ହୃଦଘାତର ଶିକାର ପରେ ଜୀବନକୁ ନେଇ ଭାବବିହ୍ବୋଳ ପୋଷ୍ଟ କ‌ଲେ ଆସିଫ

ନୂଆଦିଲ୍ଲୀ:'ପଞ୍ଚାୟତ' ଧାରାବାହିକ ଜରିଆରେ ପ୍ରତ୍ୟେକ ଘରେ ପରିଚୟ ହାସଲ କରିଥିବା ଅଭିନେତା ଆସିଫ ଖାନ ଗତସୋମବାର ରାତିରେ ହୃଦଘାତର ଶିକାର ହୋଇଥିଲେ। ସଙ୍ଗେସଙ୍ଗେ ଅଭିନେତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସା ପରେ ଆସିଫ ଖାନଙ୍କ ସ୍ବାସ୍ଥାବସ୍ଥାରେ ସୁଧାର ଆସୁଛି।  ପ୍ରଶଂସକମାନେ ଆସିଫ ଖାନଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରିଛନ୍ତି।  

ଅସୁସ୍ଥ ହେବା ପରେ ଆସିଫ ଖାନ ତାଙ୍କ ଇନଷ୍ଟାଗ୍ରାମରେ ଏକ ବାର୍ତ୍ତା ମଧ୍ୟ ସେୟାର କରିଛନ୍ତି । ଯେଉଁଥିରେ ସେ ଜୀବନକୁ ହାଲୁକା ଭାବରେ ନ ନେବା ଏବଂ ପ୍ରତ୍ୟେକ ମୁହୂର୍ତ୍ତକୁ ଉପଭୋଗ କରିବା ବିଷୟରେ ସୂଚିତ କରିଛନ୍ତି। 

ସେ ଲେଖିଛନ୍ତି, 'ଗତ୩୬ ଘଣ୍ଟା ଧରି ଏହାକୁ ଦେଖିବା ପରେ, ମୁଁ ଅନୁଭବ କରିଛି।' ଜୀବନ ଛୋଟ, ଗୋଟିଏ ଦିନକୁ ମଧ୍ୟ ହାଲୁକା ଭାବରେ ନିଅ ନାହିଁ, ସବୁକିଛି ଗୋଟିଏ ମୁହୂର୍ତ୍ତରେ ପରିବର୍ତ୍ତନ ହୋଇପାରେ, ତୁମର ଯାହା ଅଛି ଏବଂ ତୁମେ କିଏ ତାହା ପାଇଁ କୃତଜ୍ଞ ହୁଅ। ମନେରଖ ଯେ ତୁମ ପାଇଁ କିଏ ଅଧିକ ଗୁରୁତ୍ୱପୂର୍ଣ୍ଣ ଏବଂ ସର୍ବଦା ସେମାନଙ୍କୁ ପ୍ରଶଂସା କର। ଜୀବନ ଏକ ଉପହାର। ଆମ ପାଖରେ ତାହା ଥିବାରୁ ଧନ୍ୟମନେ କରିବା ଉଚିତ।