'ମେରେ ହଜ୍‌ବେଣ୍ଡ୍‌ କି ବିବି'ର ଟ୍ରେଲର: ଅର୍ଜୁନ କପୁର ପତ୍ନୀ ଏବଂ ଗର୍ଲଫ୍ରେଣ୍ଡ ମଧ୍ୟରେ ଫଶି ରହିଛନ୍ତି

ମୁମ୍ବାଇ: ଅର୍ଜୁନ କପୁର, ଭୂମି ପେଡନେକର ଏବଂ ରାକୁଲ ପ୍ରୀତ ସିଂ ଖୁବ୍ ଶୀଘ୍ର ରୋମାଣ୍ଟିକ୍ କମେଡି ଫିଲ୍ମ 'ମେରେ ହଜ୍‌ବେଣ୍ଡ୍‌ କି ବିବି'ରେ ନଜର ଆସିବେ। ନିର୍ମାତା ଶନିବାର ଟ୍ରେଲର ରିଲିଜ୍ କରି ଦର୍ଶକଙ୍କୁ ଫିଲ୍ମର ଏକ ବିଶେଷ ଝଲକ ଦେଇଛନ୍ତି।

ନିକଟରେ ଅର୍ଜୁନ କପୁର 'ସିଙ୍ଘମ୍ ଏଗେନ' ସହିତ ପ୍ରତ୍ୟାବର୍ତ୍ତନ କରିଥିଲେ। ଏବେ ତାଙ୍କ ପ୍ରଶଂସକମାନେ ତାଙ୍କୁ ଏକ କମେଡି ଫିଲ୍ମରେ ଦେଖିବାକୁ ବେଶ୍ ଉତ୍ସାହିତ ଅଛନ୍ତି।

ଫିଲ୍ମର ଟ୍ରେଲର ଅନୁଯାୟୀ, ଫିଲ୍ମର କାହାଣୀ 'ଲଭ୍ ଟ୍ରାଙ୍ଗେଲ୍ ବଦଳରେ ଏକ ଲଭ୍ ସର୍କଲ ପାଲଟିଛି। ଅର୍ଜୁନ କପୁର ଭୂମି ପେଡନେକର ଏବଂ ରାକୁଲ ପ୍ରୀତ ସିଂଙ୍କ ମଧ୍ୟରେ ଫଶି ରହିଛନ୍ତି। ଫିଲ୍ମଟି ହସ ଏବଂ ଥଟ୍ଟା ମଧ୍ୟରେ ଭରପୂର ରହିଛି। ଏହି ଚଳଚ୍ଚିତ୍ରରେ ହର୍ଷ ଗୁଜରାଲ ଏବଂ ଶକ୍ତି କପୁର ମଧ୍ୟ ଅଭିନୟ କରିଛନ୍ତି।

ଅଧିକ ପଢ଼ନ୍ତୁ: ୬.୮୧ ଲକ୍ଷ କୋଟିକୁ ବଢିଲା ପ୍ରତିରକ୍ଷା ବଜେଟ୍

ନିକଟରେ ଫିଲ୍ମର ପୋଷ୍ଟର ସେୟାର କରାଯାଇଥିଲା। ଅର୍ଜୁନ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ପୋଷ୍ଟର ସେୟାର କରି ଲେଖିଛନ୍ତି, 'ଟାଣ ... ଆହୁରି ଟାଣ !!! ଏହା ହସଭରା ଦଣ୍ଡ ଅଟେ ... ବିବାଦ ହେଉ କିମ୍ବା ସଂଘର୍ଷ ହେଉ, ୨୧ ଫେବୃଆରୀ ୨୦୨୫ରେ ପ୍ରେକ୍ଷାଳୟରେ ମୋ ଭଳି ଜଣେ ସାଧାରଣ ବ୍ୟକ୍ତିଙ୍କୁ 'ମେରେ ହଜ୍‌ବେଣ୍ଡ୍‌ କି ବିବି'ରେ ଦେଖିବାକୁ ମିଳିବ।ଭୂମି ପେଡେନକର ଏବଂ ରାକୁଲ ପ୍ରୀତ ସିଂ ମଧ୍ୟ ପୋଷ୍ଟର ସେୟାର କରିଛନ୍ତି।

ଅର୍ଜୁନ, ଭୂମି ଏବଂ ରାକୁଲଙ୍କ ଫିଲ୍ମ ଫେବୃଆରୀ ୨୧ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ପରବର୍ତ୍ତୀ ସମୟରେ ରାକୁଲ ପ୍ରୀତ ସିଂଙ୍କୁ 'ଦେ ଦେ ପ୍ୟାର ଦେ-୨'ରେ ଦେଖିବାକୁ ମିଳିବ। ଭୂମି ପରବର୍ତ୍ତୀ ସମୟରେ 'ଦଲଦଲ'ରେ ନଜର ଆସିବେ। ଯେଉଁଥିରେ ସେ ଜଣେ ପୁଲିସ ଭୂମିକାରେ ଅଭିନୟ କରୁଛନ୍ତି। ଏହି ୱେବ୍ ସିରିଜ୍ ଆସନ୍ତା ବର୍ଷ ଆମାଜନ ପ୍ରାଇମ୍ ଭିଡିଓରେ ଆସିବ।

ଅଧିକ ପଢ଼ନ୍ତୁ: କୁମ୍ଭମେଳାରୁ ଫେରୁଥିବାବେଳେ ନେପାଳ ପର୍ଯ୍ୟଟକଙ୍କ ଗାଡି ଦୁର୍ଘଟଣାଗ୍ରସ୍ତ