ମୁମ୍ବାଇ:ଐଶ୍ୱର୍ଯ୍ୟା ରାୟ ତାଙ୍କ ଅଭିନୟ ସହିତ ତାଙ୍କ ସୌନ୍ଦର୍ଯ୍ୟରେ ମଧ୍ୟ ପ୍ରଶଂସକମାନଙ୍କୁ ପାଗଳ କରିଥାନ୍ତି। ଐଶ୍ୱର୍ଯ୍ୟା ଭାରତୀୟ ସିନେମା ଇତିହାସର ସବୁଠାରୁ ସୁନ୍ଦରୀ ଅଭିନେତ୍ରୀ ଭାବରେ ମଧ୍ୟ ଜଣାଶୁଣା। ସେ ୧୯୯୪ ମସିହାରେ ମିସ୍ ୱାର୍ଲ୍ଡ ଟାଇଟଲ୍ ମଧ୍ୟ ଜିତିଥିଲେ। ସମସ୍ତେ ଐଶ୍ୱର୍ଯ୍ୟାଙ୍କ ସୌନ୍ଦର୍ଯ୍ୟର ପ୍ରଶଂସା କରିଥାନ୍ତି। ତଥାପି, ଜଣେ ବଲିଉଡ୍ ଅଭିନେତା ଐଶ୍ୱର୍ଯ୍ୟାଙ୍କ ସୌନ୍ଦର୍ଯ୍ୟକୁ ପ୍ଲାଷ୍ଟିକ୍ ସହିତ ତୁଳନା କରିଥିଲେ। ସେହି ଅଭିନେତା ରଣବୀର କପୁରଙ୍କୁ 'ଲେଡିଜ୍ ମ୍ୟାନ୍' ମଧ୍ୟ କହିଥିଲେ।

Advertisment


ସେହି ଅଭିନେତା ହେଉଛନ୍ତି ଲଭର ବୟ ଇମ୍ରାନ ହାସମୀ। ୨୨ ବର୍ଷ ଧରି ବଲିଉଡରେ ଅଭିନେତା ଭାବରେ କାମ କରୁଥିବା ଇମ୍ରାନ ଥରେ ଐଶ୍ୱର୍ଯ୍ୟାଙ୍କ ସୌନ୍ଦର୍ଯ୍ୟ ଉପରେ ପ୍ରଶ୍ନ ଉଠାଇଥିଲେ। ସେ ରଣବୀରଙ୍କ ବିଷୟରେ ମଧ୍ୟ କିଛି ବଡ଼ କଥା କହିଥିଲେ। ଐଶ୍ୱର୍ଯ୍ୟାଙ୍କ ବିଷୟରେ ତାଙ୍କର ମନ୍ତବ୍ୟ ବିବାଦ ସୃଷ୍ଟି କରିଥିଲା। ଏନେଇ ପରେ ଇମ୍ରାନଙ୍କୁ କ୍ଷମା ମାଗିବାକୁ ମଧ୍ୟ ପଡିଥିଲା।

ଅଧିକ ପଢ଼ନ୍ତୁ: ବାଥରୁମ ବନ୍ଦ କରି କାନ୍ଦିଥିଲେ ବିରାଟ କୋହଲି: ସେଦିନ କ’ଣ ଘଟିଥିଲା, ୟୁଜଭେନ୍ଦ୍ର ଚହଲ କଲେ ଖୁଲାସା


ଇମ୍ରାନ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ଶୋ' 'କଫି ୱିଥ୍ କରଣ'ରେ ଆସିଥିଲେ, ସେ ଐଶ୍ୱର୍ଯ୍ୟାଙ୍କ ବିଷୟରେ ଏକ ବିବାଦୀୟ ବୟାନ ଦେଇଥିଲେ। କରଣ 'ରାପିଡ୍ ଫାୟାର ରାଉଣ୍ଡ'ରେ ଅଭିନେତାଙ୍କୁ ପଚାରିଥିଲେ, "ପ୍ଲାଷ୍ଟିକ୍ ଶବ୍ଦ ଶୁଣିଲେ ତୁମର ମନକୁ କେଉଁ ଅଭିନେତା କିମ୍ବା ଅଭିନେତ୍ରୀଙ୍କ ନାମ ଆସେ? ଇମ୍ରାନ ଉତ୍ତରରେ ଐଶ୍ୱର୍ଯ୍ୟାଙ୍କ ନାମ ନେଇଥିଲେ।

