ଯକୃତ ଅକାମୀ ହେବାରୁ ଚାଲିଗଲା ତାମିଲ ନିର୍ଦ୍ଦେଶକଙ୍କ ଜୀବନ

ଚେନ୍ନାଇ: ପରଲୋକରେ ଲୋକପ୍ରିୟ ତାମିଲ ନିର୍ଦ୍ଦେଶକ ସୁରେଶ ସଙ୍ଗୈୟା। ଚେନ୍ନାଇରେ ଶୁକ୍ରବାର ଦିନ ତାଙ୍କର ଦେହାନ୍ତ ହୋଇଛି। କୁହାଯାଉଛି ଯେ, ତାଙ୍କର ଯକୃତ ଅକାମୀ ହୋଇଯାଇଥିଲା। ଏଥିପାଇଁ ତାଙ୍କର ରାଜୀବ ଗାନ୍ଧୀ ହସ୍ପିଟାଲରେ ଚିକିତ୍ସା ଚାଲିଥିବା ବେଳେ ଶୁକ୍ରବାର ସେ ମୃତ୍ୟୁଠାରୁ ହାରି ଯାଇଥିଲେ। ସୁରେଶ ବିବାହିତ ହୋଇଥିବା ବେଳେ ତାଙ୍କ ୨ଟି ସନ୍ତାନ ଥିଲେ।

ସୁରେଶଙ୍କ ମୃତ୍ୟୁ ଖବରକୁ ସିନେମାଟୋଗ୍ରାଫର ସରନ ନିଶ୍ଚିତ କରିଛନ୍ତି। ଦୁହେଁ ତାମିଲ ଚଳଚ୍ଚିତ୍ର 'ଓରୁ କିଡାଏନ୍ କରୁଣାଇ ମନୁ'ରେ ଏକାଠି କାମ କରିଥିଲେ। ସୁରେଶଙ୍କ ଆକସ୍ମିକ ଦେହାନ୍ତ ତାମିଲ ଚଳଚ୍ଚିତ୍ର ଇଣ୍ଡଷ୍ଟ୍ରିକୁ ଆଶ୍ଚର୍ଯ୍ୟ କରିଛି। ଏହି ଖବର ପାଇ ସୁରେଶଙ୍କ ସାଥୀ ଶୋକପ୍ରକାଶ କରିଛନ୍ତି। ନିର୍ଦ୍ଦେଶକ ହଲିତା ଶମିମ ତାଙ୍କର ପ୍ରିୟ ବନ୍ଧୁଙ୍କୁ ମନେ ପକାଇ ଶୋକ କରିବା ସହ ଏକ୍ସରେ ଲେଖିଛନ୍ତି, ସୁରେଶଙ୍କ ପରଲୋକ ବିଷୟରେ ଶୁଣି ଆଶ୍ଚର୍ଯ୍ୟ ଏବଂ ଦୁଃଖିତ | ମୋ ପାଇଁ ସର୍ବଦା ଫିଲ୍ମ 'ଓରୁ କିଡାଏନ୍ କରୁଣାଇ ମନୁ' ଏକ ମୂଲ୍ୟବାନ ଚଳଚ୍ଚିତ୍ର ହୋଇ ରହିଆସିଛି ଏବଂ ଏବେ ଏହାର ଗୁରୁତ୍ବ ବଢ଼ିଛି ।