ମୋ ପୁଅକୁ ଖୁସି ଦେଇଛନ୍ତି ଶୋଭିତା; ବିବାହ ପୂର୍ବରୁ ଏଭଳି କହିଲେ ନାଗାର୍ଜୁନ

ନୂଆଦିଲ୍ଲୀ: ସାଉଥ ଷ୍ଟାର ନାଗା ଚୈତନ୍ୟ ଏବଂ ଶୋଭିତା ଧୁଲିପାଲା ଏବେ ଚର୍ଚ୍ଚାରେ ଅଛନ୍ତି। ଏହି ଦମ୍ପତି ସେମାନଙ୍କ ସମ୍ପର୍କକୁ ବହୁତ ଲୁଚାଇ ରଖିଥିବା ବେଳେ କିଛି ଦିନ ତଳେ ନିର୍ବନ୍ଧ କରି ନିଜ ସମ୍ପର୍କ ବିଷୟରେ ସମସ୍ତଙ୍କୁ ଜଣାଇଥିଲେ। ଅଗଷ୍ଟ ମାସ ଆରମ୍ଭରେ, ସେମାନେ ନିର୍ବନ୍ଧ କରି ପରସ୍ପରକୁ ଭଲ ପାଉଥିବା ବିଷୟରେ ସାର୍ବଜନୀନ କରିଥିଲେ। ନିର୍ବନ୍ଧ ପରେ ପ୍ରଶଂସକମାନେ ଏହି ଦମ୍ପତିଙ୍କ ବିବାହକୁ ଅପେକ୍ଷା କରିଛନ୍ତି। ଏବେ ଚୈତନ୍ୟ ଏବଂ ଶୋଭିତାଙ୍କ ବିବାହର ତାରିଖକୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ ଦୁହେଁ ଡିସେମ୍ବର ୪ରେ ବିବାହ କରିବେ ବୋଲି ଜଣାପଡିଛି | 

ଏମଧ୍ୟରେ ଚୈତନ୍ୟଙ୍କ ବାପା ତଥା ସାଉଥ ସୁପରଷ୍ଟାର ନାଗାର୍ଜୁନ ନିଜ ବୋହୂକୁ ନେଇ ଖୁସି ବ୍ୟକ୍ତ କରିଛନ୍ତି | ବୋହୂ ଶୋଭିତା ପୁଅକୁ ଖୁସି ଦେଇଥିବା କହିଛନ୍ତି ନାଗାର୍ଜୁନ | ତାଙ୍କ କହିବା ମୁତାବକ, "ମୁଁ ଶୋଭିତାଙ୍କୁ ବହୁତ ପୂର୍ବରୁ ଜାଣିଛି | ସେ ମୋ ପୁଅକୁ ଡେଟ କରିବା ପୂର୍ବରୁ ମୁଁ ତାଙ୍କୁ ଜାଣିଛି | ସେ ବହୁତ ଭଲ ଝିଅ ଏବଂ ନିଜ ହିସାବରେ ନିଜ ଜୀବନ ବଞ୍ଚିବାକୁ ସେ ଭଲପାନ୍ତି | ସେ କୌଣସି ପ୍ରକାରର ଚଳଚ୍ଚିତ୍ର କିମ୍ବା ଧାରାବାହିକ କରିପାରିଥାନ୍ତେ | କିନ୍ତୁ ସେ ନିଜ କ୍ୟାରିୟର ସହିତ କ'ଣ କରିବେ ତାହା ନିଜେ ସ୍ଥିର କରି ଏବେ ଆଗେଇ ଚାଲିଛନ୍ତି। ସେ ମୋ ପୁଅକୁ ବହୁତ ଖୁସି ଦେଇଛନ୍ତି | "