ଜୋମାଟୋ ଫୁଡ଼୍‍ ଡ଼େଲିଭରି ବଏଙ୍କ ଭିଡ଼ିଓ ଭାଇରାଲ ହେବା ପରେ ସମସ୍ତଙ୍କୁ ଏହି ପରାମର୍ଶ ଦେଲେ ସାଉଥ୍‌ ସୁପରଷ୍ଟାର ମହେଶ ବାବୁଙ୍କ ପତ୍ନୀ ଅଭିନେତ୍ରୀ ନମ୍ରତା

ନୂଆଦିଲ୍ଲୀ : କିଛି ଦିନ ତଳେ ଜୋମାଟୋ ଫୁଡ୍‍ ଡ଼େଲିଭରି ବଏଙ୍କ ଅସଲ କାର୍‌ନାମା ସମସ୍ତଙ୍କ ସାମ୍ନାକୁ ଆସିଥିଲା । ଡ଼େଲିଭର କରିବାକୁ ଥିବା ଖାଦ୍ୟାକୁ ଅଇଁଠା କରି ଖାଉଥିବାର ଦୃଶ୍ୟ ସୋସିଆଲ ମିଡ଼ିଆରେ ଖୁବ୍‌ ଭାଇରାଲ ହୋଇଥିଲା । ଯାହା ପରେ କମ୍ପାନୀ ତରଫରୁ ଉକ୍ତ ଡ଼େଲିଭରି ବଏକୁ ଚାକିରିରୁ ବାହାର କରି ଦିଆଯିବା ସହ ଆଗକୁ ଯେମିତି ଏଭଳି ଭୁଲ ନ ହୁଏ,ସେ ନେଇ କମ୍ପାନୀ ତରଫରୁ ଆଗକୁ ଟ୍ୟାମ୍ପର ପ୍ରୁଫ୍‌ ଟେପ୍‌ ଲଗାଯାଇ ଖାଦ୍ୟ ପ୍ୟାକ୍‌ କରାଯିବ ବୋଲି କୁହାଯାଇଥିଲା । ଏହି ଘଟଣାକୁ ନେଇ ମିଶ୍ର ପ୍ରତିକ୍ରିୟା ମିଳିଥିବା ବେଳେ ସାମ୍ନାକୁ ଆସିଛନ୍ତି ଅଭିନେତ୍ରୀ ତଥା ସାଉଥ୍‌ ସୁପରଷ୍ଟାର ମହେଶ ବାବୁଙ୍କ ଧର୍ମପତ୍ନୀ ନମ୍ରତା ଶିରୋଦକର ।

View this post on Instagram

It's really shocking how these reputed food delivery companies are functioning. People order food online expecting basic hygiene and this is how it is delivered?!!?! What about the work ethics of these delivery boys?? Looks like its time to think twice before opening that app & placing the order. I am definitely not gonna encourage my kids to order food online, I suggest even you guys don't! #thisisNOTCOOL

A post shared by Namrata Shirodkar (@namratashirodkar) on Dec 10, 2018 at 11:46pm PST

ଇନ୍‌ଷ୍ଟାଗ୍ରାମରେ ଜୋମାଟୋ ବଏଙ୍କ ଭିଡ଼ିଓ ସେୟାର କରି ଏହା ଜାଣି ଆଶ୍ଚର୍ଯ୍ୟ ହେଲି କି ଏଭଳି ବ୍ରାଣ୍ଡେଡ୍‌ ଫୁଡ଼୍‍ କମ୍ପାନୀମାନେ ଏଭଳି କାମ କରୁଛନ୍ତି । ଏଭଳି ଘଟଣା ପରେ ମୁଁ ମୋ ପିଲାମାନଙ୍କୁ କେବେ ହେଲେ ଅନ୍‌ଲାଇନ୍‌ ଖାଦ୍ୟ ଅର୍ଡ଼ର କରିବାକୁ ପ୍ରୋତ୍ସାହିତ କରିବି ନାହିଁ । ଆପଣମାନଙ୍କୁ ମଧ୍ୟ ଏପରି ନ କରିବା ପାଇଁ ମୁଁ ପରାମର୍ଶ ଦେଉଛି ।