ଜମ୍ମୁ-କଶ୍ମୀର ଏନ୍‌କାଉଣ୍ଟର୍‌ ବେଳେ ଫସି ଯାଇଥିବା ୨ ଟ୍ରେକର୍‌ ହେଲା ଉଦ୍ଧାର

ଶ୍ରୀନଗର: ଗତକାଲି ଶ୍ରୀନଗର ନିକଟସ୍ଥ ଜବରନଠାରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ହୋଇଥିବା ଏନକାଉଣ୍ଟରରେ ୨ଟି ଟ୍ରେକର୍‌ ଫସି ଯାଇଥିଲା। ପରେ କଶ୍ମୀର ପୁଲିସ୍‌ ସେମାନଙ୍କୁ ଉଦ୍ଧାର କରି ଏଣିକି ସେମାନଙ୍କ ମାର୍ଗ ବିଷୟରେ ଆଗୁଆ ସୂଚନା ଦେବା ନେଇ ସୂଚନା ଦେଇଛି। ଏନ୍‌କାଉଣ୍ଟର୍‌ ସମୟରେ ଟ୍ରେକର ଦୁଇଟି ଫସି ଯାଇଥିବା ବେଳେ ସେମାନେ ୧୦୦ରେ କଲ୍‌ କରି ପୁଲିସ୍‌କୁ ଜଣାଇଥିଲେ। ପୁଲିସ୍‌ ସର୍ଚ୍ଚ ଅପରେସନ ବନ୍ଦ କରି ପ୍ରଥମେ ସେମାନଙ୍କୁ ସେଠାରେ ଉଦ୍ଧାର କରିଥିଲା। 

ଏହି ଘଟଣା ଘଟିବା ପରେ ପୁଲିସ୍‌ କହିଛି ଯେ ଟ୍ରେକର୍‌ ଏବଂ ସାହସିକ ପର୍ଯ୍ୟଟକମାନେ ସେହି ସ୍ଥାନକୁ ଯିବା ପୂର୍ବରୁ ପୁଲିସ୍‌କୁ ସେ ସଂପର୍କରେ ସୂଚନା ଦେବା ସହ କେଉଁ କେଉଁ ରାସ୍ତାରେ ଯିବେ ସେ ନେଇ ଜଣାଇବା ବି ଜରୁରୀ। ବିଶେଷ କରି ଯେଉଁଠାରେ ସୁରକ୍ଷା ଅପରେସନ ଚାଲିଥାଏ। 

ଏହି ପ୍ରୋଟୋକଲ୍ ନିଶ୍ଚିତ କରୁଛି ଯଦି କୌଣସି ଅପ୍ରତ୍ୟାଶିତ ଘଟଣା ଘଟେ ତେବେ ପୁଲିସ୍‌ ସେମାନଙ୍କ ସୁରକ୍ଷା କରିବ ବୋଲି କଶ୍ମୀର ପୁଲିସ୍‌ ମୁଖ୍ୟ ବିଦ୍ଧି କୁମାର ବିରିଡ଼ି କହିଛନ୍ତି।

ପୁଲିସର ସୂଚନାନୁସାରେ, ଯେତେବେଳେ ଆତଙ୍କବାଦୀ ଏବଂ ସୁରକ୍ଷା ବାହିନୀ ଗୁଳି ବିନିମୟ ଆରମ୍ଭ କରିଥିଲେ ସେତେବେଳେ ଟ୍ରେକର ଦୁଇଟି ବିପଦପୂର୍ଣ୍ଣ ଅବସ୍ଥାରେ ଥିଲେ। ଟେକର୍‌ ନେଇ ଯାଇଥିବା ଲୋକମାନେ ପଥରରେ ଲୁଚି ରହିଲେ। ସେମାନଙ୍କ ମଧ୍ୟରୁ ୧୦୦ ଡାଏଲ କରି ପୁଲିସକୁ ସେମାନଙ୍କ ଅବସ୍ଥାନ ବିଷୟରେ ଜଣାଇଥିଲେ। ସୁରକ୍ଷା ଅପରେସନକୁ ସାମୟିକ ଭାବେ ସ୍ଥଗିତ ରଖାଯାଇଥିଲା ଏବଂ ଟ୍ରେକରମାନେ ଏହି ଅଞ୍ଚଳରୁ ସ୍ଥାନାନ୍ତର ହୋଇଥିଲେ।

ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ଗୁପ୍ତଚର ଆଧାରରେ ପୁଲିସ ଏବଂ ସୁରକ୍ଷା ବାହିନୀ ଜବରନ ଜଙ୍ଗଲ ଅଞ୍ଚଳରେ ଅପରେସନ୍ ଆରମ୍ଭ କରିଥିଲେ।