ମଝି ଆକାଶରେ ହାଇଡ୍ରାମା: ଦୁବାଇ-ମୁମ୍ବାଇ ବିମାନର ୨ ଯାତ୍ରୀ ମଦ ପିଇ ଗିରଫ ହେଲେ

ମୁମ୍ବାଇ : ପୁଣିଥ‌ରେ ମଝି ଆକଶରେ ହାଇଡ୍ରାମା ହୋଇଛି। ଦୁବାଇ-ମୁମ୍ବାଇ ଇଣ୍ଡିଗୋ ବିମାନର ୨ ଜଣ ଯାତ୍ରୀ ଆଜି ମଦ ପିଇ ବିମାନରେ ହଙ୍ଗାମା କରିଛନ୍ତି। ଅନ୍ୟ ଯାତ୍ରୀ ଏବଂ ବିମାନ କର୍ମଚାରୀଙ୍କୁ ସେମାନେ ଗାଳିଗୁଲଜ କରି ଅଶୋଭନୀୟ ଆଚରଣ ପ୍ରଦର୍ଶନ କରିଛନ୍ତି। ଉକ୍ତ ୨ ଯାତ୍ରୀଙ୍କୁ ଗିରଫ କରାଯାଇଛି। ଉକ୍ତ ୨ ଯାତ୍ରୀଙ୍କୁ ଚିହ୍ନଟ କରାଯାଇଛି। ସେମାନେ ହେଉଛନ୍ତି ଦତ୍ତତ୍ରେୟ ବାପରଦେକର ଏବଂ ଜନ୍‌ ଜର୍ଜ‌୍ ଡିସୌଜା। ସେମାନେ ଆଲକୋହଲ ପ୍ରଭାବରେ ଥିଲେ। ‌ମିଳିଥିବା ଏକ ସୂଚନାନୁଯାୟୀ ସେମାନେ ବିମାନରେ ମଧ୍ୟ ମଦ୍ୟପାନ କରିଥିଲେ। ବୁଧବାର ସେମାନେ ମୁମ୍ବାଇରେ ପହଞ୍ଚିବାପରେ ସେମାନଙ୍କୁ ଗିରଫ କରାଯାଇଛି।