ପୁଷ୍ପା ୨ ରିଲିଜ୍ ପୂର୍ବରୁ ଅଧା ବଜେଟ୍ ଆୟ କଲା: ଓଟିଟି ଅଧିକାର...

ମୁମ୍ବାଇ: ‘ପୁଷ୍ପା - ଦି ରାଇଜ୍’ର ଧମାକାଦାର ସଫଳତା ପରେ ଦର୍ଶକମାନେ ଫିଲ୍ମର ସିକ୍ୱେଲ୍ 'ପୁଷ୍ପା ୨' କୁ ଉତ୍ସାହର ସହିତ ଅପେକ୍ଷା କରିଛନ୍ତି। ଆଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପୁଷ୍ପା ୨' ଚଳିତ ବର୍ଷ ପରଦାକୁ ଆସିବାକୁ ଯାଉଛି। ଚଳିତ ବର୍ଷ ଡିସେମ୍ବର ୬ ରେ ପ୍ରେକ୍ଷାଳୟରେ 'ପୁଷ୍ପା ୨' ମୁକ୍ତିଲାଭ କରିବ। କିନ୍ତୁ ଫିଲ୍ମର ଓଟିଟି ଅଧିକାର ରିଲିଜ୍ ହେବାର କିଛି ମାସ ପୂର୍ବରୁ ବିକ୍ରି ହୋଇସାରିଛି ଏବଂ 'ପୁଷ୍ପା ୨' ଏହି ଡିଲ୍ ସହିତ ବଜେଟର ଅଧା ଆୟ କରି ନେଇଛି।

ଡିଜିଟାଲ୍ ପ୍ଲାଟଫର୍ମ ନେଟଫ୍ଲିକ୍ସ ଦ୍ୱାରା 'ପୁଷ୍ପା ୨'ର ଓଟିଟି ଅଧିକାର କ୍ରୟ କରାଯାଇଛି। ଫିଲ୍ମର ନିର୍ମାତା ଏବଂ ନେଟଫ୍ଲିକ୍ସ ମଧ୍ୟରେ କୋଟି କୋଟି ଟଙ୍କା ମୂଲ୍ୟର ଚୁକ୍ତି ସ୍ୱାକ୍ଷରିତ ହୋଇଛି। ମିଡ଼ିଆ ରିପୋର୍ଟ ଅନୁଯାୟୀ, ଆଲୁ ଅର୍ଜୁନଙ୍କ ଅଭିନୀତ ଏହି ବହୁ ପ୍ରତୀକ୍ଷିତ ସିକ୍ୱେଲ ଫିଲ୍ମ ପାଇଁ ନେଟଫ୍ଲିକ୍ସ ନିର୍ମାତାଙ୍କୁ ୨୭୦ କୋଟି ଟଙ୍କା ଦେଇଛି। ଏହି ପରି ଭାବରେ, 'ପୁଷ୍ପା ୨' ଡିଜିଟାଲ୍ ଅଧିକାର ଦୃଷ୍ଟିରୁ ସବୁଠାରୁ ମହଙ୍ଗା ଭାରତୀୟ ଚଳଚ୍ଚିତ୍ର ତାଲିକାରେ ଯୋଗ ଦେଇଛି।

'ପୁଷ୍ପା ୨' ଓଟିଟି ଅଧିକାର ୨୭୦ କୋଟି ଟଙ୍କାରେ ବିକ୍ରୟ କରି ଏହାର ବଜେଟର ଅଧାରୁ ଅଧିକଆୟ କରିଛି। ବାସ୍ତବରେ, ଅନେକ ଗଣମାଧ୍ୟମର ରିପୋର୍ଟ ଅନୁଯାୟୀ, ଫିଲ୍ମର ବଜେଟ୍ ପ୍ରାୟ ୫୦୦ କୋଟି ଟଙ୍କା ରହିଛି।

ଅଲୁ ଅର୍ଜୁନଙ୍କ 'ପୁଷ୍ପା ୨' ଓଟିଟିରେ ବିକ୍ରି ହୋଇଥିବା ଚତୁର୍ଥ ମହଙ୍ଗା ଭାରତୀୟ ଚଳଚ୍ଚିତ୍ର ହୋଇଛି। ଏହାପୂର୍ବରୁ, 'କେଜିଏଫ୍ ଚାପ୍ଟର-୨' ତିନି ନମ୍ବରରେ ଅଛି, ଯାହାର ଅଧିକାର ପ୍ରାଇମ୍ ଭିଡିଓ ଦ୍ୱାରା ୩୨୦କୋଟି ଟଙ୍କାରେ କିଣାଯାଇଥିଲା। ଫିଲ୍ମ 'କଲ୍କି ୨୮୯୮ ଏଡି' ଦ୍ୱିତୀୟ ନମ୍ବରରେ ଅଛି। ପ୍ରଭାସଙ୍କ ଫିଲ୍ମକୁ ଦୁଇଟି ଓଟିଟି ପ୍ଲାଟଫର୍ମ ନେଟଫ୍ଲିକ୍ସ ୧୭୫ କୋଟି  ଏବଂ ପ୍ରାଇମ ଭିଡିଓ ୨୦୦ କୋଟି ଟଙ୍କାରେ ମିଳିତ ଭାବରେ ୩୭୫କୋଟିରେ କିଣିଥିଲେ। ପ୍ରଥମ ସ୍ଥାନରେ 'ଆରଆରଆର' ରହିଛି। ଯାହାର ଅଧିକାର ନେଟଫ୍ଲିକ୍ସ, ଜି-୫ ଏବଂ ହଟଷ୍ଟାର ମୋଟ ୩୮୫ କୋଟି ଟଙ୍କାରେ କିଣିଥିଲେ।

ଅଧିକ ପଢ଼ନ୍ତୁ: କାମାକ୍ଷା ମନ୍ଦିରରେ ବଳିପ୍ରଥା ବନ୍ଦ ହେବ କି? ବିଜେପିକୁ ଘେରିଲେ ସହଯୋଗୀ

ସୁକୁମାରଙ୍କ ନିର୍ଦ୍ଦେଶିତ 'ପୁଷ୍ପା ୨' ପୂର୍ବରୁ ଅଗଷ୍ଟ ୧୫ରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଥିଲା। ତେବେ ପରେ ଫିଲ୍ମର ରିଲିଜ୍ ତାରିଖକୁ ସ୍ଥଗିତ ରଖାଯାଇଥିଲା। ଫିଲ୍ମର ଟାଇଟଲ୍ ଗୀତ ଏବଂ 'ଅଙ୍ଗାରୋ' ରିଲିଜ୍ ହୋଇ ସାରିଛି। ଯାହାକୁ ଦର୍ଶକ ବହୁତ ପସନ୍ଦ କରିଛନ୍ତି। ଏବେ ଦର୍ଶକ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି।

ଅଧିକ ପଢ଼ନ୍ତୁ: ଗେଟୱେ ଅଫ୍ ଇଣ୍ଡିଆ ଦେଖି ପାରିବେନି ପର୍ଯ୍ୟଟକ!: ଏହା ହେଉଛି ବଡ଼ କାରଣ