ଫାର୍ମ ହାଉସରୁ ମିଳିଲା ସୁଶାନ୍ତଙ୍କ ହାତଲେଖା ନୋଟ୍; ପର୍ଦ୍ଦାଫାସ୍ ହେଲା ଅନେକ ଅଜଣା କଥା, ପଢ଼ନ୍ତୁ କ’ଣ ଲେଖାଥି‌ଲା ସେଥିରେ....

ନୂଆଦିଲ୍ଲୀ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ତିନି ମାସ ବିତିଗଲାଣି, କିନ୍ତୁ ଅଭିନେତାଙ୍କ ଜୀବନ ସହ ଜଡିତ ଅନେକ ରହସ୍ୟ ଧୀ‌ରେଧୀରେ ସାମ୍ନାକୁ ଆସୁଛି। ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଉଛି। ତେବେ ସୁଶାନ୍ତଙ୍କ ଏକ ନୋଟ୍ ମିଳିଛି। ଯାହାକୁ ସେ ତାଙ୍କ ପଭନା ଫାର୍ମ ହାଉସରେ ଥିବା ବେଳେ ସେ ଲେଖିଥିଲେ | ଏପ୍ରିଲ୍ ୨୭ର ଏହି ନୋଟଗୁଡିକୁ ଦେଖିଲେ ଅନୁମାନ କରାଯାଉଛି କି ସୁଶାନ୍ତ ଧୂମପାନ ଛାଡ଼ି ତାଙ୍କ କ୍ୟାରିୟର ଉପରେ ଧ୍ୟାନ ଦେବାକୁ ଚାହୁଁଥିଲେ | ତାଙ୍କୁ ‘କେଦାରନାଥ’ର ସ୍କ୍ରିପ୍ଟ ପଢ଼ିବାକୁ ଥିଲା, କ୍ରିତି ସାନନଙ୍କ ସହ ସମୟ ବିତାଇବାର ଥିଲା | ଏହିପରି ଅନେକ କଥା ଏହି ନୋଟରେ ଲେଖାଯାଇଛି । ଏଥିରୁ ବୁଝା ପଡୁଛି ଯେ ରିୟା ଆସିବା ପୂର୍ବରୁ ସୁଶାନ୍ତ ଏକ ସାଧାରଣ ଜୀବନଯାପନ କରୁଥିଲେ।

ମିଳିଥିବା ଏହି ନୋଟଗୁଡିକ ୨୦୧୮ ବର୍ଷର ଅଟେ। ଯେତେବେଳେ ସୁଶାନ୍ତ ରିୟାଙ୍କୁ ମଧ୍ୟ ଭେଟି ନ ଥିଲେ | ସେପର୍ଯ୍ୟନ୍ତ ସେ ଜଣେ କ୍ୟାରିୟର-କେନ୍ଦ୍ରିତ ମଣିଷ ଥିଲେ। ଯିଏ ନିଜର ପ୍ରାଥମିକତା ଉପରେ ଜୋର ଦେଉଥିଲେ | ଏପ୍ରିଲ୍ ୨୭ର ଏକ ନୋଟ୍ ଅନୁଯାୟୀ ସୁଶାନ୍ତଙ୍କୁ ସକାଳ ୨.୩୦ରେ ଉଠିବାର ଥିଲା। ତା’ପରେ ସୁପର ମ୍ୟାନ୍ ଚା ’ ପିଇବାର ଥିଲା। କୋଲ୍ଡ ସାୱର କରିବାର ଥିଲା। ଏସବୁ ବ୍ୟତୀତ ସୁଶାନ୍ତ ଧୂମପାନ ଛାଡିବାକୁ ଚିନ୍ତା କରୁଥିଲେ। ଏସବୁ କଥା ନିଜେ ଭିତରେ ବହୁତ ଗୁରୁତ୍ୱପୂର୍ଣ୍ଣ ରହିଥିଲା। ୨୦୧୮ ମସିହାରେ ସୁଶାନ୍ତ ସାରାଙ୍କ ସହ ‘କେଦାରନାଥ’ ଫିଲ୍ମରେ କାମ କରୁଥିଲେ। ଏହି ଚଳଚ୍ଚିତ୍ର ପୂର୍ବରୁ ସେ ଧୂମପାନ ଛାଡ଼ିବାର ନୀତି ଅନୁସରଣ କରୁଥିଲେ। ସେ ନିଜକୁ ଧୂମପାନରୁ ଦୂରେଇ ରଖିବାକୁ ଚାହୁଁଥିଲେ।

ଏସବୁ ବ୍ୟତୀତ ସୁଶାନ୍ତ ବୋଧହୁଏ ସେହି ସମୟରେ ଅଭିନେତ୍ରୀ କ୍ରିତି ସାନନଙ୍କ ନିକଟତର ଥିଲେ। ଫର୍ମ ହାଉସରେ ମିଳିଥିବା ନୋଟ ଅନୁଯାୟୀ ସୁଶାନ୍ତ କ୍ରିତିଙ୍କ ସହ ସମୟ ବିତାଇବାକୁ ଚାହୁଁଥିଲେ। ସେ ନିଜ ନୋଟରେ ଏ ବିଷୟରେ ସ୍ପଷ୍ଟ ଭାବେ ଲେଖିଛନ୍ତି। ଏପରି ପରିସ୍ଥିତିରେ, ସେମାନଙ୍କର ସମ୍ପର୍କ ସ୍ଥିତିକୁ ନେଇ ଅନେକ ପ୍ରଶ୍ନ ଉଠିଥିଲା |

ମିଳିଥିବା ନୋଟକୁ ପଢ଼ିବା ପରେ ସୁଶାନ୍ତ ତାଙ୍କ ପରିବାର ସହିତ ଯୋଗାଯୋଗରେ ଥିଲେ | ସେ ପରିବାର ସହିତ ଭଲରେ ସମୟ ବିତାଇବାକୁ ଚାହୁଁଥିଲେ | ନୋଟରେ ଲେଖାଯାଇଛି ଯେ ସୁଶାନ୍ତଙ୍କୁ ତାଙ୍କ ଭଉଣୀ ପ୍ରିୟଙ୍କା ଏବଂ ଭିଣୋଇ ମହେଶଙ୍କ ସହ ଭ୍ରମଣରେ ଯିବାକୁ ଥିଲା। ଏସବୁ ଦର୍ଶାଉଛି କି ଅଭିନେତା ସେହି ସମୟ ପର୍ଯ୍ୟନ୍ତ ତାଙ୍କ ଭଉଣୀଙ୍କ ନିକଟତର ଥିଲେ |

ଯେବେଠାରୁ ଅଭିନେତାଙ୍କ ଜୀବନରେ ରିୟା ଆସିଛନ୍ତି ତା’ପରଠାରୁ ସୁଶାନ୍ତ ଓ ତାଙ୍କ ଅଭ୍ୟାସରେ ପରିବର୍ତ୍ତନ ହୋଇଥିଲା। ସେ ତାଙ୍କ ପରିବାର ଠାରୁ ଧୀରେଧୀରେ ଅଲଗା ହୋଇଯାଉଥିଲେ। ତେବେ ଏଭଳି ଅନେକ ନୋଟ ମିଳିଛି। ଏହି ନୋଟ ମିଳିବା ପରେ ସୁଶାନ୍ତଙ୍କ ଆତ୍ମହତ୍ୟା ଉପରୁ ପରଦା ଉଠିବ ବୋଲି ଅନେକ ଆଶାବାଦୀ ହୋଇ ଉଠିଛନ୍ତି।