‘ପଠାନ୍‌’ର ସୁଟିଂ ଆରମ୍ଭ କରିବେ ଶାହରୁଖ୍‌

ଦୁଇବର୍ଷର ବିରତି ପରେ ଶାହରୁଖ୍‌ ଖାନ୍‌ ଫିଲ୍ମ ‘ପଠାନ୍‌’ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏହି ଚଳଚ୍ଚିତ୍ରରେ ଦୀପିକା ପାଦୁକୋନ୍‌ ଓ ଜନ୍‌ ଆବ୍ରାହମ ଅନ୍ୟ ପ୍ରମୁଖ ଭୂମିକାରେ ଅଭିନୟ କରିବେ। ଦୀପିକା ଓ ଜନ୍‌ ୨୦୨୧ ଜାନୁଆରିରୁ ସୁଟିଂ ସେଟ୍‌ରେ ସାମିଲ୍‌ ହେବେ।

ଶାହରୁଖଙ୍କ ଶେଷ ଫିଲ୍ମ ‘ଜିରୋ’ ୨୦୧୮ରେ ମୁକ୍ତିଲାଭ କରିଥିଲା। ସେଥିରେ ସେ ଅନୁଷ୍କା ଶର୍ମା ଓ କ୍ୟାଟ୍ରିନା କୈଫଙ୍କ ସହ ଅଭିନୟ କରିଥିଲେ। ମିଡ୍‌ ଡେର ରିପୋର୍ଟ ମୁତାବକ ଶାହରୁଖ୍‌ ସିଦ୍ଧାର୍ଥ ଆନନ୍ଦଙ୍କ ଚଳଚ୍ଚିତ୍ର ପଠାନ୍‌ର ସୁଟିଂକୁ ନଭେମ୍ବର ଶେଷ ଭାଗରେ ଓହ୍ଲାଇବେ। ପଠାନ୍‌ ଚଳଚ୍ଚିତ୍ର ଏକ ଷ୍ଟାଇଲିସ୍‌ ପ୍ରତିଶୋଧମୂଳକ ନାଟକୀୟ କଥାବସ୍ତୁ ଉପରେ ଆଧାରିତ।