The story of a couple: ପଚିଶର ଯୋଡ଼ି କାହାଣୀ

ଶିବଶଙ୍କର ଓଝା

୨୦୨୫ରେ ଅନେକ ନୂଆଯୋଡ଼ିଙ୍କୁ ବଡ଼ ପରଦାରେ ଦେଖିବାକୁ ପାଇଛନ୍ତି ଦର୍ଶକ। ପୁଣି କେତେକ ଯୋଡ଼ି ଚଳିତବର୍ଷ ଫେରିଛନ୍ତି। ଆଉ ଦେଢ଼ସପ୍ତାହ ପରେ ସରିବ ବର୍ଷ ୨୦୨୫। ବେଶ୍‌ ଘଟଣାବହୁଳ ଥିବା ବିଦାୟୀ ବର୍ଷରେ ଓଡ଼ିଆ ଦର୍ଶକ ନାୟକ-ନାୟିକାଙ୍କ ଅନେକ ନୂଆ ଯୋଡ଼ିଙ୍କୁ ପରଦାରେ ଭେଟିଛନ୍ତି। କେଉଁ ଯୋଡ଼ିକୁ ଭଲପାଇବା ଦେଇଛନ୍ତି ତ କାହାକୁ ପସନ୍ଦ କରିନାହାନ୍ତି। ୨୦୨୫ର ଅନ୍ୟତମ ଚର୍ଚ୍ଚିତ ସିନେମା ‘ଚାରିଧାମ’ରେ ପ୍ରଥମଥର ନଜର ଆସିଛନ୍ତି ଅନୁଭବ-ଅନୁରାଧା ଯୋଡ଼ି। ତେଣେ ‘ଅନନ୍ତା’ରେ ପ୍ରଥମଥର ଲାଗି ସବ୍ୟସାଚୀଙ୍କ ସହ ନଜର ଆସିଛନ୍ତି ସୂର୍ଯ୍ୟମୟୀ। ଠିକ୍ ସେହିପରି ଏ ବର୍ଷ ନାୟିକା ସୂର୍ଯ୍ୟମୟୀ ଅଭିଷେକ ଗିରିଙ୍କ ବିପକ୍ଷରେ ‘ଭାବାନ୍ତର’, ଅଂଶୁମାନଙ୍କ ବିପକ୍ଷରେ ‘ଶ୍ରୀଜଗନ୍ନାଥଙ୍କ ନବକଳେବର’ ଓ ମଣ୍ଟୁଙ୍କ ବିପକ୍ଷରେ ‘ରଙ୍ଗଶୂର’ରେ ପ୍ରଥମଥର ଅଭିନୟ କରିଛନ୍ତି। ୨୦୨୫ ବର୍ଷର ଅନ୍ୟତମ ଚର୍ଚ୍ଚିତ ସିନେମା ‘ଚ୍ୟାଲେଞ୍ଜ୍‌’ରେ ନୂଆଯୋଡ଼ି ଅର୍ଦ୍ଧେନ୍ଦୁ-ଏଲିନାଙ୍କୁ ଦେଖିବାକୁ ମିଳିଛି। ସେହିପରି ‘ଶ୍ରୀଜଗନ୍ନାଥଙ୍କ ନବକଳେବର’ରେ ଜ୍ୟୋତି-ଶିବାନୀଙ୍କ ଯୋଡ଼ି ବି ଦର୍ଶକଙ୍କ ପାଇଁ ନୂଆ। ରୋମାଣ୍ଟିକ୍ ଫିଲ୍ମ ‘ମିଶିରି’ରେ ବିଭାସ-ରୂପଶ୍ରୀ ଥିଲେ ନୂଆଯୋଡ଼ି। ‘ଆଜିର ରେବତୀ’ରେ ବଙ୍ଗୀୟ ନାୟକ ବନି ସେନଗୁପ୍ତା ଓ ଶୀତଲଙ୍କ ନୂଆଯୋଡ଼ି ବି ନଜର ଆସିଛନ୍ତି। 

