ସଡ଼କ ଦୁର୍ଘଟଣାରୁ ବର୍ତ୍ତିବା ପାଇଁ ସରକାରଙ୍କୁ ଏହି କାମ କରିବାକୁ କହିଲେ ସୋନୁ

ମୁମ୍ବାଇ: ମୁମ୍ବାଇରେ ଏକ ସଡ଼କ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁକୁ ନେଇ ବଲିଉଡ ଅଭିନେତା ସୋନୁ ସୁଦ୍ ଦୁଃଖ ପ୍ରକାଶ କରିଛନ୍ତି। ଯୁବକଙ୍କ କାର୍ ଡିଭାଇଡରରେ ପିଟି ହେବାରୁ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣା ପରେ ସୋନୁ ତାଙ୍କ ଏକ୍ସ ଆକାଉଣ୍ଟରେ ପୋଷ୍ଟ କରି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି। ଏହା ସହ ଏଭଳି ଦୁର୍ଘଟଣାକୁ ରୋକିବା ପାଇଁ ଆବଶ୍ୟକ ସୁରକ୍ଷା ବ୍ୟବସ୍ଥା ବିଷୟରେ ମଧ୍ୟ ସେ ଲେଖିଛନ୍ତି।

ତାଙ୍କ ପୋଷ୍ଟରେ ସେ ଲେଖିଛନ୍ତି ଯେ, ମୁମ୍ବାଇରେ ଏକ ଡିଭାଇଡର୍ ସହିତ ମୁହାଁମୁହିଁ ଧକ୍କା ହେବା ପରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଜାଣି ମୁଁ ଦୁଃଖିତ। ମୁଁ ଅନୁଭବ କରୁଛି ଯେ ଆମ ଦେଶର ପ୍ରତ୍ୟେକ ରାସ୍ତାରେ ଡିଭାଇଡର୍ ନରଖି ପଲିଥିଲିନ ପ୍ଲାଷ୍ଟିକରେ ନିର୍ମିତ କ୍ରାସ୍ ବ୍ୟାରିୟର ରଖାଯିବା ଉଚିତ୍। ଏଭଳି ହେଲେ ଆମେ ଲକ୍ଷ ଲକ୍ଷ ଲୋକଙ୍କ ଜୀବନ ରକ୍ଷା କରିପାରିବା | ପ୍ରତ୍ୟେକ ସଡକ ନିର୍ମାଣ ଚୁକ୍ତିରେ ଏହା ବାଧ୍ୟତାମୂଳକ କରାଯିବା ଉଚିତ୍ | ଜୟ ହିନ୍ଦ। ''