହିଁ, କିନ୍ତୁ ଯଦି ପୋଲିସ୍ ପରେ ରିପୋର୍ଟ ଦାଖଲ କରେ ଏବଂ କୋର୍ଟ ସେହି ବ୍ୟକ୍ତିଙ୍କ ବିରୋଧରେ ନିଷ୍ପତ୍ତି ନିଅନ୍ତି କିମ୍ବା ତାଙ୍କୁ ଗିରଫ କରାଯାଏ, ତେବେ ସେହି ବ୍ୟକ୍ତି ନିଲମ୍ବିତ ହେବେ।

ନିକଟରେ ଅଭିନେତ୍ରୀ ରାଧିକା ସରଥକୁମାର ମଧ୍ୟ ଦାବି କରିଥିଲେ ମାଲାୟାଲମ୍ ଫିଲ୍ମର ସୁଟିଂ ସେଟ୍‌ରେ ଭ୍ୟାନିଟି ଭିତରେ ଲୁଚାଇ ରଖାଯାଇଥିବା କ୍ୟାମେରା ବ୍ୟବହାର କରି ତାଙ୍କ ଆପତ୍ତିଜନକ ଭିଡିଓ ରେକର୍ଡ କରାଯାଇଛି। ଅଭିନେତ୍ରୀ କହିଥିଲେ ସେ ପୁରୁଷ ଅଭିନେତାମାନଙ୍କୁ ମୋବାଇଲ୍ ଫୋନରେ ଏଭଳି ଭିଡିଓ ଦେଖୁଥିବାର ଦେଖିଛନ୍ତି, ସେମାନେ ମହିଳାଙ୍କ ପୋଷାକ ବଦଳାଇବାର ଭିଡିଓ ଦେଖୁଛନ୍ତି।

ଅଧିକ ପଢ଼ନ୍ତୁ: ଆଗେ ନିର୍ଦ୍ଦେଶକ ପରେ ଖଳନାୟକ

ଜଷ୍ଟିସ ହେମା କମିଟି ରିପୋର୍ଟ ଆସିବା ପରେ ଗୋଟିଏ କିମ୍ବା ଦୁଇଟି ନୁହେଁ ବରଂ ଅନେକ ବଡ ନାମ ସାମ୍ନାକୁ ଆସିଛି, ଯେଉଁଥିରେ ରଣଜିତ୍, ମୋହନଲାଲ, ଜୟସୁରିଆ ଭଳି ଅନେକ ବଡ଼ ବଡ଼ ନାମ ଅନ୍ତର୍ଭୁକ୍ତ ରହିଛି।

ଅଧିକ ପଢ଼ନ୍ତୁ: ରୁଷିଆ ଆଭ୍ୟନ୍ତରରେ ଆକ୍ରମଣ ପାଇଁ ଆମେରିକା ଅନୁମୋଦନ ଲୋଡିଲେ ଜେଲେନସ୍କି