UAE Floods: ଅବିଶ୍ରାନ୍ତ ବର୍ଷା ପରେ ୟୁଏଇରେ ବନ୍ୟା ପରିସ୍ଥିତି: ବୁଡ଼ିଲା ରାସ୍ତା, ବିମାନ ବାତିଲ, ଜଳବନ୍ଦୀ ଜୀବନ…

ଏତିକି ନୁହେଁ, ‘ଦର୍ପଣ’ରେ ଅଙ୍କିତ-ତୃପ୍ତି ମୀରାମ୍ବିକା ଓ ଭାରତ-ହିରଣ୍ମୟୀଙ୍କ ପରି ଦୁଇଟି ନୂଆଯୋଡ଼ିକୁ ଦର୍ଶକ ପସନ୍ଦ କରିଛନ୍ତି। ଠିକ୍ ସେହିପରି ‘ଡଷ୍ଟ୍‌ବିନ୍’ରେ ପ୍ରଥମଥର ପାଇଁ ପପୁ ପମ୍‌ପମ୍-ପ୍ରାଚୀ ଓ ‘ଆଇ ଆମ୍ କାଳିଆ’ରେ ହରି-ଅନିୟା ଆଣ୍ଡ୍ରିଭା ଯୋଡ଼ିଙ୍କୁ ଦେଖିବାକୁ ମିଳିଛି। ତେଣେ ‘ଶମ୍ଭୁ’ରେ ଶୁଭମ୍-ତମନ୍ନାଙ୍କ ଯୋଡ଼ିକୁ ପ୍ରଥମଥର ଲାଗି ଭେଟିଛନ୍ତି ଦର୍ଶକ। ‘ସାର୍’ରେ ଅଭିଷେକ ରଥ-ଅର୍ଲିନ୍‌ ଅଙ୍କିତାଙ୍କ ନୂଆଯୋଡ଼ି ପରଦାକୁ ଆସିଥିବା ବେଳେ ‘ରାକେଟ୍’ରେ ଦୁଷ୍ମନ୍ତ-ଅର୍ଲିନ୍ ଅଙ୍କିତା ଓ ହେମନ୍ତ ପାତ୍ର-ନମ୍ରତା ଥାପ୍ପାଙ୍କ ଯୋଡ଼ି ଅଭିନୟ କରିଛନ୍ତି। ଏଣେ ‘ବାସ୍ତବ’ରେ ତୁଷାର ବେଦୀ ଓ ଅଙ୍କିତା ଦାଶଙ୍କ ଯୋଡ଼ି ବି ଆସିଛନ୍ତି।

MDM: ମଧ୍ୟାହ୍‌ଣ ଭୋଜନ ହେଲା ପିଏମ୍‌ ପୋଷଣ, ସୁଧୁରିନି ଭିତ୍ତିଭୂମି

ବର୍ଷର ଅନ୍ୟତମ ଚର୍ଚ୍ଚିତ ସିନେମା ‘ପାଦେ ଆକାଶ’ରେ ପ୍ରଥମଥର ପାଇଁ ଅଙ୍କିତ କୁମାର-ଅର୍ଚ୍ଚିତାଙ୍କ ଯୋଡ଼ି ନଜର ଆସିଛନ୍ତି। ଏଣେ ‘ଆଞ୍ଜେଲ୍’ରେ ପାର୍ଥ-କାବ୍ୟାକିରଣ, ‘ସନାତନୀ’ରେ ସମ୍ବିତ-ଅର୍ଲିନ୍ ଅଙ୍କିତା, ‘ଶିମ‌ଲୀ’ରେ ମନୋଜ ରାଉତ-ଲିପିକା ଓ ‘ତୋର ମୋର ପ୍ରେମ’ରେ ତୁଷାର ଓ ପୁଣ୍ୟତୋୟାଙ୍କ ଯୋଡ଼ି ପ୍ରଥମଥର ଦେଖିବାକୁ ମିଳିଛନ୍ତି ବଡ଼ ପରଦାରେ। ଆଗାମୀ ୩୧ରେ ରିଲିଜ୍ ହେବାକୁ ଥିବା ‘ଲଢ଼େଇ’ରେ ବି ଲୋହିତାକ୍ଷ-ଅଭିଲିପ୍ସାଙ୍କ ନୂଆଯୋଡ଼ି ଆସୁଛନ୍ତି।

