କଙ୍ଗନା ଏବେ ରାଜନୀତିରେ ନୂଆ, କ'ଣ କହିବାକୁ ହୁଏ ଧୀରେ ଧୀରେ ଶିଖିଯିବେ: ଚିରାଗ

ନୂଆଦିଲ୍ଲୀ: ହରିୟାଣା ଏବଂ ଜମ୍ମୁ-କଶ୍ମୀର ବିଧାନସଭା ନିର୍ବାଚନ ମଧ୍ୟରେ କୃଷି ଆଇନ ଉପରେ ବିଜେପି ସାଂସଦ କଙ୍ଗନା ରାନାୱତ ଦେଇଥିବା ବିବୃତି ଭାରତୀୟ ଜନତା ପାର୍ଟୀର ସମସ୍ୟା ବଢ଼ାଉଥିବା ଜଣାପଡିଛି। କିଛି ଦିନ ତଳେ ବିଜେପି କହିଥିଲା ଯେ, କଙ୍ଗନା ଯାହା କହିଛନ୍ତି ତାହା ତାଙ୍କର ବ୍ୟକ୍ତିଗତ ମନ୍ତବ୍ୟ। ଦଳ ସହିତ ଏହାର କୌଣସି ସମ୍ପର୍କ ନାହିଁ। ଏହା ସତ୍ତ୍ବେ ବି ବିରୋଧୀ କଙ୍ଗନାଙ୍କୁ ଓ ବିଜେପିକୁ ଟାର୍ଗେଟ କରୁଥିବା ଦେଖିବାକୁ ମିଳୁଛି |

ଏବେ ଲୋକ ଜନଶକ୍ତି ପାର୍ଟି ସଭାପତି ଚିରାଗ ପାସୱାନ କଙ୍ଗନାଙ୍କୁ ସମର୍ଥନ କରି କହିଛନ୍ତି ଯେ, "ସେ ବର୍ତ୍ତମାନ ରାଜନୀତିରେ ପ୍ରବେଶ କରିଛନ୍ତି, ତେଣୁ ତାଙ୍କୁ ବୁଝିବା ପାଇଁ କିଛି ସମୟ ଲାଗିବ | କିନ୍ତୁ ସେ ବୁଦ୍ଧିମାନ, ତେଣୁ ସେ ଶୀଘ୍ର ସବୁ ଜିନିଷ ବୁଝିଯିବେ | ଯଦିଓ ରାଜନୀତିରେ ଥିବା ଜଣେ ବ୍ୟକ୍ତିଙ୍କ ମତ ଏବଂ ସେ ଯେଉଁ ଦଳର ସଦସ୍ୟ ଅଟନ୍ତି, ସେ ଦଳର ମତ ଭିନ୍ନ ହୁଏ  ତେବେ ଦଳର ମତକୁ ପ୍ରାଧାନ୍ୟ ଦିଆଯିବା ଉଚିତ୍ | ପାର୍ଟୀ ମା ପରି | ଦଳର ଚିନ୍ତାଧାରା ଅନୁସରଣ କରିବା ପ୍ରତ୍ୟେକ କାର୍ଯ୍ୟକର୍ତ୍ତାଙ୍କ ଦାୟିତ୍ୱ ଅଟେ |"

ସେ ଆହୁରି କହିଛନ୍ତି, "କଙ୍ଗନାଙ୍କ ଉପରେ ମୁଁ ରାଗି ନାହିଁ | କିନ୍ତୁ ସେ ବୁଝିବା ଉଚିତ୍ ଯେ, ଏବେ ସେ କେବଳ ଜଣେ କଳାକାର ନୁହଁନ୍ତି ବରଂ ଜଣେ ରାଜନୈତିକ ଦଳର ସଦସ୍ୟ ଏବଂ ସାଂସଦ ମଧ୍ୟ  | ତେବେ ମୋତେ ଲାଗୁନି ଯେ, ସେ ଚର୍ଚ୍ଚାରେ ରହିବାକୁ ଏଭଳି କରୁଛନ୍ତି | କାରଣ ସେ ଲୋକପ୍ରିୟ | ତାଙ୍କୁ ଚର୍ଚ୍ଚାରେ ରହିବା ପାଇଁ ଏସବୁ କରିବାର ଆବଶ୍ୟକତା ନାହିଁ |"

ଏ ଖବର ପଢନ୍ତୁ-https://sambad.in/entertainment/beerbiceps-aka-ranveer-allahbadia-on-youtube-channels-getting-hacked-7095823

ଏ ଖବର ପଢନ୍ତୁ-

https://sambad.in/crime/bengaluru-mahalakshmi-murder-case-accused-mukti-ranjan-confessed-in-suicide-note-7095464