ଏହି ମାମଲାରେ ନିଜ କଥା ରଖି ନଥିଲେ ଶ୍ରୀଦେବୀ !

ମୁମ୍ବାଇ: ବଲିଉଡର ଜମ୍ପିଂଜ୍ୟାକ୍‌ ଜିତେନ୍ଦ୍ରଙ୍କ ସହ ବଲିଉଡ ଡିଭା ଶ୍ରୀଦେବୀ ସର୍ବପ୍ରଥମେ ହିମ୍ମତଓ୍ଵାଲାରେ ନଜର ଆସିଥିଲେ। ଏହାପରେ ଏହି ଯୋଡି ଲଗାତାର ପରଦାରେ ଆସିଥିଲେ।ଏହାକୁ ଉଭୟଙ୍କ ର ଲିଙ୍କ୍‌ଅପ୍‌ ବୋଲି କୁହାଗଲା । ଥରେ ସାମ୍ବାଦିକମାନେ ଯେତେବେଳେ ଏ ସଂପର୍କରେ ଶ୍ରୀଦେବୀଙ୍କୁ ପ୍ରଶ୍ନ କରିଥିଲେ ସେତେବେଳେ ଏହାକୁ ସେ ଖଣ୍ଡନ କରିଥିଲେ ଏବଂ କହିଥିଲେ ଯେ ଜିତେନ୍ଦ୍ର ଜଣେ ଭଲ କଳାକାର, ସେ ତାଙ୍କୁ ସବୁ ବେଳେ ସାହାଯ୍ୟ କରି ଆସିଛନ୍ତି ଓ ଜଣେ ବିବାହିତ ପୁରୁଷ ସହିତ ସେ ବା କାହିଁକି ସଂପର୍କ ରଖିବେ ।

ସେ କୌଣସି ବିବାହିତ ପୁରୁଷର ପତ୍ନୀ ହେବେ ନାହିଁ, କି କାହାର ଦ୍ୱିତୀୟ ପତ୍ନୀ ହେବେ ନାହିଁ ବୋଲି ଦୃଢ଼ୋକ୍ତି କରିଥିଲେ ଶ୍ରୀଦେବୀ। ହେଲେ ନିଜର ଏ କଥାକୁ ଭୁଲି ଯାଇଥିଲେ ସେ । କାରଣ ସେ ଜଣେ ବିବାହିତ ପୁରୁଷ ପ୍ରଯୋଜକ ବୋନି କପୁରଙ୍କୁ ବିବାହ କରିଥିଲେ। ଏଭଳି ଜଣେ ବିବାହିତ ପୁରୁଷଙ୍କୁ ଶ୍ରୀଦେବୀଙ୍କ ଭଳି ଟପ୍‌ ହିରୋଇନ୍‌ ଯେ ବିବାହ କରିବେ, ତାହା କେହି ଭାବି ବି ନଥିଲେ । ବୋନି କପୁର ଶ୍ରୀଦେବୀଙ୍କଠାରୁ ବୟସରେ ପ୍ରାୟ ୮ ବର୍ଷ ବଡ଼ ।