ଫେରନ୍ତା ଯୋଡ଼ି 
ଓଡ଼ିଆ ସିନେଜଗତର ଲୋକପ୍ରିୟ ଯୋଡ଼ି ବାବୁସାନ୍‌-ଅର୍ଚ୍ଚିତାଙ୍କୁ ୨୦୨୫ରେ ଦର୍ଶକ ପ୍ରାୟ ୬ ବର୍ଷ ବ୍ୟବଧାନରେ ‘ବୋଉ ଭୁଟ୍ଟୁ ଭୂତ’ ଜରିଆରେ ବଡ଼ ପରଦାରେ ଦେଖିବାକୁ ପାଇଛନ୍ତି। ସେହିପରି ନାୟକ ଅନୁଭବ ଓ  ନିର୍ଦ୍ଦେଶକ ତାପସ ସରଘରିଆଙ୍କ ଯୋଡ଼ି ‘ପ୍ରେମ କୁମାର’ ଓ ‘ଲଭ୍ ଇନ୍ ଲଣ୍ଡନ୍‌’ ପ‌‌େର ୨୦୨୫ରେ ‘ଚାରିଧାମ’ ଜରିଆରେ ଫେରିଛି। ଠିକ୍ ସେହିପରି ‘ଡଟ୍‌ପେନ୍’ ପରେ ପୁଣି ନାୟକ ଜ୍ୟୋତି-ନିର୍ଦ୍ଦେଶକ ଅଶ୍ବିନୀ ତ୍ରିପାଠୀଙ୍କ ଯୋଡ଼ି ‘ମଟରସାଇକେଲ୍‌’ରେ ଫେରିଛନ୍ତି। ‘ଗୁପ୍‌ଚୁପ୍’ ପରେ ନାୟକ ଅମ୍ଳାନ-ନିର୍ଦ୍ଦେଶକ ପୃଥ୍ୱୀରାଜ ପଟ୍ଟନାୟକ ଯୋଡ଼ିର ଦ୍ବିତୀୟ ସିନେମା ‘ଭାଇ’ ଏ ବର୍ଷ ରିଲିଜ୍ ହୋଇଛି। ‘ଦଶମ’ ପରେ ନାୟକ ଶୈଳେନ୍ଦ୍ର ଓ ନିର୍ଦ୍ଦେଶକ ରାଜା.ଡି ଯୋଡ଼ିର ‘ଘମାଘୋଟ୍’ ବି ଚଳିତ ବର୍ଷ ବଡ଼ ପରଦାକୁ ଆସିଛି। ନିର୍ଦ୍ଦେଶକ ସଂଗ୍ରାମ ମହାନ୍ତି-ନାୟକ ଦୁଷ୍ମନ୍ତଙ୍କ ଯୋଡ଼ି ‘ରାକେଟ୍‌’ ଜରିଆରେ ଏବଂ ନିର୍ଦ୍ଦେଶକ ସୁଧାକର ବସନ୍ତ-ନାୟିକା ବର୍ଷା ପ୍ରିୟଦର୍ଶିନୀ ଯୋଡ଼ି ‘ୱାଇଫ୍’ ଜରିଆରେ ଫେରିଛନ୍ତି। ଏଣେ ଶୈଳେନ୍ଦ୍ର-ଶିବାନୀ ଓ ଶୈଳେନ୍ଦ୍ର-ଦିବ୍ୟା ଯୋଡ଼ି ବି ଫେରିଛନ୍ତି।