ଏତେ କୋଟିର ମାଲିକ ବଲିଉଡ ସୁପରଷ୍ଟାର ମିଥୁନ ଚକ୍ରବର୍ତ୍ତୀ

କୋଲକାତା: ବଲିଉଡର ବରିଷ୍ଠ ଅଭିନେତା ମିଥୁନ ଚକ୍ରବର୍ତ୍ତୀ ତାଙ୍କ କ୍ୟାରିୟରରେ ଅନେକ ସୁପରହିଟ୍ ଚଳଚ୍ଚିତ୍ର ଦର୍ଶକଙ୍କୁ ଭେଟି ଦେଇଛନ୍ତି। ନିଜ ଅଭିନୟ ବଳରେ ସେ ଲୋକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି |  ନିଜର ଉଲ୍ଲେଖନୀୟ କ୍ୟାରିୟର ପାଇଁ ୭୪ବର୍ଷୀୟ ଅଭିନେତାଙ୍କୁ ବର୍ତ୍ତମାନ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯିବ | ସୂଚନା ଓ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏହା ଘୋଷଣା କରିଛନ୍ତି।

ଏତେ ବଡ଼ ପୁରସ୍କାରରେ ସମ୍ମାନିତ ହେବେ ବୋଲି ଘୋଷଣା କରାଯିବା ପରେ ଏବେ ଅଭିନେତାଙ୍କ ସମ୍ପତ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଜୁନ ୧୬, ୧୯୫୦ରେ ଜନ୍ମଗ୍ରହଣ କରିଥିବା ମିଥୁନଙ୍କ ପ୍ରକୃତ ନାମ ଗୌରଙ୍ଗ। ମିଥୁନ କେବଳ ଜଣେ ମହାନ ଅଭିନେତା ନୁହଁନ୍ତି, ଜଣେ ପାରଦର୍ଶୀ ବ୍ୟବସାୟୀ ମଧ୍ୟ | ତାଙ୍କର ଏକ ବଡ଼ ହୋଟେଲ ବ୍ୟବସାୟ ଅଛି | ତାଙ୍କର ଉଟିରେ ଏକ ବଡ ହୋଟେଲ ରହିଛି । ମିଥୁନ ଚକ୍ରବର୍ତ୍ତୀ ଚଳଚ୍ଚିତ୍ର, ବ୍ୟବସାୟ ତଥା ଅନ୍ୟାନ୍ୟ ନିବେଶ ମାଧ୍ୟମରେ ଏବେ ୪୦୦କୋଟି ଟଙ୍କାର ମାଲିକ  ହୋଇପାରିଥିବା ଜଣାଯାଇଛି। 

ମିଥୁନ ଚକ୍ରବର୍ତ୍ତୀଙ୍କର ମୁମ୍ବାଇ, ଉଟି ଓ କୋଲକାତା ଭଳି ସହରରେ ଅନେକ ସମ୍ପତ୍ତି ରହିଛି | ଏହା ସହ ମୁମ୍ବାଇରେ ଦୁଇଟି ବଙ୍ଗଳା ଅଛି | ଗୋଟିଏ ବାନ୍ଦ୍ରା ଏବଂ ଅନ୍ୟଟି ମଡ ଦ୍ୱୀପରେ | ଉଟିରେ ତାଙ୍କର ଏକ ଫାର୍ମହାଉସ୍ ଥିବା ସହ ମସିନାଗୁଡିରେ ତାଙ୍କର ୧୬ଟି କଟେଜ ଅଛି | ଏହା ସହ ମହୀସୁରରେ ତାଙ୍କର ୧୮ଟି କଟେଜ ଏବଂ ଅନେକ ରେଷ୍ଟୁରାଣ୍ଟ ଥିବା ଜଣାଯାଇଛି ।

ଏ ଖବର ପଢ଼ନ୍ତୁ- https://sambad.in/entertainment/mithun-chakraborty-breaks-silence-on-dadasaheb-phalke-award-win-7148170

ଏ ଖବର ପଢ଼ନ୍ତୁ- https://sambad.in/india-and-beyond/kathua-encounter-jammukashmir-police-headconstable-7169646