ସରୋଜ ଖାନ୍‌ଙ୍କ ଏହି ଭାବବିହ୍ଵଳ ଶେଷ ପୋଷ୍ଟ ଥିଲା ସୁଶାନ୍ତଙ୍କ ନାମରେ

ନୂଆଦିଲ୍ଲୀ: ବଲିଉଡର ପ୍ରସିଦ୍ଧ କୋରିଓଗ୍ରାଫର ସରୋଜ ଖାନ ଆଉ ଆମ ଗହଣରେ ନାହାନ୍ତି। ଗତକାଲି ବିଳମ୍ବିତ ରାତିରେ ମୁମ୍ବାଇରେ ସରୋଜ ଖାନଙ୍କ ହୃଦ୍‌ଘାତରେ ମୃତ୍ୟୁ ହୋଇଯାଇଛି। ନିଶ୍ୱାସ ନେବାରେ ଅସୁବିଧା ହେବାରୁ ତାଙ୍କୁ ଜୁନ୍‌ ୨୦ରେ ବାନ୍ଦ୍ରା ଗୁରୁ ନାନକ ହସ୍ପିଟାଲରେ ଭର୍ତ୍ତି କରାଯାଇଥିଲା। ସରୋଜଙ୍କ ମୃତ୍ୟୁ ପରେ ଏକ ଖବର ଆସିଛି କି ଖାନଙ୍କ ଶେଷ ଇନଷ୍ଟାଗ୍ରାମ ପୋଷ୍ଟ ସ୍ୱର୍ଗତଃ ଅଭିନେତା ସୁଶାନ୍ତ ସିଂ ରାଜପୁତଙ୍କ ନାମରେ ଥିଲା। ସରୋଜ ଖାନଙ୍କ ଏହି ଶେଷ ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

Bollywood Bubble

କୋରିଓଗ୍ରାଫର ସରୋଜ ଖାନ ଇନଷ୍ଟାଗ୍ରାମରେ ସୁଶାନ୍ତଙ୍କ ଏକ ଫଟୋ ସେୟାର କରି ଲେଖିଥିଲେ, ‘ମୁଁ ତୁମ ସହ କେବେ କାମ କରି ନ ଥିଲି, କିନ୍ତୁ ଆମେ ଅନେକ ଥର ଭେଟାଭେଟି ହୋଇଛୁ। ତୁମ ଜୀବନରେ କ’ଣ ଭୁଲ୍‌ ଥିଲା? ତୁମେ ତୁମ ଜୀବନରେ ଏପରି ଏକ କଠୋର ପଦକ୍ଷେପ ଉଠାଇଥିବା କଥା ଶୁଣି ମୁଁ ଆଶ୍ଚର୍ଯ୍ୟ ହୋଇଯାଇଥିଲି। ତୁମ ଜୀବନରେ ଯଦି କିଛି ଅସୁବିଧା ଥିଲା ତେବେ ସେହି ପ୍ରସଙ୍ଗରେ ଜଣେ ବୃଦ୍ଧ ବ୍ୟକ୍ତିଙ୍କ ସହ କଥା ହୋଇପାରି ଥାଆନ୍ତ। ଯିଏ କି ତୁମକୁ ସାହାଯ୍ୟ କରିପାରି ଥାଆନ୍ତେ। ଭଗବାନ ତୁମର ଆତ୍ମାକୁ ଶାନ୍ତି ଦିଅନ୍ତୁ । ମୁଁ ଜାଣେ ନାହିଁ କି ଏହି ସମୟରେ ତୁମର ପିତା ଏବଂ ଭଉଣୀ କିପରି ଅଛନ୍ତି। ମୁଁ ତୁମର ସମସ୍ତ ଚଳଚ୍ଚିତ୍ରକୁ ଭଲ ପାଏ ଏବଂ ତୁମକୁ ସବୁବେଳେ ଭଲ ପାଉଥିବି। ରିପ୍‌ ସୁଶାନ୍ତ।

View this post on Instagram

I had never worked with you @sushantsinghrajput but we have meet many times. What went wrong in your LIFE?I'm shocked that you took such a drastic step in your LIFE. You could have spoken to an Elder which could have helped YOU and would have kept us Happy looking at YOU. God bless your soul and I don't know what your Father and Sister's are going through. Condolences and Strength to them to go through this Time. I Loved you in all your Movies and will always Love you. R.I.P🙏🙏

A post shared by Saroj Khan (@sarojkhanofficial) on Jun 14, 2020 at 7:27am PDT

ସରୋଜ ଖାନ ୨୦୦ରୁ ଅଧିକ ଚଳଚ୍ଚିତ୍ର ପାଇଁ କୋରିଓଗ୍ରାଫି କରିଥିଲେ। ସରୋଜ ପ୍ରଥମେ ସହକାରୀ କୋରିଓଗ୍ରାଫର ଥିଲେ, କିନ୍ତୁ ସେ ୧୯୭୪ରେ ଚଳଚ୍ଚିତ୍ର ‘ଗୀତା ମେରା ନାମ’ରୁ କୋରିଓଗ୍ରାଫର ହୋଇଥିଲେ। ସେ ୧୯୮୬ ରୁ ୨୦୧୯ ପର୍ଯ୍ୟନ୍ତ ହଜାର ହଜାର ବଲିଉଡ ଚଳଚ୍ଚିତ୍ର ଗୀତରେ କୋରିଓଗ୍ରାଫ କରିଛନ୍ତି। ଏଥିମଧ୍ୟରୁ ‘ନିମ୍ବୁଡା-ନିମ୍ବୁଡା’, ‘ଏକ ଦୋ କିଶୋର’, ‘ଡୋଲା ରେ ଡୋଲା’, ‘କାଟେ ନାହି କାଟେ’, ‘ହାୱା-ହାୱାଇ’ ଭଳି ଅନେକ ସୁପରହିଟ୍‌ ଏବଂ ଆଇକନିକ୍‌ ଗୀତ ଅନ୍ତର୍ଭୁକ୍ତ ରହିଛି।