କିଏ ହେବ ମିକା ସିଂଙ୍କ ସ୍ୱପ୍ନର ରାଜକୁମାରୀ?

ମୁମ୍ବାଇ: 'ସ୍ବୟଂବର ମିକା ଦି ଭୋତି' ଶୋ’ର ଫାଇନାଲ୍ ଏପିସୋଡ୍ ନିକଟ ହୋଇ ଆସିଛି । ଏହି ରିଆଲିଟି ସୋ ମାଧ୍ୟମରେ ବଲିଉଡର ପ୍ରସିଦ୍ଧ ଗାୟକ ମିକା ସିଂ ତାଙ୍କ ସ୍ୱପ୍ନର ରାଜକୁମାରୀଙ୍କୁ ଖୋଜୁଛନ୍ତି । ମିକା ସିଂ କାହାକୁ ନିଜର ହୃଦୟର ରାଣୀ କରିବେ ତାହା ଜାଣିବା ପାଇଁ ପ୍ରଶଂସକମାନେ ଅତି ଉତ୍ସାହର ସହ ଚାହିଁ ବସିଛନ୍ତି । ଶୋ’ର ଫାଇନାଲ୍ ଏପିସୋଡ୍ ପାଇଁ ଏବେ ଅନେକ ସମୟ ରହିଛି, କିନ୍ତୁ ଏକ ରିପୋର୍ଟ ଅନୁସାରେ ମିକା ସିଂ କାହାକୁ ତାଙ୍କ ମନର ରାଣୀ କରିବେ ତାହା ଚୂଡାନ୍ତ କରିସାରିଛନ୍ତି। ଏକ ରିପୋର୍ଟ ଅନୁଯାୟୀ, ଏତେ ସଂଖ୍ୟକ ଝିଅଙ୍କ ମଧ୍ୟରୁ ଜଣେ ଝିଅ ମିକାଙ୍କ ହୃଦୟରେ ନିଜ ନାମ ଲେଖିସାରିଛନ୍ତି ।

କିଏ ଏହି ପଞ୍ଜାବୀ ଝିଅ ଯିଏ ମିକାଙ୍କ ହୃଦୟରେ ଘର କରିସାରିଛନ୍ତି ? ମିକା ସିଂଙ୍କ ହୃଦୟରେ ନିଜର ଛାପ ଛାଡି ସାରିଥିବା ଏହି ପଞ୍ଜାବୀ ଝିଅର ନାମ ହେଉଛି ନୀତ୍ ମହଲ । ଏହି ଶୋ’ରେ ମିକା ସିଂଙ୍କୁ ପ୍ରତ୍ୟେକ ଥର ନୀତ ଇମ୍ପ୍ରେସ୍ କରିଆସିଛନ୍ତି। ଚଣ୍ଡିଗଡ଼ର ନୀତ୍ ନିଜେ ଜଣେ ପଞ୍ଜାବୀ ହୋଇଥିବାରୁ ସେ ଭଲ ଭାବେ ଜାଣନ୍ତି କିପରି ମିକାଙ୍କୁ ଜାଣିପାରିବେ । ନୀତ ଭଲ ରୋଷେଇ ଜାଣିଛନ୍ତି। ଏହା ମାଧ୍ୟମରେ ସେ ମିକା ସିଂଙ୍କୁ ଇମ୍ପ୍ରେସ୍ କରିବାରେ ସଫଳ ହୋଇଛନ୍ତି ।

କୁହାଯାଏ ଯେ ଗୋଟେ ପୁରୁଷର ହୃଦୟ ଜିଣିବାକୁ ହେଲେ ତାଙ୍କୁ ଭଲ ଖାଇବାକୁ ଦିଅ । ନୀତ୍ ଏହି ଫର୍ମୁଲାକୁ ଆଗକୁ ବଢ଼ାଇ ଦେଇଛନ୍ତି ଏବଂ ନିଜର ସରଳ ସ୍ୱଭାବ ଆଉ ଚମତ୍କାର ରୋଷେଇ ଶୈଳୀ ସହ ଶୋ'ରେ ଆଗକୁ ବଢିଚାଲିଛନ୍ତି । ଗୋଟିଏ ଏପିସୋଡରେ ମିକା ନିଜେ ତାଙ୍କ ହାତ ତିଆରି ଖିରିକୁ ଭାରି ପ୍ରଶଂସା କରିଥିଲେ ।

ମିକାଙ୍କ ସହିତ ନୀତଙ୍କ କେମେଷ୍ଟ୍ରି ଅତ୍ୟନ୍ତ ସୁନ୍ଦର ଦେଖାଯାଏ । ଦୁହେଁ ଏକ ମ୍ୟୁଜିକ୍ ଭିଡିଓରେ ଏକାଠି କାମ କରିଛନ୍ତି ଏବଂ ପରସ୍ପରକୁ ଆଗରୁ ମଧ୍ୟ ଜାଣିଛନ୍ତି । ନୀତ୍ ଖୁବଶୀଘ୍ର ମିକାଙ୍କ ନିକଟତର ହେବାକୁ ଯାଉଥିବାବେଳେ ନିକଟରେ ମିକା ସିଂଙ୍କ ରୁମର ଗର୍ଲଫ୍ରେଣ୍ଡ ଆକାଂକ୍ଷା ପୁରୀଙ୍କୁ ୱାଇଲ୍ଡ କାର୍ଡ ଏଣ୍ଟ୍ରି ଭାବରେ ସୋ’କୁ ଅଣାଯାଇଛି । ଏବେ ଦେଖିବାକୁ ପଡିବ ଯେ ମିକା ସିଂ ଫାଇନାଲ୍ ଏପିସୋଡ୍ ପର୍ଯ୍ୟନ୍ତ କ’ଣ ନିଷ୍ପତ୍ତି ନେଉଛନ୍ତି ।