ଇବ୍ରାହିମ୍‌ଙ୍କ ଡେବ୍ୟୁ ଫିଲ୍ମ ପସନ୍ଦ ଆସିନଥିବା କହିଲେ ଶର୍ମିଲା

ନୂଆଦିଲ୍ଲୀ: ୭୦ ଏବଂ ୮୦ ଦଶକର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜଣେ ହେଲେ ଶର୍ମିଲା ଟାଗୋର। ତାଙ୍କ ଅଭିନୟ ପାଇଁ ସେ କେବଳ ପ୍ରଶଂସକଙ୍କ ନୁହେଁ ବରଂ ନିର୍ମାତାଙ୍କର ମଧ୍ୟ ପ୍ରିୟ ଥିଲେ। 'ଆରାଧନା', 'ସତ୍ୟକାମ୍', 'ଅମର ପ୍ରେମ', 'ଛୋଟି ବାହୁ', 'ମୌସମ' ଭଳି ବ୍ଲକବଷ୍ଟର ଚଳଚ୍ଚିତ୍ରରେ କାମ କରିଥିବା ଶର୍ମିଲାଙ୍କ ପରିବାରରେ ମଧ୍ୟ ଅନେକ ତାରକା ଅଛନ୍ତି। ବୋହୂ-ପୁଅ ସୈଫ୍ ଓ କରୀନାଙ୍କ ପରେ, ଝିଅ ଏବଂ ଜ୍ୱାଇଁ ସୋହା-କୁନାଲ, ନାତୁଣୀ ସାରା ଅଲି ଖାନ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ ଏବଂ ନିଜ ଅଭିନୟ ଦ୍ୱାରା ଲୋକଙ୍କ ହୃଦୟରେ ନିଜର ସ୍ଥାନ ତିଆରି କରିଥିଲେ। ଅମୃତା ସିଂହଙ୍କ ପୁଅ ଅର୍ଥାତ୍ ଶର୍ମିଲା ଟାଗୋରଙ୍କ ବଡ଼ ନାତି ଇବ୍ରାହିମ୍ ଅଲ୍ଲୀ ଖାନ ମଧ୍ୟ ବଡ଼ ପରଦାରେ ଡେବ୍ୟୁ କରିଛନ୍ତି। ସେ 'ନାଦାନିଆଁ' ଚଳଚ୍ଚିତ୍ର ମାଧ୍ୟମରେ ଡେବ୍ୟୁ କରିଥିଲେ। ନାତିର ଡେବ୍ୟୁକୁ ନେଇ ଶର୍ମିଲା ଖୁସି ନଥିବା ସାମ୍ନାକୁ ଆସିଛି।

ସେ କହିଛନ୍ତି, "ଇବ୍ରାହିମଙ୍କ ଫିଲ୍ମ ଭଲ ନଥିଲା। କିନ୍ତୁ ସେ ବହୁତ ସୁନ୍ଦର ଦେଖାଯାଉଥିଲେ। ଇବ୍ରାହିମ ତାଙ୍କର ସର୍ବୋତ୍ତମ ଦେବାକୁ ଚେଷ୍ଟା କରିଥିଲେ। ଏହି କଥାଗୁଡ଼ିକ ସମସ୍ତଙ୍କ ସାମ୍ନାରେ କହିବା ଉଚିତ୍ ନୁହେଁ। କିନ୍ତୁ ସତ କହିବାକୁ ଗଲେ, ଫିଲ୍ମଟି ସେତେ ଭଲ ନଥିଲା। ଯାହା ହେଉନା କାହିଁକି, ଶେଷରେ ଫିଲ୍ମର କାହାଣୀ ଭଲ ହେବା ଉଚିତ ଏବଂ ତାହା ନଥିଲା।"