ପୁତ୍ର ସନ୍ତାନର ମାତାପିତା ହେଲେ ସାଚେତ୍-ପରମ୍ପରା

ମୁମ୍ବାଇ: ପୁତ୍ର ସନ୍ତାନର ମାତାପିତା ହେଲେ ବଲିଉଡ କଣ୍ଠଶିଳ୍ପୀ ସାଚେତ୍ ଟଣ୍ଡନ-ପରମ୍ପରା ଠାକୁର। ବିବାହର ୪ବର୍ଷ ପରେ ଦୁହେଁ ମାତାପିତା ହୋଇଛନ୍ତି। ସୋସିଆଲ ମିଡିଆରେ ଏହି ଖୁସି ଖବର ଜଣାଇଛନ୍ତି ଦମ୍ପତ୍ତି। 

ଏହି ଖୁସି ଖବର ସେୟାର କରିବାକୁ ଯାଇ ସାଚେତ୍ ଏକ ପୋଷ୍ଟ ସେୟାର କରିଛନ୍ତି। ପୋଷ୍ଟରେ ଲେଖାଯାଇଛି ଯେ,  ମହାଦେବଙ୍କ କୃପାରୁ ଆମକୁ ଆଶୀର୍ବାଦ ଆକାରର ମିଳିଥିବା ପୁତ୍ର ସନ୍ତାନର ଆଗମନ ବିଷୟରେ ଘୋଷଣା କରି ବହୁତ ଖୁସି। ଏହି ଖୁସିର ସମୟରେ ଆମେ ଆପଣଙ୍କ ଆଶୀର୍ବାଦ ଏବଂ ଶୁଭେଚ୍ଛା ଚାହୁଛୁ। 

ସାଚେତ-ପରମ୍ପରାଙ୍କ ପ୍ରେମ କାହାଣୀ ବିଷୟରେ କହିବାକୁ ଗଲେ ଦୁହେଁ ପ୍ରଥମ ଥର ପାଇଁ ୨୦୧୫ରେ ଏକ ରିଆଲିଟି ଟିଭି ସୋ’ରେ ପରସ୍ପରକୁ ଭେଟିଥିଲେ। ସୋ’ରେ ପ୍ରତିଯୋଗୀ ଭାବରେ ଅଂଶଗ୍ରହଣ କରିଥିବା ସାଚେଟ୍ ଏବଂ ପରମ୍ପରାଙ୍କ ମଧ୍ୟରେ ସମୟ ସହ ଘନିଷ୍ଠତା ବଢ଼ିଥିଲା ​​| ପ୍ରାୟ ପାଞ୍ଚ ବର୍ଷ ପ୍ରେମ ସମ୍ପର୍କ ରଖିବା ପରେ ଦୁହେଁ ଡିସେମ୍ବର ୨୦୨୦ରେ ବିବାହ କରିଥିଲେ ଏବଂ ଚିରଦିନ ପାଇଁ ପରସ୍ପରର ହାତ ଧରିଥିଲେ। ଦୁହେଁ ପରିବାର ଏବଂ ଘନିଷ୍ଠ ବନ୍ଧୁମାନଙ୍କ ଉପସ୍ଥିତିରେ ବିବାହ କରିଥିବା ଦେଖାଯାଇଥିଲା। ଏବେ ବିବାହର ୪ବର୍ଷ ପରେ ଦୁହେଁ ମାତାପିତା ହୋଇଛନ୍ତି।