ଏହା ବହୁତ ହଙ୍ଗାମା ସୃଷ୍ଟି କରିଥିଲା ଏବଂ ଐଶ୍ୱର୍ଯ୍ୟା ମଧ୍ୟ ଅଭିନେତାଙ୍କ ଉପରେ ରାଗି ଯାଇଥିଲେ। ପରେ ଇମ୍ରାନ ତାଙ୍କ ମନ୍ତବ୍ୟ ପାଇଁ ଅଭିନେତ୍ରୀଙ୍କୁ କ୍ଷମା ମାଗିଥିଲେ। ସେ ଏହା ମଧ୍ୟ ସ୍ପଷ୍ଟ କରିଥିଲେ ଯେ, ତାଙ୍କୁ ରାପିଡ୍ ଫାୟାର ରାଉଣ୍ଡ ଜିତିବାକୁ ଥିଲା, ତେଣୁ ସେ ଐଶ୍ୱର୍ଯ୍ୟାଙ୍କ ନାମ  ନେଇଥିଲେ। କିନ୍ତୁ ତାଙ୍କ ମନରେ ସେଭଳି କିଛି ନଥିଲା ବୋଲି ସଫେଇ ଦେଇଥିଲେ।

ଇମ୍ରାନ ରଣବୀର କପୁରଙ୍କ ବିଷୟରେ ମଧ୍ୟ ଏକ ବଡ଼ ମନ୍ତବ୍ୟ ମଧ୍ୟ ଦେଇଥିଲେ। ସେତେବେଳେ ରଣବୀର କ୍ୟାଟ୍ରିନା କୈଫ୍‌ଙ୍କୁ ଡେଟ୍ କରୁଥିଲେ। କରଣ ଜୋହରଙ୍କ ଶୋ'ରେ ଇମ୍ରାନ ରଣବୀରଙ୍କ ବିଷୟରେ ଏକ ବିବାଦୀୟ ବୟାନ ଦେଇଥିଲେ ଏବଂ ତାଙ୍କୁ 'ଲେଡିଜ୍ ମ୍ୟାନ୍' ଭାବରେ ଟ୍ୟାଗ୍ କରିଥିଲେ। କହିଥିଲେ ଯେ, ରଣବୀରଙ୍କୁ 'ଲେଡିଜ୍ ମ୍ୟାନ୍' ଖେଳ ଖେଳିବା ବନ୍ଦ କରିବା ଉଚିତ୍। ସେହିପରି ଇମ୍ରାନ   କ୍ୟାଟ୍ରିନାଙ୍କୁ ରଣବୀରଙ୍କୁ ଛାଡିବାକୁ ପରାମର୍ଶ ଦେଇଥିଲେ।

ଇମ୍ରାନ ୨୦୦୩ ମସିହାରେ 'ଫୁଟପାଥ୍' ଫିଲ୍ମ ସହିତ ତାଙ୍କର ବଲିଉଡ କ୍ୟାରିଅର୍ ଆରମ୍ଭ କରିଥିଲେ। ଏହି ଅଭିନେତାଙ୍କୁ ଶେଷ ଥର ପାଇଁ 'ଗ୍ରାଉଣ୍ଡ ଜିରୋ' ଫିଲ୍ମରେ ଦେଖିବାକୁ ମିଳିଥିଲା। କିନ୍ତୁ, ଏହି ଫିଲ୍ମ ବକ୍ସ ଅଫିସରେ ଫ୍ଲପ୍ ପ୍ରମାଣିତ ହୋଇଥିଲା।

ଅଧିକ ପଢ଼ନ୍ତୁ: ରୁଷିଆ-ଆମେରିକା ବିବାଦ ବଢ଼ିଲା: ଉଭୟ ପକ୍ଷରୁ ଅସ୍ତ୍ରଶସ୍ତ୍ର ମୁତୟନ

aishwarya-rai-bachchan | ranbir kapoor | emraan-hashmi