/sambad/media/agency_attachments/2024-07-24t043029592z-sambad-original.webp)
/sambad/media/media_files/yicvIzRg9DjlTXSdfd95.jpg)
ନୂଆଦିଲ୍ଲୀ: ଜଷ୍ଟିସ ହେମା କମିଟି ରିପୋର୍ଟ ଆସିବା ପରେ ଦକ୍ଷିଣ ସିନେମାରେ ଉତ୍ତେଜନା ଦେଖାଦେଇଛି। ସରକାର ଗଠନ କରିଥିବା ଏହି କମିଟି ମଲୟାଲମ୍ ସିନେମାରେ ମହିଳାଙ୍କ ସହ ହୋଇଥିବା ଶାରୀରିକ ତଥା ମାନସିକ ଶୋଷଣର ରିପୋର୍ଟ ପ୍ରକାଶ କରିଛି। ସେବେଠାରୁ ଅନେକ ଅଭିନେତ୍ରୀ ଏବଂ ଅନ୍ୟ ମହିଳାମାନେ ଖୋଲାଖୋଲି ଭାବରେ ସାମ୍ନା କରିଥିବା ସମସ୍ୟା ବିଷୟରେ କହୁଛନ୍ତି। ମଲୟାଲମ୍ ସିନେମା ସହ ଜଡିତ ବହୁ ବଡ ଅଭିନେତା ଏବଂ ନିର୍ଦ୍ଦେଶକଙ୍କ ବିରୋଧରେ ଗୁରୁତର ଅଭିଯୋଗ ହୋଇଛି। ଏହି ସମୟରେ ତାମିଲ ଅଭିନେତା ନିଜ ଇଣ୍ଡଷ୍ଟ୍ରିରେ ବିଶାଲ ମହିଳାଙ୍କ ସୁରକ୍ଷା ବିଷୟରେ କହିଛନ୍ତି।
ଏକ ସାକ୍ଷାତକାରରେ ସେ କହିଛନ୍ତି ଯେ, "ମହିଳାମାନେ ଅସଦାଚରଣ କରୁଥିବା ବ୍ୟକ୍ତିଙ୍କୁ ଚାପୁଡ଼ା ମାରିବା ଉଚିତ୍ ଏବଂ ଯଦି ଅଭିଯୁକ୍ତ ଅଧିକ କିଛି କରିବାକୁ ଚେଷ୍ଟା କରେ ତେବେ ମହିଳାମାନେ ତୁରନ୍ତ ଅଭିଯୋଗ ଏହାର କରିବା ଉଚିତ୍ । ସେ ଏହା ମଧ୍ୟ କହିଛନ୍ତି ଯେ ତାମିଲନାଡୁର ଆକ୍ଟର୍ସ ଆସୋସିଏସନ ନାଦିଗର ସଙ୍ଗମ ଖୁବ ଶୀଘ୍ର ମହିଳା କଳାକାରଙ୍କୁ ସାହାଯ୍ୟ କରିବା ପାଇଁ ଏକ କମିଟି ଗଠନ କରିବେ ଯେଉଁଥିରେ ମହିଳା କଳାକାରମାନେ ନିଜର ଅଭିଯୋଗ ପଞ୍ଜିକରଣ କରିପାରିବେ ।"
ସେ ଆହୁରି କହିଛନ୍ତି ଯେ, "ଏହା କେବଳ ଫିଲ୍ମ ଇଣ୍ଡଷ୍ଟ୍ରିରେ ନୁହେଁ, ସବୁ ଇଣ୍ଡଷ୍ଟ୍ରିରେ ଘଟୁଛି। ଆଜିକାଲି ମହିଳାମାନଙ୍କ ସହ ଅସଦାଚରଣ ହେବା ଏକ ସାଧାରଣ ଜିନିଷ ହୋଇଯାଇଛି । ମହିଳା ଏବଂ ଝିଅମାନେ ଅନେକ କଷ୍ଟଦାୟକ ପରିସ୍ଥିତି ଦେଇ ଗତି କରନ୍ତି । ଅନେକ ଏ ବିଷୟରେ ମୁହଁ ଖୋଲି ପାରନ୍ତି ନାହିଁ । ହେମା କମିଟି ରିପୋର୍ଟ ଏବଂ ଏହି ଅଭିଯୋଗଗୁଡିକ ଉପରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ । ଏହି ଅଭିଯୋଗଗୁଡ଼ିକର ସତ୍ୟତା ମଧ୍ୟ ଅନୁସନ୍ଧାନ କରାଯିବା ଉଚିତ୍ । ଅନେକ ଲୋକ ଚର୍ଚ୍ଚାରେ ରହିବା ପାଇଁ ନକଲି ଅଭିଯୋଗ ମଧ୍ୟ କରନ୍ତି ।"
