୯୫ଦିନ ହେଲା ମନ୍ନତ ଆଗରେ ଅପେକ୍ଷା କରିଥିବା ପ୍ରଶଂସକଙ୍କୁ ଭେଟିଲେ ଶାହରୁଖ

ମୁମ୍ବାଇ: ବଲିଉଡର କିଙ୍ଗ ଶାହାରୁଖ ଖାନଙ୍କର ସମଗ୍ର ବିଶ୍ୱରେ କୋଟି କୋଟି ପ୍ରଶଂସକ ଅଛନ୍ତି। କିନ୍ତୁ ସେହି ପ୍ରଶଂସକମାନଙ୍କ ମଧ୍ୟରୁ କେତେକ ତାଙ୍କୁ ଏତେ ଭଲ ପାଆନ୍ତି ଯେ ସେମାନେ ତାଙ୍କୁ ଭେଟିବା ପାଇଁ ସମସ୍ତ ସୀମା ଅତିକ୍ରମ କରିଯାନ୍ତି | ଏବେ ସେଭଳି ଜଣେ ପ୍ରଶଂସକଙ୍କ ଖବର ସାମ୍ନାକୁ ଆସିଛି, ଯିଏ ଶାହରୁଖଙ୍କୁ ଭେଟିବା ପାଇଁ ୯୫ଦିନ ଯାଏ ଶାହରୁଖଙ୍କ ଘର ମନ୍ନତ ବାହାରେ ଅପେକ୍ଷା କରିଥିଲେ। ୯୫ଦିନର ଅପେକ୍ଷା ପରେ ଶେଷରେ ସେ ତାଙ୍କର ପ୍ରିୟ ଅଭିନେତାଙ୍କୁ ଭେଟିବାକୁ ସକ୍ଷମ ହୋଇଥିବା ଜଣାଯାଇଛି | ବର୍ତ୍ତମାନ ଶାହାରୁଖ ଖାନଙ୍କ ସହ ତାଙ୍କର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।

ନଭେମ୍ବର ୨ରେ ଶାହାରୁଖ ଖାନ ତାଙ୍କ ଜନ୍ମଦିନ ପାଳନ କରିଥିଲେ। ଜନ୍ମଦିନରେ ସେ ଦେଶ ତଥା ବିଦେଶର ପ୍ରଶଂସକଙ୍କଠାରୁ ଅନେକ ଶୁଭେଚ୍ଛା ଗ୍ରହଣ କରିଥିଲେ। କିନ୍ତୁ ୯୫ଦିନ ଧରି ଅପେକ୍ଷା କରିଥିବା ଏହି ପ୍ରଶଂସକ ଲାଇମଲାଇଟକୁ ଆସିଥିଲେ। ଯୁବକଜଣକ ନିଜର କମ୍ପ୍ୟୁଟର ସେଣ୍ଟର ବନ୍ଦ କରି ମୁମ୍ବାଇ ଆସିଥିଲେ ବୋଲି ଜଣାପଡ଼ିଛି। ଶାହରୁଖଙ୍କୁ ଭେଟିବା ଓ ତାଙ୍କ ସହ ଫଟୋ ଉଠାଇବା ପାଇଁ ଯୁବକଙ୍କର ଇଚ୍ଛା ଥିଲା, ଯାହା ଏବେ ପୂରଣ ହୋଇଛି।