ଅମ୍ଳଜାନ ଅଭାବରୁ ୫ ମିନିଟରେ ଚାଲିଗଲା ୧୧ କରୋନା ରୋଗୀଙ୍କ ଜୀବନ

ହାଇଦ୍ରାବାଦ: ଆନ୍ଧ୍ରପ୍ରଦେଶର ଏକ ସରକାରୀ ଡାକ୍ତରଖାନାରେ ଠିକ୍ ସମୟରେ ଅମ୍ଳଜାନ ଅଭାବ ହେତୁ ୧୧ ଜଣ କରୋନା ରୋଗୀଙ୍କ ମୃତ୍ୟୁ ହୋଇଛି | ତିରୁପତିସ୍ଥିତ ରୁଇଆ ହସ୍ପିଟାଲରେ ମୃତ୍ୟୁବରଣ କରିଥିବା ଲୋକଙ୍କ ପରିବାର ପାଇଁ ମୁଖ୍ୟମନ୍ତ୍ରୀ ୱାଇ.ଏସ୍ ଜଗନମୋହନ ରେଡ୍ଡୀ ୧୦ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି। ଏହାପୂର୍ବରୁ ମୁଖ୍ୟମନ୍ତ୍ରୀ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଥିଲେ । ସୋମବାର ରାତିରେ ଆଇସିୟୁରେ ଅମ୍ଳଜାନ ଯୋଗାଣରେ ବ୍ୟାଘାତ ଯୋଗୁଁ ୧୧ଜଣ କରୋନା ରୋଗୀଙ୍କ ମୃତ୍ୟୁ ଘଟିଥିଲା।

କୁହାଯାଉଛି ଯେ ଅମ୍ଳଜାନର ଏକ ଟ୍ୟାଙ୍କର୍ ଆସିବାକୁ ଥିଲା, ଯାହା ଠିକ୍ ସମୟରେ ପହଞ୍ଚି ପାରି ନଥିଲା, ଯେଉଁ କାରଣରୁ ଅମ୍ଳଜାନର ଅଭାବ ଦେଖାଦେଇଥିଲା | ମିଳିଥିବା ସୂଚନା ଅନୁଯାୟୀ ଅମ୍ଳଜାନ ସିଲିଣ୍ଡରକୁ ଭର୍ତ୍ତି କରିବାକୁ ୫ ମିନିଟ୍ ସମୟ ଲାଗିଥିଲା, ଆଉ ଅମ୍ଳଜାନ ଯୋଗାଣ ବନ୍ଦ ହୋଇଯାଇଥିଲା | ଯାହାଫଳରେ ୧୧ ଜଣଙ୍କର ମୃତ୍ୟୁ ହୋଇଯାଇଥିଲା |

ଉଲ୍ଲେଖ ଥାଉ କି ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୧୪,୯୮୬ ନୂଆ ପଜିଟିଭ ଚିହ୍ନଟ ହୋଇଛନ୍ତି ଏବଂ ୮୪ ଜଣଙ୍କର ମୃତ୍ୟୁ ଘଟିଛି। ଆନ୍ଧ୍ରପ୍ରଦେଶରେ ଏପର୍ଯ୍ୟନ୍ତ କରୋନା ସଂକ୍ରମିତ ରୋଗୀଙ୍କ ସଂଖ୍ୟା ୧୩,୦୨,୫୮୯ କୁ ବୃଦ୍ଧି ପାଇଥିବାବେଳେ ୧,୮୯,୩୬୭ ସକ୍ରିୟ ମାମଲା ରହିଛି। ଏପର୍ଯ୍ୟନ୍ତ ରାଜ୍ୟରେ କରୋନା ଯୋଗୁଁ ୮,୭୯୧ ଜଣ ଲୋକ ପ୍ରାଣ ହରାଇଛନ୍ତି।